|
|
Календарь событий
17 ноября 2022
17 ноября, 2022 - 17:00
КъБР-м Егъэджэныгъэмрэ щIэныгъэмкIэ и министерствэм и жьауэм щIэту лажьэ «Узыншагъэр щызэф1агъэувэж еджапIэ-интернат №3»-м сабийхэм я щIэныгъэм хэзыгъахъуэ, ябгъэдэлъ есэныгъэхэм зезыгъэузэщI тхылъхэр тыгъэу къаIэрыхьащ иджыблагъэ.
17 ноября, 2022 - 16:44
Революцэм и пэкIэ нэмыцэбзэмрэ франджыбзэмрэ пщIэныр, урипсэлъэныр Iуэхугъуэ къызэрыгуэкIт урыс тхакIуэхэм я дежкIэ. Ауэ бзэ куэд пщIэныр, урипсэлъэныр, тхыгъэ ириптхыныр е нэгъуэщI лъэпкъхэм я тхакIуэхэм ятхахэр урысыбзэкIэ зэбдзэкIыныр ехъулIэныгъэшхуэу къалъытэрт. Урыс тхакIуэшхуэхэм яхэтщ бзэ куэд зыщIэхэр. Нэхъыбэми, бзэхэр езыр-езыру яджыжат.
17 ноября, 2022 - 15:06
«ФIагъ лъагэ зиIэ гъуэгу шынагъуэншэхэр» къэрал программэм ипкъ иткIэ Эльбрус къуажэм Согаевым и цIэр зезыхьэ и уэрамымрэ Лесная уэрамымрэ ятелъ гъуэгухэр зэрагъэпэщыж. Иужьрей дыдэу гъуэгум иIэ щыщIэныгъэхэр зэрызэрагъэзэхуэжрэ илъэсипщI дэкIащ. Иджыпсту а уэрамхэм лъэсу ущызекIуэнри машинэкIэ ущызэхэзежэнри шынагъуэ хъуащ.
17 ноября, 2022 - 14:41
Тыркум хыхьэ Бурсэ къалэм иджыблагъэ щызэхэтащ «Тырку дунейм щызекIуэну зы алыфбей зэхэлъхьэным теухуа зэхуэс». Ар егъэщIылIат 1932 гъэм щегъэжьауэ ягъэлъапIэ Бзэм и махуэр илъэс 90 зэрырикъум.
«Анэдолэ» тырку агентствэм къызэритымкIэ, Тырку къэралыгъуэхэм я зэгухьэныгъэм хыхьэ хэгъэгухэм латин хьэрфхэр зи лъабжьэ алыфбеищIэ зэхалъхьэну я мурадщ. Зи гугъу тщIы гупым хэтщ Азербайджаныр, Къэзахъстаныр, Къыргъызыр, Тыркур, Узбекистаныр.
17 ноября, 2022 - 13:31
УФ-ми КъБР-ми щIыхь зиIэ я артист, Музыкэ театрым и уэрэджыIакIуэ цIэрыIуэ, илъэс 30-м щIигъуауэ республикэ, къэрал театр гъуазджэр зыгъэбей, зи гукъыдэжымрэ дэрэжэгъуэмкIэ цIыхубэм ядэгуашэ Батыр Мухьэдин и ныбжьыр илъэс 65 зэрырикъур иджыблагъэ игъэлъэпIащ.
17 ноября, 2022 - 12:44
ЕтIощIанэ лIэщIыгъуэм и пэщIэдзэхэм адыгэ щIэныгъэр зэфIэувэным жыджэру хэлэжьыхьахэм ящыщ зыщ Сыихъу Сэфарбий (I887-I966 гъгъ.). Абы и гъащIэмрэ лэжьыгъэмрэ къызэрекIуэкIар зэхуихьэсыжащ щIэныгъэрылажьэ ХьэкIуащэ Мадинэ.
17 ноября, 2022 - 10:35
Нэхъапэм ИорданщIыбкIэ зэджэу щытар Иордан псым къедза щIыпIэхэрщ. ФокIадэм и 25-м британыдзэхэм, зауэ гуащIэ ирагъэкIуэкIри, Амман яубыдащ. А махуэ дыдэм адыгэ тхьэмадэхэмрэ офицерхэмрэ зэхуэзащ. Тхьэмадэхэм жаIащ Амман тыркудзэхэр зэрыдэмысыжыр икIи зэгурыIуащ мамыру псэу адыгэхэм я гугъу ямыщIыну.
ЩIэныгъэлI Къущхьэбий Анзор и лэжьыгъэм къызэрыхэщымкIэ, иорданщIыбыр инджылызыдзэхэм яубыда нэужь, абыхэм къызэрагъэпэщащ британ кIэлъыплъыныгъэм щIэт автономнэ щIыпIэхэр: Аммани Джэраши дагъэтIысхьащ инджылыз чэнджэщэгъухэр. Ауэ унафэр зыIэщIэлъыр езы щIыпIэм щыщ тхьэмадэхэр арат.
17 ноября, 2022 - 09:55
Студентхэм я дунейпсо махуэщ
Сабий мылъхуэсхэм я дунейпсо махуэщ
Урысейм щагъэлъапIэ уполномоченнэ участковэхэм я махуэр
Азербайджаным и гуфIэгъуэщ - Лъэпкъ къэщIэрэщIэжыныгъэм и махуэр ягъэлъапIэ
Армением щагъэлъапIэ дзэ-медицинэ лэжьакIуэм и махуэр
Къыргъыз кином и махуэщ
Чехиемрэ Словакиемрэ щагъэлъапIэ хуитыныгъэмрэ демократиемрэ щIэбэныным и махуэр
|
