Календарь событий

Урысей Ипщэ энергетикэ системэм зыуэ щыт и диспетчер управленэм иджыблагъэ къызэритамкIэ, 2029 гъэм ­къриубыдэу Къэбэрдей-Балъкъэрым щаутIыпщынущ псы­кIэ лажьэ электростанц мыину тIу - псори зэхэту мегаватт 46,6-рэ я лъэщагъыу. 

«ГъуэгуфI шынагъуэншэхэр» лъэпкъ проектым тету, Къэбэрдей-Балъкъэрым и Дзэлыкъуэ щIыналъэм хыхьэ Шордакъ къуажэм пхрыкI автомобиль зекIуапIэ нэхъыщхьэм щыщу километр 1,7-р къызыхуэтыншэу зэрагъэпэщыжынущ. 

Къэбэрдей-Балъкъэр Республикэм щылажьэ «Къуажэ ипотекэ» программэмкIэ унагъуэ 625-м республикэм и щIыналъэхэм, жылэхэм щIы къыщащэхуащ. Апхуэдэ ахъшэу сом зы мелард­рэ ныкъуэрэ итащ банкым. А Iуэхум зэпкъры­хауэ тепсэлъыхьащ КъБР-м экономикэ зыу­жьыныгъэмкIэ и министр Рахаев Борис, Рос­сельхозбанкым Кавказ Ищхъэрэ федеральнэ щIыналъэм щиIэ къудамэм и унафэщIым и чэнджэщэгъу Филимонов Георгий, Банкым и Къэбэрдей-Балъкъэр къудамэм и Iэтащхьэ Сокъур Алим сымэ щызэхуэзам. 

Метр миниплI нэхърэ нэхъ лъагэу Урысейм бгы 72-рэ итщ. Абыхэм ящыщу 67-р Кавказ Иным, 2-р Алтайм, 3-р Камчаткэм щыIэщ. Кавказым хиу­быдэ бгыхэм ящыщу Къэ­бэрдей-Балъкъэрым и щIыналъэм хохьэ 16-р. Абыхэм я лъагагъыр метр минитхум ноблагъэ.