БэнэкIэ хуитымкIэ СССР-м спортымкIэ щIыхь зиIэ и мастер Алиев Алий и цIэр зэрихьэу Дагъыстэным и Каспийск къалэм дэт спорт уардэунэм иджыблагъэ щекIуэкIащ тхэквондомкIэ (ВТФ, Олимп джэгухэм хыхьэ лIэужьыгъуэмкIэ) «Чемпион» спорт клубым и саугъэтыр къэхьыным хуэунэтIа урысейпсо зэхьэзэхуэ. Абы къэкIуащ къэралым и щIыналъэхэм ящыщу 23-м я спортсмену, щIалэхэри хъыджэбзхэри зэхэту, 500-м нэблагъэ.