|
|
Календарь событий
14 июня 2024
14 июня, 2024 - 16:20
Мэкъуауэгъуэм и 14, мэрем
Лъы зытым и дунейпсо махуэщ
УФ-м Iэпхъуэшапхъуэхэм я Iуэхухэр зэкIэлъызыгъакIуэ и къулыкъущIапIэм и лэжьакIуэм и махуэщ
1936 гъэм КъБАССР-м гъузджэхэмкIэ и управленэр къызэрагъэпэщащ.
1955 гъэм къалъхуащ адыгэ усакIуэ, драматург, егъэджакIуэ ЛIыхэс Мухьдин.
1964 гъэм къалъхуащ усакIуэ, журналист Хьэщыкъуей Олег.
14 июня, 2024 - 15:18
Ливие хым, Алыджымрэ Мысырымрэ я зэпылъыпIэм хуэзэу, иджыблагъэ къыщагъуэтащ алъандэрэ псым ихъума фэеплъ телъыджэ. Хы лъабжьэм илъэс мини 3-м нэблагъэкIэ щIэлъащ Медузэ и теплъэр къызыхэбзыкIа мывэр.
14 июня, 2024 - 15:17
Дызэрыт илъэсым Кавказ дунейр урыс литературэм пщIэ пылъу хэувэным хэлъхьэныгъэ нэхъ ин хуэзыщIахэм яз усакIуэшхуэ Лермонтов Михаил и илъэс 2I0-р ягъэлъэпIэнущ. Игъуэу къэтлъытащ абы и гъащIэ гъуэгур зэфIэувэжыным хэлъхьэныгъэшхуэ хуэзыщIа, усакIуэм ди щIыпIэм щрихьэкIа зэманым нэгъуэщIынэкIэ уезыгъэплъ, КъБР–м щIыхь зиIэ и егъэджакIуэ Щоджэн Хьэутий и тхылъу «I837: Тайны странствования Лермонтова по Кавказу» зыфIищам.
14 июня, 2024 - 13:00
КъБР-м и Правительствэм и Унэм УФ-м и Президентым и полномочнэ лIыкIуэу Кавказ Ищхъэрэ щIыналъэм щыIэ Чайкэ Юрэ и дэIэпыкъуэгъу Валиев Айдэмыр, КъБР-м щыIэ къэрал инспектор нэхъыщхьэ Васильченкэ Дмитрий, Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым и ректорым и къалэнхэр зыгъэзащIэ Алътуд Юрэ сымэ я зэIущIэ иджыблагъэ щекIуэкIащ.
14 июня, 2024 - 12:26
Гъэмахуэм и хуабэгъуэм дэтхэнэ зыри хэтщ дыгъэ гуащIэм зэрызыщихъумэным икIи, зэрытлъагъущи, жьыми щIэми ящхьэрыгъыр илъэс куэд лъандэрэ бжьыпэр зыIыгъ, натIэ зыIут пыIэ хъурейхэрщ. Куэдым ящIэжынущ ахэр япэ дыдэу къыщежьар. Америкэм и Штат Зэгуэтхэм къикI джинс гъуэншэджхэм хуэдэ къабзэу, ахэри зэпэубыдат икIи лъапIэт. Зызыужьа промышленнэ технологие лъагэ зиIэ а къэралым ахэр бжьэхуц хэплъыхьам къызэрыхищIыкIым имызакъуэу, зэрагъэдэхэфIауи къагъанэртэкъым - псори цIыхур цIыхум къазэрыхэщыным хуэгъэпсат. Нобэ ахэр дэнэ дежи зэтекIутауэ щIэлъщ.
14 июня, 2024 - 12:26
Урысейм ныбжьэгъугъэ къыхузиIэ къэралхэр дунейм и щIыналъэ зэмылIэужьыгъуэхэм щымащIэкъым. Абыхэм яхыубжэ хъунущ Ипщэ-КъуэкIыпIэ Азием щыIэ Шри Ланкари (1972 гъэр къэсыху Цейлону щытащ). Пэжу, КъухьэпIэм, псом хуэмыдэу США-м, къыхуигъэтIыгъуэхэм едаIуэри, зэгуэр абы и щIыб къытхуигъэзат, ауэ къызэрагъапцIэр къыгурыIуэжри, зыкъиIуэнтIэжащ. ИкIи ар ауэ сытми къэхъуакъым: къэралым Iэмал иIащ СССР-м, иужькIэ Урысейм уриныбжьэгъуныр сыт и лъэныкъуэкIи зэрынэхъыфIыр, абы узэримыгъэлъэпэрэпэнур къыгурыIуэну.
14 июня, 2024 - 11:18
Щ1эныгъэ куу зыбгъэдэлъ, КъБР-м щэнхабзэмкIэ щIыхь зиIэ и лэжьакIуэ Къэрмокъуэ Хьэмид адыгэ IуэрыIуатэр фIыуэ зэрилъагъум, куууэ зэрищIэм и щыхьэтщ тхыгъэ купщIафэу абы и Iэдакъэ къыщIэкIахэр. Абыхэм ящыщщ мыбдежым къыщытхьынури.
Шэджэмокъуэ Хьэсанш
14 июня, 2024 - 10:01
Хабзэр лъэпкъым и фащэщ. Нобэрей ди дуней щIэращIэм хуэфащэ хабзэ щIэблэм зэхалъхьэн щхьэкIэ ди нэхъыжьхэм яхъума нэмыс, зэхущытыкIэ куэдым мыхьэнэшхуэ яIэщ, ахэр лъэныкъуэкIэ ебгъэкIуэтэкI хъунукъым.
14 июня, 2024 - 09:07
Урыс литературэм и лъабжьэр зыгъэтIылъа Пушкин Александр къызэралъхурэ илъэс 225-рэ зэрырикъур къэралым и дэнэ щIыпIи иджыблагъэ щагъэлъэпIащ. Абы ирихьэлIэу дигу къэдгъэкIыжынщ усакIуэм дуней псом щыхуагъэува фэеплъхэр.
Пушкиным и япэ фэеплъыр 1880 гъэм мэкъуауэгъуэм и 6-м Москва усакIуэм и цIэр зезыхьэ утым деж щагъэуващ. Абы илъэситхукIэ и пэ къихуэу фэеплъ щIыным теухуауэ зэпеуэ ирагъэкIуэкIам щытекIуат скульптор Iэзэ Опекушин Александр. Абы и лэжьыгъэщ апхуэдэ пщIэ зылъагъэсар.
|
