|
Календарь событий
26 июня 2024
26 июня, 2024 - 18:51
Чувашием и къалащхьэ Чебоксары иджыблагъэ щекIуэкIащ СССР-м атлетикэ псынщIэмкIэ щIыхь зиIэ и спортсмен, Олимп джэгухэм домбеякъ медалыр къыщызыхьа, дуней псомрэ Европэмрэ я чемпион Игнатьев Ардалион и фэеплъ урысейпсо зэхьэзэхуэ. Абы хэтащ къэралым и щIыналъэхэм ящыщу 34-м я спортсмени 184-рэ.
Дискыр нэхъ жыжьэ дзынымкIэ екIуэкIа зэхьэзэхуэм етIуанэ увыпIэр къыщихьащ Къэбэрдей-Балъкъэрым щыщ Добренький Александр (метр 57,93-рэ). Япэ увыпIэр иубыдащ Худяков Алексей (метр 63,97-рэ), ещанэр Ловриков Дмитрийщ (метр 51,65-рэ).
26 июня, 2024 - 17:00
ПРАВИТЕЛЬСТВО КАБАРДИНО-БАЛКАРСКОЙ РЕСПУБЛИКИ ПОСТАНОВЛЕНИЕ № 93-ПП
10 июня 2024 г.
г. Нальчик
26 июня, 2024 - 16:31
1941 - 1945 гъэхэм екIуэкIа Хэку зауэшхуэм зэрыщIидзэрэ илъэс 83-рэ щрикъу махуэм екIуэкIа «Фэеплъ уэздыгъэ» лIыхъужьыгъэ-хэкупсэ акцэм хэтащ КъБР-м щыIэ МВД-м и лэжьакIуэхэмрэ ветеранхэмрэ.
Абы кърихьэлIащ республикэм щыIэ МВД-м дэлажьэ Жылагъуэ советым щыщхэу Мэкъушэ Русланрэ Бобылев Валентинрэ.
Къэрал кIуэцI IуэхухэмкIэ министру КъБР-м щыIэм и къалэнхэр пIалъэкIэ зыгъэзащIэ, полицэм и полковник Мамхэгъ Назир къызэхуэсахэр къыхуриджащ ди Хэкур яхъумэу зи гъащIэр зытахэр ящымыгъупщэну.
26 июня, 2024 - 16:00
Урысей Федерацэм и щIыналъэхэм ящыщу 10-м я спортсмену 300-м щIигъу иджыблагъэ Краснодар къалэм щызэпеуащ Кавказ Ищхъэрэмрэ Урысей Ипщэмрэ иджырей пятиборьемкIэ пашэныгъэр къыщыхьыным хуэунэтIа зэхьэзэхуэм.
ПятиборьемкIэ зэхьэзэхуэм кърикIуахэр зэхалъхьэжа нэужь КIуж Малик, Уэрсей Дамир, Боттаев Дамир сымэ гупхэм я зэпеуэм Къэбэрдей-Балъкъэрым и командэм япэ увыпIэр къыщыхуахьащ.
Спорт лIэужьыгъуиплIымкIэ етIуанэ хъуахэщ Веденяпин Дамир, Щэмэт Руслан, БакIуу Астемыр сымэ.
26 июня, 2024 - 14:33
Литературэр лъэпкъым и гъащIэм щыщ зы плъыфэщ. Ари плъыфэ къызэрыгуэкIыу щыткъым, атIэ хэгъэфIыкIащ, сыт щхьэкIэ жыпIэмэ ар зэрыIэщакIуэр бзэращи. ЗэрытщIэщи, адрей псэ зыIут псоми цIыхур къазэрыщхьэщыкIыр бзэ шэщIа зэрыIурылъырщ. ЛъагапIэ инхэм цIыху акъылыр лъэзыгъэIэсыр, псэ зыIуту мы дунейм тет псоми я щхьэкIэ зыгъакIуэр бзэращ.
26 июня, 2024 - 14:22
Адрей лъэпкъхэми хуэдэу, адыгэхэм я щIэблэ гъэсэныгъэр пасэм щыгъуэ нэхъ щекIуэкIыу щытар унагъуэрщ. Абы тотхыхьыж Мафэдз Сэрэбий. «Мы Iуэхум теухуа псалъэжьу щыIэщ: «Унэм зыщыгъаси, хасэм яхыхьэ», жыхуиIэр. Ауэ абы къикIыркъым гъэсэныгъэр унагъуэм, абы ис адэ-анэ, къуэш-шыпхъу, адэшхуэ-анэшхуэ къудейхэмкIэ зэфIэкIыу щытауэ. ЩIэблэр щагъасэрт губгъуэми, уэтэрми, вакIуэ пщыIэми; щIэблэр яущийрт гъунэгъуми, хамэ ямыцIыхуххэми; щIэблэр щеджэрт хьэщIэщми, хьэгъуэлIыгъуэми, дауэдапщэми, хасэми. Ар игъэIущырт мэзми, псыхъуэми, и ныбжьэгъуми, и джэгуэгъуми.
26 июня, 2024 - 13:29
Шэрджэс Iэсият Налшык дэт Макъамэ театрым и уэрэджыIакIуэ пажэщ, и макъ дахэр цIыхухэм я гум дохьэ. Iэсият Къэрэшей-Шэрджэсым щыщ Хьэбэз къуажэм къыщалъхуащ. Черкесск къалэм макъамэмкIэ школымрэ училищэмрэ къыщиухащ. Абы и ужькIэ щеджащ Дон Iус Ростов Рахманиновым и цIэр зэрихьэу дэт консерваторэм, ар диплом плъыжькIэ къиухащ.
