|
Календарь событий
17 октября 2022
17 октября, 2022 - 18:00
Шэрэдж районым и полицэм и лэжьакIуэхэр хэтащ лъы тын Iуэхум.
2005 гъэм жэпуэгъуэм и 13-м хэкIуэда я лэжьэгъухэмрэ республикэм и цIыху мамырхэмрэ я фэеплъым пщIэ хуащIу, Урысей МВД-м Шэрэдж районымкIэ и къудамэм и унафэщI полицэм и полковник Хапаев Далхат я пашэу, лъы ятащ.
- Дэ ди къалэну къыдолъытэ дэIэпыкъуэгъу псынщIэ хуэныкъуэ цIыхухэм защIэдгъэкъуэныр. Лъы тыныр мыхьэнэшхуэ зиIэ Iуэхущи ди фIэщ мэхъу лъы ттар сэбэп зэрыхъунур цIыху гъащIэр къегъэлынымкIэ,- къыхигъэщащ Хапаев Далхат.
17 октября, 2022 - 17:55
Къэщкъэтау къуажэм щекIуэкIащ 2005 гъэм IэщэкIэ зэщIэузэда бзаджащIэхэр Налшык къалэм къыщытеуам хэкIуэда Ульбашев Ахъмэт и фэеплъыр мыкIуэдыжын щIыным теухуа зэIущIэ.
Полицэм и лейтенант нэхъыжь Ахъмэат щеджа школым къыщызэIуахащ фэеплъ пхъэбгъу. А Iуэхум хэтащ щIалэм къыдэлэжьахэр и Iыхьлыхэмрэ благъэхэмрэ, школым и егъэджакIуэхэмрэ школакIуэхэмрэ, район администрацэм и лIыкIуэхэр.
17 октября, 2022 - 17:32
Иужь зэманым газымрэ щIыдагъэмрэ апхуэдизу куэд тражыIыхьри, ди щыIэкIэ-псэукIэмкIэ нэхъ мыхьэнэшхуэ зиIэр IэнатIэхэри ящогъупщэ. Зи гугъу тщIынур псырщ, ар уимыIэу узэрымыпсэуфынурщ. Абы щыгъуэми, еджагъэшхуэхэм къызэралъытэмкIэ, илъэс зытIущ нэхъ дэмыкIыу дунейпсо цIыхубэм и пащхьэ къиувэнущ ар къазэремэщIыкIым епха къалэн гугъур. Абы, хэбгъэзыхьмэ, щIихъумэнущэ экономикэми политикэми егъэщIылIа Iуэху псори. Мы зэманым къэрали 100-м щIигъум къащэхун хуей мэхъу псыр. Жыжьэ дыIэбэнкъыми, ди Байкал къабзащэм и псыр яфIэфI дыдэщ Китайм и цIыхухэм.
17 октября, 2022 - 15:13
Жэпуэгъуэм и 13-м Къэбэрдей-Балъкъэрым ягу къыщагъэкIыжащ хабзэхъумэ органхэм я лэжьакIуэхэу зи къалэн зыгъэзащIэу ди лъахэм мамырыгъэрэ зэгурыIуэныгъэрэ илъыным зи гъащIэр щIэзытахэр. Налшык щекIуэкIащ абы теухуа фэеплъ пэкIу.
17 октября, 2022 - 15:06
Сабийхэм я псантхуэхэм еIэзэ Хъыдзэ Лаурэ куэдым яцIыху. И щIэныгъэм, Iэзагъым, гущIэгъум щыхьэт тохъуэ зи бын абы деж езышалIэ адэ-анэхэр. ЦIыкIухэм япыщIа дэтхэнэ IэщIагъэми нэхъыщхьэу хэлъыр сабий фIыуэ плъагъуныр.
17 октября, 2022 - 14:41
СурэтыщI гъуазджэхэмкIэ музей Ткаченкэ Андрей и цIэр зезыхьэм щагъэлъагъуэ художник Баккуев Владимир къыщIэна лэжьыгъэхэр. «Хасаньинская сюита» зыфIаща а фэеплъ гъэлъэгъуэныгъэм лэжьыгъэ 95-рэ къызэщIеубыдэ. Псэужамэ, Баккуев Владимир и ныбжьыр мы гъэм илъэс 80 ирикъунут.
- ЦIыху нэхуу дунейм тета, гу къабзэрэ псэ хьэлэлкIэ зи IэщIагъэм пэрыта Баккуев Владимир къызэрытхэмытыжрэ зы илъэс мэхъу. Абы къыщIэна сурэтхэри, езым хуэдэу, дэрэжэгъуэ къозытщ, - жиIащ КъБР-м щэнхабзэмкIэ и министр Къумахуэ Мухьэдин гъэлъэгъуэныгъэр къыщызэIуихым.
