Календарь событий

11 июня 2024

ЦIыху 400-м щIигъу ягъэхъужащ

Лышх узыфэхэмкIэ Тэн Iус Ростов къалэм щыIэ щIэныгъэ-медицинэ IуэхущIапIэм къызэритымкIэ, 2024 гъэр къызэрихьэрэ абы щеIэзащ Урысей Федерацэм и щIыналъэщIэхэм ящыщу цIыху 400-м щIигъум.

- Донецк, Луганск республикэхэм, Херсон, Запорожскэ областхэм щыщу, сабийми балигъми, цIыху 400-м щIигъу ди IуэхущIапIэм щIэлъащ. Ди цIыхухэм пщIэншэу медицинэ дэIэпыкъуныгъэ ягъуэтынымкIэ къэралым щыIэ  программэхэм япкъ иткIэ, деIэзащ абыхэм, - жеIэ онкоцентрым и унафэщI Кит Олег.

Адыгэпсэ нэгъэса

Ди лэжьэгъу, КъШР-м щIыхь зиIэ и журналист, КъШР-м и ТхакIуэхэм я зэгухьэныгъэм и шэрджэс къудамэм и унафэщI, «Черкес хэку» республикэ газетым и редактор нэхъыщхьэ Абидокъуэ Люсанэ Алий и пхъур ящыщщ гъащIэм и лъэныкъуэ псоми ехъулIэу псэу бзылъхугъэ жанхэм, Iущхэм, гуащIафIэхэм.

Лъэпкъхэм я зэныбжьэгъугъэр зи дамыгъэ

Зыужьыныгъэм и гъуэгур зэи щытакъым тыншу. Сыт хуэдэ лэжьыгъэфIми текIуэныгъэ инми я щIыбагъ къыдэлъщ цIыху гъащIэхэр, щыщIэныгъэхэр, гугъуехьхэр. Зи ныбжьыр илъэси 110-м щхьэдэха Нарткъалэ къикIуа гъуэгуанэри гъэнщIащ апхуэдэ IуэхухэмкIэ. Апхуэдэуи абы хыболъагъукI къалэм игъуэта зыузэщIыныгъэм щыхьэт техъуэ IуэхугъуэфIхэр, ехъулIэныгъэ лъагэхэр, псом ящхьэращи, щапхъэу бгъэлъагъуэ хъуну цIыху гъащIэ купщIафIэхэр.

ИлъэсипщI хуэдэкIэ дыпэплъэжмэ

Къэралым и щIыналъэхэм я цIыхухэм я улахуэм зэрыхэхъуэм и псынщIагъымрэ абыхэм щыпсэухэм я нэхъыбэм я мазэ хьэкъыр сом мини 100-м щынэсыну е щыщIигъуну пIалъэмрэ къапщытэу экспертхэм иджыблагъэ рейтинг зэхагъэуващ.

Сыт къыпэплъэр?

Украинэм щекIуэкI дзэ Iуэху хэхар Урысейм и текIуэныгъэмкIэ зэриухынум шэч зэрыхэмылъыжыр хьэкъ щыхъуащ КъухьэпIэми. Абы Киев къызэрыдэIэпыкъур зыхуэгъэзари ар Iэмал зэриIэкIэ нэхъ кIыхь ящIынырщ. Иужьрейм ди дзэхэм къыпэщIэтыфу «фэ къазэрытеуэу» «мамыр зэпсэлъэныгъэхэр къыхалъхьэнущ. Дауи, езыхэм къагъэувхэм тету. Ауэ апхуэдэ дыдэу белджылыщ УФ-м ар зэримыдэнури: абы фIэкIыпIэ имыIэу зригъэхъулIэнущ дзэ Iуэху хэхам щыщIидзэм зыхуигъэувыжа мурадхэр. Абы къыхэкIыу мы упщIэр къыкъуокI: сыт хуэдэ теплъэ иIэу къэнэну Украинэр? Ар куэдрэ зэхэгъэкIыгъуэхэм хэхуащ, Iэджэрэ ячэтхъауэ щытащ.

Зыхилъхьэ щыIэтэкъым

Егъэджэныгъэмрэ щIэныгъэмрэ хэлъхьэныгъэ хуэзыщIахэм я цIэхэр пэш щхьэхуэхэм фIэщыныр Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым хабзэ дахэу щыувауэ зыбжанэ лъандэрэ къокIуэкI. ЩIыналъэм щыпсэухэм къадекIуэкI лъэпкъ гупсысэкIэр къапщтэмэ, зи дунейр зыхъуэжа, ауэ цIыхугъэмрэ щIэблэм я зыузэщIыныгъэмрэ зи гуащIэ езытахэм я фэеплъыр хъумэныр хьэкъ зыщытщIыжу дыкъогъуэгурыкIуэ.

Муллаев Шарафудин дунейм ехыжащ

КъБР-м и Iэтащхьэ КIуэкIуэ Казбек яхуэгузэващ Муллаев Шарафудин и Iыхьлыхэмрэ благъэхэмрэ: 
- Дунейм ехыжащ гъущIыкIэ щхъуэкIэплъыкIэхэм я лъэхъэнэ иным и цIыху, Социалист Лэжьыгъэм и ЛIыхъужь, Урысей Федерацэмрэ Къэбэрдей-Балъкъэрымрэ щIыхь зиIэ я энергетик Муллаев Шарафудин. 

