|
|
Календарь событий
28 ноября 2022
28 ноября, 2022 - 18:00
Ди газетым хъыбар зэрытетащи, Анэдэлъхубзэр хъумэным хуэунэтIауэ Къэбэрдей-Балъкъэр республикэм и Жылагъуэ палатэм иджыблагъэ зэIущIэ иригъэкIуэкIащ. Фигу къэдгъэкIыжынщи, мыбы пэублэу икIи убгъуауэ къыщыпсэлъащ егъэджэныгъэмрэ щIэныгъэмкIэ министр Езауэ Анзор, Дунейпсо Адыгэ Хасэм и тхьэмадэ Сэхъурокъуэ Хьэутий, зи лэжьыгъэр бзэм егъэщIылIа щIэныгъэлIхэр, егъэджакIуэхэр.
28 ноября, 2022 - 17:00
ИскусствоведенэмкIэ доктор, КъБКъУ-м архитектурэмкIэ, ухуэныгъэмрэ дизайнымкIэ и институтым и унафэщIым щIэныгъэ-къэхутэныгъэ IуэхухэмкIэ и къуэдзэ, институтым и кафедрэм и доцент, УФ-м и СурэтыщIхэми Дизайнерхэми я союзхэм, Дизайнерхэм я дунейпсо зэгухьэныгъэм хэт, «Шэрджэс дуней», «Нартиада», «Дэрбзэр» зэпеуэхэм я къэпщытакIуэ гупым я унафэщI Къанокъуэ ФатIимэ и Iэдакъэ къыщIэкIа нэгъуей лъэпкъ фэилъхьэгъуэхэр ЕсэнтIыгу щекIуэкI выставкэм щагъэлъагъуэ.
28 ноября, 2022 - 16:45
КIуэ пэтми я щIэупщIэр хохъуэ ятIагъуэ гъэжьам (керамикэм) къыхэщIыкIа хьэпшыпхэм. КъызэрыщIэкIымкIэ, куэди щIэхъуэпсырт а IэщIэгъэр зрагъэгуъэтыну. Ар къилъытауэ арагъэнщ апхуэдэ школ ди республикэм япэу къыщызэIузыха ХьэцIыкIу Миланэ.
28 ноября, 2022 - 16:33
Дыщэр Менделеевым и таблицэм 79-нэу итщ. Дыщэу дунейм къыщыщIахыр куэд дыдэу пхужыIэнукъым, нэгъуэщI мывэ, гъущIыкIэ лIэужьыгъуэхэм еплъытмэ. Дыщэр къызэрагъэунэхурэ псори зэхэту къыщIахам хуэдиз зы махуэм гъущIу къыщIах, хуэгъэфэщауэ къэббжмэ.
28 ноября, 2022 - 16:00
«Урысейм и сабийхэр-2022» профилактикэ Iуэхум хыхьэу «Спортыр наркотикым пэщIэтщ!» къыхуеджэныгъэм щIэту «Налшык» спорт комплексым щекIуэкIащ самбэмкIэ республикэ зэпеуэ, 2007 - 2009 гъэхэм къалъхуахэр хэту. Ар къызэригъэпэщащ КъБР-м щыIэ МВД-м Наркотикхэр зэрызэрагъакIуэм кIэлъыплъынымкIэ и управленэм.
Зэхьэзэхуэр къыщызэIуахым утыкум къихьэнухэм захуигъэзащ Управленэм мыхьэнэшхуэ зиIэ Iуэху хэхахэмкIэ и оперуполномоченнэ нэхъыжь, полицэм и подполковник Давыдовэ Иринэ.
28 ноября, 2022 - 15:33
Къулъкъужын Ипщэмрэ Ищхъэрэмрэ зэхэту псыр зрикIуэ бжьамийуэ километри 7-м нэблагъэ щызэрагъэпэщыж.
Абы хиубыдэу Къулъкъужын Ипщэм и псы ежэххэм пэгъунэгъу бжьамийуэ километри 2,5-м нэблагъэ, Къулъкъужын Ищхъэрэм километри 4-м щIигъу щахъуэжынущ, зыхуей хуагъэзэнущ псы зэхуэхьэсыпIэхэр.
Яубла Iуэхум и фIыгъэкIэ къуажитIми цIыху мини 4-р псыкIэ къыщызэгъэпэща хъунущ. Апхуэдэу мы гъэм Куба псы къыщIэшыпIэщIэ щаухуэнущ. Мы къуажэм дэсхэр илъэс куэд щIащ псы зэфэнумкIэ гугъу зэрехьрэ, уеблэмэ махуэ къэс зэрыIэбэну псыр уэшхыпсу щызэхуахьэси къэхъуу.
28 ноября, 2022 - 15:23
СызэрыцIыкIурэ бгым къыщыскIухьын сфIэфIт. Ар зыгуэрым жесIэмэ, къысщыдыхьэшхынкIэ сышынэрти сыбзыщIырт, ауэ сэ бгыхэм къыщыскIухь къудейтэкъым, сэ абыхэм сепсалъэрт. Ар зыхэзымыщIам къыгурыIуэнукъым а Iуащхьэ лъагэхэм я губзыгъагъымрэ абыхэм яхэлъ къарум я инагъымрэ.
28 ноября, 2022 - 15:05
Германием и Мюнстер къалэм дэт университетым и къэхутакIуэхэмрэ Кёльн щыIэ Нэмыцэ аэрокосмос центрым уафэщIхэр джынымкIэ и геофизикхэмрэ математикэ щIэныгъэм и IэмалыщIэу къагупсысам иригъуэза иужькIэ, ЩIы Хъурейм къыдэгъуэгурыкIуэ Мазэм и ныбжьыр алъандэрэ къызэралъытэу щытам нэхърэ илъэс мелуан 85-кIэ нэхъ мащIэу къыщIрагъэдзыжащ. Абы теухуа тхыгъэ къыщыхьащ Science Advances журналым.
28 ноября, 2022 - 15:00
Бжьэдыгъу Аксанэ «Нарт» бухгалтер IуэхущIапIэм и унафэщIщ, «Лашын» бзылъхугъэ хасэм и гуащэщ, адыгэ шхыныгъуэхэр IэфIу зэрипщэфIымкIи куэдым къацIыху.
28 ноября, 2022 - 14:55
ГущIэгъу зэхуэщIыным и дунейпсо махуэщ
1926 гъэм къалъхуащ Къэрал лэжьакIуэ, Къэбэрдей-Балъкъэрым щэнхабзэмкIэ и министру, республикэм и Совет Нэхъыщхьэм и Президиумым и секретару щыта Уэрсей Фаинэ.
1939 гъэм къалъхуащ хормейстер, УФ-м щIыхь зиIэ и артист Бицу Юрий.
1954 гъэм къалъхуащ КъБР-м щIыхь зиIэ и ухуакIуэ, техникэ щIэныгъэхэм я кандидат, «Къэббалъкъремстрой» ОАО-м и унафэщI ГъуаплъащIэ Алексей.
|
