|
|
Календарь событий
18 июля 2024
18 июля, 2024 - 16:34
Къэзылъэтыхь цIыв цIыкIухэм яхэту къыщIэкIынкъым мэшбэвым хуэдэу къаугъэншэрэ псоми фIыуэ ялъагъурэ, я дамэ джэдынэхэм я дахагъыр ауэ къэгъэнауэ. Иджы хуэдэ бадзэуэгъуэм ахэр щыплъагъунущ щыгъуэгу хадэхэм, псы Iуфэхэм, пшапэ зэхэуэгъуэм пэш кIуэцIхэм къыщыщIэлъати куэдрэ къохъу. Абыхэм йоджэ мэкъумэшкIи.
18 июля, 2024 - 14:20
1945 гъэм щIышылэм и 2-м Порт-Артур щекIуэкIащ абы и япон гарнизоным и парад. Апхуэдэ щIыкIэкIэ ягъэлъэпIащ быдапIэр зэраIэрыхьэрэ илъэс 40 зэрырикъуар. Абы и комендант генерал Отэ зэхыхьэм кIыхьу къыщыпсэлъащ. КIэухыу жиIащ, сыт хуэдиз лIыгъэрэ хахуагъэрэ яхэлъами, самурайхэм я закъуэкIэ мыр къащтэфыну зэрыщымытар: «Абы къыдэкIуэу генерал Ногэрэ урыс генерал Стессельрэ зэхэщIыкIрэ пэжыгъэрэ яку дэлъыни хуейт».
АрдыдэмкIэ зиумысыжащ епцIыжакIуэм- бийм быдапIэр зэрырищамкIэ.
18 июля, 2024 - 14:00
И лэжьакIуэхэм я улахуэ щIыхуэу IуэхущIапIэм зытригъэхьат сом мелуан 14. Я лэжьапщIэр къаритыжыным теухуауэ щызэгурымыIуэм, лэжьакIуэхэм судым зыхуагъэзащ я хуитыныгъэхэр зэфIагъэувэжын папщIэ.
Судыр Iуэхум хэплъэри, улахуэмкIэ телъ щIыхуэр егъэпшыныжынымкIэ тхылъхэр Iэрагъэхьащ КъБР-м щыIэ УФССП-м Прохладнэ къалэм, Прохладнэ районым щиIэ суд пристав IэнатIэхэм.
18 июля, 2024 - 13:30
ЩIэныгъэншэу гъащIэм узэремызэгъынур пасэу къызыгурыIуа лъэпкъхэм ящыщщ китайхэр. Тхылъхэм я пщIэр къызэраIэтыжын Iэмалым адрейхэм нэхърэ нэхъ хуэIэзэу къыщIыщIэкIари арагъэнщ. Дэ дызэхъуапсэр, дауи, щэнхабзэм удезыгъэхьэх Iэмалхэрщ.
18 июля, 2024 - 13:22
Бадзэуэгъуэм и 18, махуэку
ГъущIгъавэм и дунейпсо махуэщ
1849 гъэм къалъхуащ адыгэ джэгуакIуэ Мыжей Сэхьид
1932 гъэм къалъхуащ тхакIуэ, литературэдж, искусствовед, критик КIурашын БетIал.
Дунейм и щытыкIэнур
«pogoda.yandex.ru» сайтым зэритымкIэ, республикэм пшэр техьэ-текIыу щыщытынущ. Хуабэр махуэм градус 28 – 32-рэ, жэщым градус I8 щыхъунущ.
Лъэпкъ Iущыгъэ:
18 июля, 2024 - 12:26
Ди республикэм и юриспруденцием и тхыдэм хэмыгъуэщэжын лъэужь къыхинащ, а IэнатIэм и гуащIэшхуэ ирихьэлIащ ДзыхьмыщI Батыр Хьэжбий и къуэм (7.05.1912 - 9.10.1960 гъгъ.). Жэуаплыныгъэшхуэ зыпылъ къалэным ар зэрехъулIам тетхыхьыжащ Мамхэгъ Астемыр.
18 июля, 2024 - 11:18
Адыгэ къэрал университетым ирегъэкIуэкI адыгэ усакIуэ, тхакIуэ Жанэ Кърымызэ и творчествэм хуэгъэпса дунейпсо зэпеуэ.
18 июля, 2024 - 10:01
«Пхуэмышэчын Алыхьым къыптрилъхьэркъым», - жаIэ хабзэщ. ИпэжыпIэкIи дунейм дыкъытохьэри, гуфIэгъуэри нэщхъеягъуэри, гугъуехьри гупсэхугъуэри, тыншыгъуэри, псори зэкIэлъыкIуэу абы щызыхыдощIэ. Абыхэм уафIэкIынкIи Iэмал щыIэкъым. Iей мыхъу, фIы хъужыркъым жыхуаIэращи, гъащIэм и гъурри цIынэри зыхищIэу, гъэунэхуныгъэхэм пхыкIыу, иужьым бынкIэ, лэжьыгъэкIэ, пщIэ игъуэтамкIэ зыIуэтэжа бзылъхугъэщ Багъэтыр (ТеуныкI) Лидэ.
18 июля, 2024 - 09:19
КъБР-м и цIыхубэ артист, Горький Максим и цIэр зезыхьэ Урыс къэрал драмэ театрым и артист икIи и режиссёр Балъкъэр Юрэ ящыщщ зи лэжьыгъэр фIыуэ зылъагъухэм.
Театрыр зищIысыр иджыри имыщIэу, зы спектакли и кIэм нэсу еплъыну къыхуимыхуауэ, зэрымыщIэкIэ, ар IэщIагъэ хуэхъуауэ жыпIэ хъунущ. ТIыхъужь Алий зыхэт спектакль нэхъапэIуэкIэ телевизоркIэ Балъкъэр Юрэ щеплъам, нэхъыжь угъурлым и джэгукIэм ихьэхупат. Ауэ абы щыгъуэм иджыри къыгурыIуатэкъым ар спектаклми киноми.
|
