|
Календарь событий
25 марта 2023
25 марта, 2023 - 11:34
2023 гъэм республикэм щекIуэкIыну губгъуэ лэжьыгъэхэм зэрызыхуагъэхьэзырым щытепсэлъыхьащ КъБР-м и Парламентым Мэкъумэш IуэхухэмкIэ, щIыр къэгъэсэбэпынымкIэ, экологиемрэ дыкъэзыухъуреихь дунейр хъумэнымкIэ и комитетым къызэригъэпэща зэIущIэм. Хабзэ зэрыхъуам тету, пIалъэр къэса нэужь, а Iуэхур депутатхэм комитетым щызэпкърах.
25 марта, 2023 - 11:11
Къэбэрдей-Балъкъэрым и щэнхабзэм и лэжьакIуэхэу пщIэ зыхуэсщIхэ!
Сигуми си псэми къабгъэдэкIыу фи IэщIагъэм ирилажьэхэм я махуэмкIэ сынывохъуэхъу.
Мыхьэнэшхуэ зиIэ а IэщIагъэм пэрыт фэ сыт щыгъуи пщIэшхуэ щывиIащ икIи щывиIэщ жылагъуэм я деж.
25 марта, 2023 - 10:28
КъБР-м и Парламентым и УнафэщI Егоровэ Татьянэ видеозэпыщIэныгъэ Iэмалхэр къигъэсэбэпу хэтащ УФ-м и Федеральнэ Зэхуэсым и Къэрал Думэм и зэIущIэм. Абы 2022 гъэр зэрекIуэкIамрэ къэралым зригъэхъулIахэмрэ щытепсэлъыхьащ УФ-м и Правительствэм и УнафэщI Мишустин Михаил, апхуэдэуи фракцэхэм я депутатхэм я упщIэхэм жэуап яритащ.
25 марта, 2023 - 09:34
КIуэкIуэ Казбек бэрэжьей кIуам иригъэкIуэкIа «муниципальнэ сыхьэтым» Iуэхугъуэ зыбжанэм щытепсэлъыхьащ. Абы хэтащ республикэм и къалэхэмрэ щIыналъэхэмрэ я Iэтащхьэхэр.
25 марта, 2023 - 09:10
УФ-м и Правительствэм и УнафэщI Мишустин Михаил гъэ къэс, хабзэ хъуауэ, Къэрал Думэм и депутатхэм я пащхьэ ирелъхьэ блэкIа илъэсым къриубыдэу къэралым социально-экономикэ и лъэныкъуэкIэ игъуэта зыужьыныгъэмрэ къэкIуэнум тещIыхьа мурадхэмрэ къалэнхэмрэ къызыхэщ доклад. КъБР-м и Iэтащхьэ КIуэкIуэ Казбек а къэпсэлъэныгъэм щыпэджэжащ и телеграм-каналым:
25 марта, 2023 - 09:00
КъБР-м и Iэтащхьэм Налшык къалэ и лэжьакIуэ пэрытхэм ядригъэкIуэкIа зэIущIэр къыщызэIуихым, псом япэу фIыщIэ яхуищIащ зауэ Iуэху хэхам къахуигъэув къалэнхэр ягъэзащIэу дзэм къулыкъу щезыхьэкIхэмрэ абыхэм я унагъуэхэмрэ яхуэфэщэн гулъытэ зэрыхуащIым папщIэ. «ФIыщIэ яхузощI Iэщэ яIыгъыу нобэ ди мамырыгъэр зыхъумэ щIалэхэр, лIыхъужьхэр зыгъэса адэ-анэхэм. ТекIуэныгъэр дэращ къэзыхьынур», - жиIащ КIуэкIуэ Казбек. ЩIыналъэм и УнафэщIым къыхигъэщащ УФ-м и Президентым и пщэрылъхэм япкъ иткIэ, зауэ Iуэху хэхам хэтхэу дзэ къулыкъур езыхьэкIхэмрэ абыхэм я унагъуэхэмрэ зыхуэныкъуэ дэIэпыкъуныгъэхэр ятыным телэжьэну зэгухьэныгъэ республикэм къызэрыщызэрагъэпэщынур.
|