|
Календарь событий
18 октября 2022
18 октября, 2022 - 17:30
Мэзкуу къалэм щекIуэкIащ Урысейм кикбоксингымкIэ и федерацэм и зи мычэзу конференцэ. Абы къыщыхахащ зэгухьэныгъэм и унафэщIхэр. Къэбэрдей-Балъкъэрым щыщ гъэсакIуэ цIэрыIуэ Къудей Алим иджыблагъэ хагъэхьащ Урысейм КикбоксингымкIэ и федерацэм (ФКР) и гъэзэщIакIуэ комитетым.
18 октября, 2022 - 16:30
Къэбэрдейм я пщышхуэр, ЩолэхъужькIэ зэджэр, лIа нэужь, пщыхэр зэныкъуэкъу хъуащ, бий зэхуэхъужауэ зыбжанэрэ екIуэкIащ. Щолэхъужьым и къуэ Къэрэщей унафэр яфIиубыдынкIэ шынэрти, ар яукIын мурад ящIащ пщыхэм: «Япэ зидмыгъэщмэ, езым дыIэщIэкIуэдэнщ, дыкъелынукъым», - жари. Ар Мудар Хьэфэ и пщэ иралъхьащ: «Къэрэщейр тхуэукI, уэр фIэкI, нэгъуэщI пэлъэщынукъым», - жари.
18 октября, 2022 - 15:54
Илъэс ныкъуэм нэблэгъагъэнщ Пицундэ зыгъэпсэхупIэм теухуауэ Абхъазым щекIуэкI зэдауэм зэрыщIидзэрэ. Парламентым хэIущIыIу имыщIу, зыгъэпсэхупIэм иубыд ухуэныгъэр Урысейм и федеральнэ IуэхущIапIэм ирита нэужь, цIыхухэм зыкъаIэтащ.
18 октября, 2022 - 14:30
Дуней псом тет лъэпкъхэр зыхэзыгъаплъэ гъуазджэ лIэужьыгъуэщ къафэр. КъэфакIуэ щIэблэ зи куэдхэм я гугъу пщIымэ, ар КъБР-м щIыхь зиIэ и артист Нэгъуд Борисрэ Любэрэ я унагъуэрщ.
18 октября, 2022 - 13:31
«Хэкум зи псэр щIэзытахэм я фэеплыр хъумэн» къэрал программэм хиубыдэу Бахъсэненкэм щызэрагъэпэщыж зауэм хэкIуэдахэм я кхъащхьэр.
Къуажэм и ут нэхъыщхьэр зыгъэбжьыфIэ а монументым и щытыкIэр зыхуэдэр Iуэхум фIыуэ хэзыщIыкI IэщIагъэлIхэм къапщыта нэужь, трищIа щIыIухухэр трагъэкъэбзыкIри, щIэрыщIэу ялэжащ, и лъабжьэ къэтIэсхъар зэщIашхэжащ.
Куэд дэмыкIыу къагъэщIэрэщIэжынущ зауэм хэкIуэдахэм я цIэ-унэцIэхэр зытет мрамор гъэжар.
Лэжьыгъэхэр зэфIагъэкIа нэужь, фэеплъым и хъуреягъыр зэIузэпэщ ящIынущ.
18 октября, 2022 - 12:25
Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, уэрэджыIакIуэ цIэрыIуэ Ташло Алий ди къэралым и мызакъуэу, хамэ щIыпIэхэми фIыуэ къыщацIыху. Абы и уэрэд жыIэкIэр зэхэзыхауэ и творчествэм димыхьэх щIагъуэ щыIэу къыщIэкIынкъым. Ташлом и концертхэми ар зыхэт пшыхьхэми цIыхухэр куэду йокIуалIэ. Шэч хэмылъуи, аращ артистым и зэфIэкIыр къызэралъытэ пщалъэ нэхъ лъагэ дыдэр.
18 октября, 2022 - 11:30
Къэбэрдей-Балъкъэрым и къэралыгъуэр илъэси 100 щрикъум ирихьэлIэу Урысейм ХудожествэхэмкIэ и Академиемрэ Къэбэрдей-Балъкъэрым и СурэтыщIхэм я Зэгухьэныгъэмрэ я жэрдэмкIэ къызэрагъэпэща зэхьэзэхуэм щытекIуахэмрэ къыщыхэжаныкIахэмрэ Лъэпкъ Музейм иджыблагъэ щагъэлъэпIэжащ.
18 октября, 2022 - 10:55
Кхъухьлъатэзехуэ ахъырзэман, журналист цIэрыIуэ, тхакIуэ Iэзэ! Пэжщ, а псор зы цIыхум хэлът. Уафэрауэ къыщIэкIынут а псом и къежьапIэр! Ди лIыхъужьым уафэр и плъапIэт зэрыцIыкIурэ. Куэдрэ уафэм уиплъэмэ, къарурэ гупсысэ бзыгъэрэ къуиту къыщIэкIынущ. ЛIыгъэ хэлъу, акъылыфIэу, гурыхуэу, пэжым тету псыхьа хъуащ Ажий Исмэхьил.
УафэмкIэ куэдрэ плъэрт…
18 октября, 2022 - 10:10
Лышх узыфэр зыпкърыт сымаджэхэм къызэрагъэпэща «Здравствуй!» зэгухьэныгъэм и жэрдэмкIэ КъБР-м аллергологиемрэ иммунологиемкIэ и центрым кърагъэблагъэри, абы махуэ лэжьыгъэ щрихьэкIащ педиатр-иммунолог, медицинэ щIэныгъэхэм я доктор, профессор Продеус Андрей.
18 октября, 2022 - 09:30
Къэбэрдей-Балъкъэр Республикэм и Iэтащхьэм и деж IуэхукIэ зэрызэпеуэм зегъэужьынымкIэ щыIэ советым, Къэбэрдей-Балъкъэр Республикэм и Iэтащхьэм 2020 гъэм дыгъэгъазэм и 7-м къыдигъэкIа Указ №163-УГ-мкIэ къищтам зэхъуэкIыныгъэхэр хэлъхьэным и IуэхукIэ
18 октября, 2022 - 09:15
Къэбэрдей-Балъкъэр Республикэм и республикэ бюджетыр 2022 гъэм и япэ илъэс ныкъуэм гъэзэщIа зэрыхъуам и IуэхукIэ Къэбэрдей-Балъкъэр Республикэм и Правительствэм и отчетым теухуауэ
18 октября, 2022 - 09:00
♦КIэнфетхэм я дунейпсо махуэщ
♦ЦIыхухъухэм я джанэхэм далъхьэ пщэдэлъым и дунейпсо махуэщ
♦Азербайджаным и щхьэхуитыныгъэм и махуэщ
♦1867 гъэм Аляскэ хытIыгуныкъуэр США-м зэрыращам теухуа дэфтэрхэр зэIэпахащ. Жэпуэгъуэм и I8-м илъэс къэс а къэралым щагъэлъапIэ Аляскэм и махуэр.
♦1723 гъэм Пётр Езанэм Кронштадт быдапIэм и лъабжьэр игъэтIылъащ.
♦1918 гъэм Чехословакие республикэр къызэрагъэпэщащ.
|