Календарь событий

Ди щIыналъэм щыпсэухэр зэмыса хуабэ ямылейр къе­хыну иджыри зигъэхьэзыр хуэдэкъым. Абы и щIыIужкIэ, пшэр техьэ-текI зэпытщ, и зыгъазэ къэс цIыхум зыдагъэшын хуей хъууэ.
АтIэ сыт цIыху къэс ищIапхъэр апхуэдэхэм деж? А упщIэм жэуап кърет гу-лъынтхуэ узыфэхэмкIэ дохутыр, Урысейм щыцIэрыIуэ Войновэ ­Екатеринэ:

КъБР-м хэхыныгъэхэм кIэ­лъыплъынымкIэ и Жылагъуэ штабым и зи чэзу зэIущIэр иджыблагъэ щекIуэкIащ республикэм и Жылагъуэ палатэм. 

КъБР-м Ухуэныгъэмрэ архитектурэмкIэ и министерствэм и комиссэм и зэIущIэ шыщхьэуIум и 7-м зэхэтащ. Комиссэм и Iэтащхьэу хахащ КъБР-м и Правительствэм и япэ къуэдзэ ­Къуныжь МуIэед. Зэхыхьэр теухуауэ щытащ 2024 - 2025 гъэхэм я бжьыхьэ-щIымахуэ лъэхъэнэм республикэм и IуэхущIапIэхэмрэ псэупIэ унэхэмрэ хуабэкIэ къызэгъэпэщыным зэрыхуэхьэзырым. 

ШыщхьэуIум и 10-м Урысей Федерацэм щагъэлъапIэ Физкультурникым и махуэр. Ар Iэтауэ ягъэлъэпIэн зэрыщIадзэрэ мы гъэм илъэс 85-рэ ирокъу. Фигу къэдгъэкIыжынщи, ар зи махуэр спортсменхэм я закъуэкъым, атIэ зи узыншагъэм гулъытэ хуэзыщI дэтхэнэми и махуэщ. Iэпкълъэпкъыр узыншэмэ, псэри узын­шэщ. ЦIыхур тыншу, узыншэу псэун папщIэ, псом япэ ипщэ къыдэхуэ къалэныр и щхьэр ихъу­мэнырщ, и узыншагъэм кIэлъыплъынырщ, иригъэфIэ­кIуэнырщ. Абы папщIэ Iэмал гъуэзэ­джэщ спортымрэ физкультурэмрэ.

Къэбэрдей-Балъкъэрым и Правительствэм и УнафэщI Мусуков Алийрэ Урысей Федерацэм и Президентым и полномочнэ лIыкIуэу ­КИФЩI-м щыIэм и къуэдзэ Владимиров Максимрэ зэгъусэу зэIущIэ иджыблагъэ ирагъэкIуэкIащ. Ар теухуауэ щытащ лъэпкъ пэхуэщIэхэм къыщыгъэлъэгъуауэ мы гъэм республикэм щрагъэкIуэкI лэжьыгъэхэм зэрехъулIэ щIыкIэм. 

Урысейм и Журналистхэм я зэгухьэныгъэм и Федеративнэ советым и зэIущIэ екIуэкIащ. Абы хэтхэр иджы щызэхуэсар Москвакъым, атIэ мы гъэм зи ныбжьыр илъэс 650-рэ зэрырикъур зыгъэлъапIэ Киров къалэ жыжьэрщ.

Къэбэрдей-Балъкъэрым и Iэтащхьэ КIуэкIуэ Казбек цIыхухэр щигъэгъуэзащ Тэрч щIыналъэм и жылэхэм электрокъарур яхуэзыутIыпщ, ятезыгуашэ и IэнатIэм и лэжьыгъэр тэмэму зэтегъэувэжыным ехьэлIа Iуэхухэр зэрекIуэкIым.

Республикэм и Правительствэм и лIыкIуэхэр, щIыналъэ администрацэхэм я унафэщIхэр зыхэт зи чэзу зэIущIэр КъБР-м и Iэтащхьэ КIуэкIуэ Какзбек иригъэкIуэкIащ. Абы щытепсэлъыхьащ «2030 гъэ пщIондэ, къы­кIэлъыкIуэу 2036 гъэм нэсыху Урысей Федерацэм зэрызиужьыну унэтIыныгъэ нэхъыщхьэхэм я IуэхукIэ» Урысей Федерацэм и Президентым и Указыр зэрагъэзащIэм. Абы и лъабжьэр жылагъуэр хъумэнырщ, цIыхухэм я узыншагъэр, зэIузэпэщ псэукIэр егъэфIэ­кIуэнырщ, унагъуэхэр дэIыгъынырщ.