«Умэ»

ПсапащIэ Iуэху

         Апхуэдэ фIэщыгъэм щIэт, фIым телажьэ псапащIэ фондым лэжьэн зэрыщIидзэрэ илъэс ныкъуэ ирикъуа къудейщ, ауэ а зэман кIэщIым къриубыдэу абы хузэфIэкIащ сабий сымаджэ зиIэ унагъуэхэм, хуэмыщIауэ псэу бынунагъуэшхуэхэм, ныкъуэдыкъуагъ зыбгъэдэлъхэм гулъытэ яхуищIын.

Фондым и лэжьакIуэхэр фIыуэ щыгъуазэщ зэгъэбыдылIа унагъуэхэм я дэтхэнэри зыхуэныкъуэ дэIэпыкъуныгъэр сыт хуэдэу етын хуейми. Псалъэм папщIэ, абыхэм къахокI зэхэзекIуэну зыхузэфIэмыкIхэр. Апхуэдэхэм щхьэхуэу ерыскъы хьэзырхэри хуашэ.

Дэнэ къыздикIар щымыIэ щхьэ бжыгъэхэр?

Иджыблагъэ «Адыгэ псалъэ» газетым къэпсэлъащ пенсэм тIысыжауэ щыс цIыхубзыр: къыздикIар имыщIэу абы къыхурагъэхьащ псым щIит уасэр зэрызэтригъэхьам къыхэкIыу Iуэхур судым иратынкIэ зэрыхъунур зытет, мыхъуркIэ щIэгъэбыдэжа квитанцыр.  Езым мазэ къэс, щапхъэ зытрахым хуэдэу, коммунальнэ Iуэхутхьэбзэ псоми япэкIуэ уасэр зэхэхауэ ет. Квитанцым тет телефон номерымкIэ тхьэмахуэ енкIэ ищIащ - зыми къытрахыркъым. Налшык и «Водоканал» IуэхущIапIэм запищIэу щыщIэупщIэм, цIыхуитI и фэтэрым къыкIэщIатхауэ иту къыщIэкIащ.

Сом минищэм нэблагъэ IэщIагъэкIащ

Урысей МВД-м Аруан район щиIэ къудамэм накъыгъэм и 3I-м зыхуигъэзащ Аруан къуажэм щыщ цIыхубзым. Щхьэусыгъуэр къызэрагъэпцIарт.

         ЦIыхубзым зэрыжиIамкIэ, абы егъэхьэзырыф инфографикэ. Махуэ зыбжанэ ипэкIэ абы къыIэрыхьащ имыцIыху бзылъхугъэм къыбгъэдэкI хъыбар, тыкуэнхэм ехьэлIа логотипу тIум елэжьыну. ИужькIэ, хуищIа лэжьыгъэр игу ирихьри, ахъшэ тIэкIу къритащ икIи цIыхубзым къыхуигъэлъэгъуащ интернет-сайтхэм папщIэ лототипхэр игъэхьэзырыну. Арэзы хъуати, къэлъэIуам къытрикъузэри, абы къыхуигъэлъэгъуа интернет-платформэм езым и кабинет къыщызэIуихащ.

Информационное сообщение  

Оперативный штаб в КБР поздравляет жителей и гостей республики с наступающим праздником – Днем России – и призывает к повышению бдительности и соблюдению антитеррористических мер:
– не допускайте действий, способных привести к возникновению экстремальных ситуаций и создающих опасность для окружающих;
– паркуйте автотранспорт в специально отведенных местах; 

«Си гъащIэм щыщ усыгъэхэр»

Ар зи фIэщыгъэ усэ тхылъ иджыблагъэ Мейкъуапэ и «Полиграф-Юг» тхылъ тедзапIэм къыщыдэкIащ. Абы щызэхуэхьэсащ усакIуэ, егъэджакIуэ МамыкIэ Казбек и IэдакъэщIэкIхэр.

Зэдэлэжьэну зэгуроIуэ

  Урысей ФСИН-м и управленэу КъБР-м щыIэм и унафэщI, къэрал кIуэцI къулыкъум и полковник Демидов Александр хуэзащ КъБР-м щIалэгъуалэм я IуэхухэмкIэ и министр Лу Азэмэт. Ахэр тепсэлъыхьащ ягъэтIысахэр хуит хъужа иужь жылагъуэ гъащIэм хэзэгъэжыным, ахэр хабзэм хуэущииным ехьэлIауэ зэрызэдэлэжьэнум.

 Пенитенциар ведомствэм и лIыкIуэхэу къахуеблэгъахэм зыщрагъэплъыхьащ КъБР-м ЩIалэгъуалэм я IуэхухэмкIэ и министерствэм. Ахэр министрым щигъэгъуэзащ пхагъэкI проектхэм, яхуигъэлъэгъуащ ямыгъэтIысу суд зытращIыхьахэмрэ учётым щытхэмрэ къызыхашэну Iуэхухэр.

НОБЭ

Мэкъуауэгъуэм и 11,  гъубж

         1939 гъэм къалъхуащ пшынауэ Iэзэ, КъБР-м щIыхь зиIэ и артисткэ ДыщэкI ФатIимэт.

Дунейм и щытыкIэнур

         «pogoda.yandex.ru» сайтым зэритымкIэ, республикэм уэшх къыщешхынущ.     Хуабэр махуэм градус 20 - 25-рэ, жэщым градус 15 щыхъунущ. ЩIым и малъхъэдис щытыкIэм балли   3-4-кIэ зихъуэжынущ.

Лъэпкъ Iущыгъэ:

Уеуэмэ – мэкъущ, уемыуэмэ – къурэщ.