Календарь событий

 Абы и цIэр СССР-м пIалъэ кIыхькIэ щыжаIэну хуитакъым. Хэбгъэзыхьмэ, «троцкист» зыфIащар мыбы щаукIырт е Ищхъэрэ Гъунэм яхурти, щагъалIэрт. Апхуэдэ дамыгъэ жагъуэ трагъауэрт «цIыхубэм и бийуэ» чекистхэм «сэтей» къащIа псоми. Абы щыгъуэми, ягъэтIыса куэдыр а цIыхум пэжыжьэт я IуэхущIафэхэмкIи, гупсысыкIэкIи, зыхущIэкъу мурадхэмкIи. Нэхъыжьхэм яIуэтэжу зэхэсхащ зы къуажэ гуэрым ар тIууэ зэпызыупщI псым тралъхьа лъэмыжыр щытрахауэ щытауэ. И щхьэусыгъуэри ар езыгъэщIа бригадирыр а жыхуэтIэмкIэ ягъэкъуаншэу зэрагъэтIысарт.

Къэбэрдей-Балъкъэр ­Рес­публикэм и Iэтащхьэ КIуэ­кIуэ Казбек республикэм щып­сэухэу щIыналъэм и зыу­жьыныгъэм хэлъ­хьэ­ныгъэшхуэ хуэзыщIахэм щы­ты­кIэ гуапэм иту тыгъэ­хэр яри­тащ. Гулъытэ зы­хуащIахэм ящыщщ Урысей Гвар­дием и щIыналъэ управленэм и лэжьакIуэхэри. 

Зыужьыныгъэм и гъуэгур зэи щытакъым тыншу.  Сыт хуэдэ лэжьыгъэфIми текIуэныгъэ инми я щIыбагъ къыдэлъщ цIыху гъащIэхэр, щыщIэныгъэхэр, гугъуехьхэр. Зи ныбжьыр илъэси II0-м щхьэдэха   Нарткъалэ къикIуа    гъуэгуанэри  гъэнщIащ апхуэдэ IуэхухэмкIэ.  Апхуэдэуи абы хыболъагъукI   къалэм игъуэта зыузэщIыныгъэм щыхьэт техъуэ IуэхугъуэфIхэр,  ехъулIэныгъэ лъагэхэр,  псом ящхьэращи,  щапхъэу бгъэлъагъуэ хъуну цIыху гъащIэ купщIафIэхэр. 

Лаос, Сиангкхуанг жылэм, щыIэщ «Кхъуэщын ауз» («Долина кувшинов») щIыпIэ телъыджэр. Аннам шытхым и лъабжьэм щIэзщ мывэкъырым, пшахъуэм, нэгъуэщIхэми къыхэщIыкIа кхъуэщын абрагъуэхэр. Абыхэм метр-метрищ я инагъщ, я хьэлъагъыр тонни 6-м ноблагъэ. Языныкъуэ кхъуэщынхэм япэгъунэгъуу щылъщ мывэ хъурей пIащIэшхуэхэр, зэрыхуагъэфащэмкIи, кхъуэщыныщхьэхэр. Кхъуэщынхэм языхэзым къыщагъуэтауэ щытащ цIыху теплъэ зыхэщIыхьа барьелеф. 

Тэн Iус Ростов къалэм Лышх узыфэхэмкIэ и щIэныгъэ IуэхущIапIэм дыщегъэгъуазэ дыгъэпс гуащIэм къыхэкI щIыфэ лышхым узэрыпэщIэтыну Iэмалхэм.
Дохутырхэм зэрыжаIэмкIэ, дыгъэпсыр хуабжьу сэбэпщ: абы Iэпкълъэпкъым и лэжьыгъэр зэтреухуэ, нэжэгужэ уещI, языныкъуэ узыфэхэмкIэ хущхъуэшхуэщ, цIыхур апхуэдизу зыхуэныкъуэ витамин Д-р зыхэлъри дыгъэпсым и закъуэщ. Арами, ультрафиолет нэбзийхэр ебэкIмэ – щхъухь мэхъу, щIыфэ лышх къыхокI. 

Таурыхъ
Еуэрэ-еуэрэт, жи, дэ зы джэду къуэлэн щыIащ, и нэ зытеплъа дзыгъуэр IэщIэмыкIыу. Абы игъэшына дзыгъуэшхуэмрэ дзыгъуэ цIыкIумрэ ИстамбылакIуэр къахыхьэщ аби, щIапIэм ибзэхыкIащ. Ауэрэ джэду къуэлэныр жьы хъури, дзыгъуэ къыхуэмыубыдыжу къыщынэм, хъыбар Iуащ, ди бийр жьэгум дэгъухьыжащ, ди уэркъыгъэр къэдвгъэхьыж, жаIэри.
Нэгум щIэтыр лъэгум макIуэ. Йоуэри, дзыгъуэшхуи дзыгъуэ цIыкIуи зэгуроIуэри, хэт Щауэхэ къокIыж, хэт Щоджэнхэ къоIэпхъукIыж, хэти Щомахуэхэ къокIуэсыкIыжри къызэхуосыж, ди адэжьхэм яшхыр зыIэрыдгъэхьэжынущ жаIэурэ.