Календарь событий

Черкесск къалэм иджыблагъэ щекIуэкIащ Урысейм тхэквондомкIэ и зэгухьэныгъэм и президентым и Кубокыр къэхьыным хуэунэтIа уресейпсо зэхьэзэхуэ. Олимп джэгухэм хыхьэ лIэужьыгъуэмкIэ екIуэкIа а зэпеуэм хэтащ къэралым и щIыналъэ куэдым я спортсмен 400-м щIигъу - балигъхэри, нэхъ щIалэхэри, ныбжьыщIэхэри. 

Урысей МВД-м и Налшык управленэм дэлажьэ Жылагъуэ советым иригъэкIуэкIащ  «Гражданский мониторинг» акцэр. Ар хуэгъэзауэ щытащ цIыхухэмрэ къэрал кIуэцI IуэхухэмкIэ органхэмрэ я дзыхьыр гъэбыдэным, апхуэдэуи полицэм и лэжьыгъэм теухуа жылагъуэ кIэлъыныгъэ егъэкIуэкIыным. 

«Адыгэ псалъэм» сыт щыгъуи пыщIэныгъэ яхуиIэщ и щIэджы­кIакIуэхэм. Псом хуэмыдэу егъэджакIуэхэм - абыхэм я лэжьэкIэм, я цIыху хэтыкIэ екIум газетеджэхэр щыгъуазэ тщIым и мызакъуэу, езыхэм я Iуэху еплъы­кIэхэмкIи, я гурыгъу-гурыщIэхэмкIи цIыхухэм ядэгуашэу тхыгъэхэр къытыдодзэ. Щхьэлыкъуэ къуажэм дэт езанэ курыт школым и егъэджакIуэ Куэшмэн ­Маринэ и тхыгъэ къытIэрыхьар теухуащ я жылэм пщIэ иIэу дэса, иджыблагъэ дунейм ехыжа нэхъыжьыфI Апажэ Сэрэждин.

«Iуащхьэмахуэ» курортым иджы­благъэ къыIэрыхьащ Мэзкуу къалэм и заводым къы­щы­щIагъэкIа, кIапсэ гъуэгухэм ­пкъралъхьэ пкъыгъуэ зэхуэмыдэхэр.

Урысей псом бгыщхьэм щау­хуа и къалэ нэхъ лъагэ дыдэу къалъытэр Тырныаузщ - метр 1307-рэ щIыпIэм тетщ. Ар ­Бахъсэн псыхъуэ зэвым километриплIрэ ныкъуэрэ и кIыхьагъыу бгы зэхуакум дэтщ. Тырныауз Iуащхьэмахуэ районым и къалащхьэщ. Мыбы лъэпкъ куэдым щыщ­хэр щопсэу. Ар къызыхэкIар, комбинатыр къыщызэIуаха зэманым къэралышхуэм и щIыпIэ зэмылIэужьыгъуэхэм къикIыу, IэщIагъэлI куэд къэкIуауэ зэрыщытарщ.