17 октября, 2022 - 14:41
ТхакIуэ, драматург, РСФСР-м гъуазджэхэмкIэ щIыхь зиIэ и лэжьакIуэ Шортэн Аскэрбий (1916 - 1985 гъ.гъ.) ящыщщ ди лъэпкъ театрым и япэ режиссерхэм. И зэманым ар жыджэру адыгэ щэнхабзэмрэ литературэмрэ хэлэжьыхьащ, и художественнэ тхыгъэхэмкIэ (пьесэхэр, очеркхэр, рассказхэр, фельетонхэр и Iэдакъэ къыщIэкIащ) цIыхубэр щIэныгъэм, гъуэгу захуэм, тхыдэр хъумэным хуиунэтIащ.
17 октября, 2022 - 12:51
1942-1943 гъэхэм ди щIыналъэм щекIуэкIа зауэ гуащIэхэм хэкIуэда зауэлIхэм я фэеплъыр зэгъэпэщыжыным, ар здэщыт щIыпIэр къэгъэщІэрэщІэжыным, абы и Іэгъуэблагъэр зыхуей хуэгъэзэным теухуа лэжьыгъэхэр щІэгъэхуэбжьауэ Къугъуэлъыкъуей (Урыху) къуажэм щокІуэкI.
Фэеплъыр зэгъэпэщыжыным икIи абы и Iэгъуэблагъэр зэпэщ щІыным текIуэдэну мылъкур «Зи псэр Хэкум щIэзытахэм я фэеплъыр хъумэныр (2019-2024 гъэхэр)» зи фIэщыгъэ къэрал программэм къыхокI. Лэжьыгъэхэр 2023 гъэм ТекIуэныгъэм и махуэм ирихьэлIэу зэфIагъэкІыну я мурадщ.
17 октября, 2022 - 12:44
Адыгэбзэм куэду хэтщ жьы хъуа псалъэхэр. Апхуэдэ псалъэхэм къагъэлъагъуэу щыта хьэпшыпым цIыхур хуэмеиж зэрыхъуам е нэгъуэщI фIэщыгъэцIэ зэригъуэтам къыхэкIыу, псалъэр жьы мэхъу. КIэрашэ Тембот и «Шу закъуэ» романым хэт псалъэхэр щапхъэу къэтхькIэрэ, жьы хъуа псалъэ зыкъом фигу къэдгъэкIыжынщ.
Матэкъуаншэ - шхын гъур, хьэпшып зэрызэрахьэ, къу къуаншэ зытет матэшхуэ. Матэкъуаншэхэр ярытщ выгухэм, зи гупкIэм ныш илъи гъунэжщ.
17 октября, 2022 - 12:28
Жыгейм сэбэпынагъыу иIэр, псалъэ лей хуэмеижу, псоми ящIэ: къыпыкIэ мышхумпIэр мэз псэущхьэхэм я шхыныгъуэщ, уеблэмэ гъатхэм хуиту тригъэхьэу. КъищынэмыщIауэ, жыгейм и пхъафэр и хущхъуэшхуэщ щIыIэ, дзэл, лъынтхуэ узхэм.
17 октября, 2022 - 12:04
Абрэдж Iэдиб Хьэсэнбий и къуэм Къэбэрдей-Балъкъэр Республикэм и Парламентым и депутатым и полномочиехэр я пIалъэр къэмысу щхьэщыхыным и IуэхукIэ
«Къэбэрдей-Балъкъэр Республикэм и депутатым и статусым и IуэхукIэ» Къэбэрдей-Балъкъэр Республикэм и Законым и 4-нэ статьям и 1-нэ Iыхьэм и 1-нэ пунктым ипкъ иткIэ Къэбэрдей-Балъкъэр Республикэм и Парламентым унафэ ещI:
17 октября, 2022 - 12:00
Зи анэдэлъхубзэр Iумпэм зыщIхэм, зэзымыпэсыжхэм дерс къыхахыну ди гугъэщ иджыпсту вжетIэжыну хъыбарым. Ар къэзыIуэтэжар Тыркум щыпсэуа адыгэ щIалэ Тхьэзэплъ Фозийщ.
* * *
Ещанэ классыр къэдухыу еджапIэм дыкъыщаутIыпщам ди адэм: «Iуэхуншэу ущыс нэхърэ, зы лэжьыгъэ гуэр пэрыуви нэхъыфIщ», - щыжиIэм, арэзы сыхъури, цIыхубз хьэпшып зыщэ ди цIыхугъэ тырку гуэрым гъусэ зыхуэсщIащ. Къуажэ-къуажэхэр къызэхэткIухьурэ, сату тщIырт…
17 октября, 2022 - 11:45
Къулейсызыгъэм ебэныным и дунейпсо махуэщ
УФ-м щагъэлъапIэ щIыпIэ хэхам епха дохутыр терапевтхэм я махуэр
1740 гъэм картэхэр зэхэлъхьэнымкIэ IэщIагъэлI, къэхутакIуэ цIэрыIуэ Беринг Витус и экспедицэм хэтхэм Петропавловск-Камчатский къалэм и лъабжьэр ягъэтIылъащ.
1902 гъэм Детройт (США) къалэм къыщыщIагъэкIащ япэ «Кадиллак» автомобилыр.
1905 гъэм Урысейм и япэ Къэрал Думэр зэхыхьащ.
|