Календарь событий

25 февраля 2024

Вэрокъуэр псоми йофIэкI

25 февраля, 2024 - 14:13

Ди къэралым и къалащхьэм иджыблагъэ щекIуэкIащ пауэрлифтингымкIэ дунейпсо зэ­хьэ­зэхуэ, «ЩIымахуэ Мэзкуу» фIащауэ. Абы хэтащ Урысейм и спортсмен 300-м нэблагъэ.

КърикIуахэр зэхалъхьэжа нэужь, зэпеуэм и абсолютнэ ­чемпион цIэр къыфIащащ Къэ­бэрдей-Балъкъэрым и лIыкIуэ Вэрокъуэ СулътIан. IэпщэкIэ абы къиIэта килограмм 92,5-рэ зи хьэлъагъ штангэм и хьэрхуэ­рэгъухэр пэлъэщакъым икIи дунейпсо классымкIэ спортым и мастер цIэр къыхуагъэфэщащ.
Ди щIалэр зыгъасэр Хьэщпакъ Мусарэ Гъубж БетIалрэщ.

Фэеплъ зекIуэ

25 февраля, 2024 - 10:11

«Урысей географие зэгу­хьэныгъэм» хыхьэ «Альтаир» ныбжьыщIэ хасэм илъэс къэс къызэригъэпэщ щIымахуэ зекIуэхэм ящыщщ иджы­благъэ щIалэгъуалэм кърахьэлIа пэхуэщIэр (проек­-тыр). НыбжьыщIэ хасэм хэтхэм Хэкум и хъумакIуэм и махуэм ирихьэлIэу, 1942 - 1943 гъэхэм Кавказыр хуит къыщащIыжым Хэку зауэшхуэм зи щхьэр хэзылъхьа лIы­хъужьхэм папщIэ бгыщхьэм фэеплъ пхъэбгъу щагъэуващ. ЩIалэгъуалэр метр 2879-рэ хуэдизкIэ щIыгум щхьэщыIэтыкIа Инал сэнтхым и щIыпIэ нэхъ лъагэ дыдэм кIэрыхьащ. Ар Къуршытхым хыхьэж тхы­цIэхэм ящыщщ.