Бзылъхугъэм и лэжьыгъэр фIыуэ елъагъу, Макъамэ театрым и пщIэр зэрыиныр жеIэ:
26 июня, 2024 - 13:20
Къэбэрдей-Балъкъэрым и Урысей гвардием и лэжьакIуэхэри хэтащ щIыналъэм и щыхьэрым, ХьэтIохъущокъуэм и жыг хадэм деж щекIуэкIа «Фэеплъ уэздыгъэ» урысейпсо акцэм.
Абы кърихьэлIащ Урысей гвардием и щIыналъэ управленэм дэлажьэ Жылагъуэ советым и унафэщI, полицэм и полковникыу отставкэм щыIэ Хужьокъуэ Руслан, щIыналъэ органым и гупыр, республикэм и унафэщIхэм, ветеран IуэхущIапIэхэм, хабзэхъумэ органхэм я лIыкIуэхэр, юнармейцхэмрэ къалэдэсхэмрэ.
26 июня, 2024 - 12:39
Нартхэ я Тхьэщэрыпхъу зэтIолъхуэныкъуэу щIалэрэ хъыджэбзрэ игъуэтащ. Зэдэлъхузэшыпхъур гущэ зырызым хипхэри, Тхьэщэрыпхъу псыхьэ ежьащ. Я анэр щIэкIрэ пэт, хъыджэбз цIыкIур гущэм къыхэпсэлъыкIащ:
– Си дэлъху цIыкIу, ди анэр псыхьэ ежьащ, шыпсэ къызжеIи, сытегъэу, – жиIэри.
Ар щызэхихым, Тхьэщэрыпхъу бжэщхьэIум къыщызэтеувыIащ:
– Тхьэр къызэуи: мы зэхэсхыр сыт щIагъуэ!
ЩIалэ цIыкIури къыхэпсэлъыкIащ гущэм:
– Си шыпхъу цIыкIу, утезгъэун хьэмэ узгъэбэмпIэн?
Тхьэщэрыпхъу и жьэр Iурыхуащ:
– Зыр згъэщIагъуэурэ нэхъ щIагъуэжыр зэхэсхаи!
26 июня, 2024 - 12:18
Къэхъуа Iуэху
Мы фхуэсIуэтэжыну хъыбарым хэтлъхьаи хэтхаи щымыIэу пэжщ. КъызжезыIэжари си къуажэгъу, ныбжьэгъу нэхъыжьыфIщ. Ар икъукIэ хабзэщIэкъут, зыгуэрым нэмысыншагъэ дилъэгъуамэ, зэриущиин яужь имыту блэкIынутэкъым. Нэхъри езыр егъэджакIуэу илъэс куэдкIэ школым щылэжьати, арауэ къыщIэкIынт гъэсэныгъэм теухуауэ апхуэдизу щIэгумызагъэр.
26 июня, 2024 - 11:34
УФ-м ЩIэныгъэхэмкIэ и академием и Бзэ щIэныгъэ институтым хэт, зи цIыху бжыгъэр куэд мыхъу лъэпкъхэм я бзэхэр хъумэнымкIэ лабораторэм и унафэщI, филологие щIэныгъэхэмкIэ кандидат Казакевич Ольгэ зэрыжиIэмкIэ, бзэхэр хуэм-хуэмурэщ зэрыкIуэдыжыр.
Зыр адрейм нэхърэ нэхъ махэ е нэхъ лъэщ хъуныр къызыхэкIыр социально-экономикэ лъэныкъуэкIэ щыIэ зэхуэмыдэныгъэхэрщ. Псалъэм папщIэ, я хэку цIыкIум къыщалэжьыр мащIэмэ, цIыхухэр улахуэр щынэхъ ин, ауэ и бзэр къыщымысэбэп, бзэ нэхъ лъэрызехьэ здэщыIэм макIуэ. Абы и бынхэри къыщохъу, хошыпсыхьыж.
26 июня, 2024 - 11:20
Дыгъужь Издин ящыщщ зи адэ-анэр хамэ къэрал Iэпхъуа ди лъэпкъэгъухэм. Сирием къыщыувыIэри, Джоланым и Iуащхьэхэм щыпсэуащ. Мы щIыналъэр Сириемрэ Израилымрэ я зэхуакум щыIэщ.
Дыгъужь Издин (1920 - 2003) Мансурэ къуажэм къыщалъхуащ. И цIэ дыдэр Исуфщ, ауэ псоми къызэрацIыхуу щытар Издин цIэ лейрщ. Ар гушыIэ дахэ зыхэлъ адыгэлIу, цIыху акъылыфIэу щытауэ жаIэж.
26 июня, 2024 - 11:12
Мэкъуауэгъуэм и 26, бэрэжьей
Наркоманиемрэ наркотикхэр щэнымрэ ебэныным и дунейпсо махуэщ
Залымыгъэ зыкIэлъызэрахьахэм къащхьэщыжыным и дунейпсо махуэщ
1920 гъэм Налшык и Затишье хьэблэм къалэм и япэ санаторэ къыщызэIуахащ.
1938 гъэм КъБАССР-м и Совет Нэхъыщхьэм и депутатхэр япэу хахащ.
1938 гъэм къалъхуащ режиссёр, КъШР-м и цIыхубэ тхакIуэ Абдокъуэ Маталио.
|