Календарь событий

КъБР-м и Iэтащхьэ КIуэкIуэ Казбек лэ­жьыгъэ IуэхукIэ яIущIащ фокIадэм и 8-м екIуэкIыну, Къэбэрдей-Балъкъэр Республикэм и Парламентым и ебланэ зэхуэсыгъуэм и депутатхэм я хэхыныгъэхэм хэтыну КъБР-м и ХэхакIуэ комиссэм зыщезыгъэтха политикэ партхэм я щIыналъэ къудамэхэм я уна­фэщI­хэм.

КъБР-м и Iэтащхьэ КIуэкIуэ Казбек яхуэзащ дзэ Iуэху хэхам и ветеранхэу Воронов Валентин, Мэзло Заурбэч, Хъалил Аслъэн, «Хэкум и хъумакIуэхэр» къэрал фондым и щIыналъэ ­къудамэм и унафэщI Дадэ МуIэед, КъБР-м СпортымкIэ и министерствэм Зи узыншагъэм сэкъат иIэхэр спортым хэшэным хуэлажьэ и еджапIэм и унафэщI Кулюшин Александр сымэ. И лэжьыгъэкIэ и Iуэху хуэмыкIуэу зэIущIэм кърихьэлIэфакъым Базиев Магомед.

Къэбэрдей-Балъкъэрым и Лъэпкъ библиотекэм хабзэ дахэ иIэщ республикэм и Къэралыгъуэр щигъэлъапIэм ирихьэлIэу щэнхабзэм, щIэныгъэм и лэжьакIуэ пажэхэр зыхэт зэIущIэхэр иригъэ­кIуэкIыу. Апхуэдэу библиотекэм и лъахэхутэ къудамэм игъэхьэзыра «Си щIыналъэ» гъэлъэгъуэныгъэм кърагъэ­блэгъащ зи ныбжьыр мы гъэм илъэс 80 ирикъуа, бзэ щIэныгъэхэмкIэ доктор, профессор Гъут Iэдэм. «Лъэпкъ Iущыгъэм и налкъутхэр» тхылъ гъэлъэгъуэныгъэри хуэгъэ­псат щIэныгъэлIым.

УФ-м и Пра­вительствэм щIы­налъэхэм зегъэужьы­нымкIэ и прези­диумым и зэ­IущIэм КъБР-м и Iэтащхьэ КIуэкIуэ Казбек видеозэ­пы­щIэныгъэ IэмалкIэ хэтащ. 

Санкт-Петербург и академическэ филармонием, Шостакович Д.Д. и цIэр зезыхьэм, и унафэщI Черкасов Илья, абы и дирижер нэхъыщхьэ Алексеев Николай, солист, виолончелым еуэ, Урысейм и цIыхубэ артист Ролдугин Сергей сымэ КъБР-м и Iэтащхьэ КIуэкIуэ Казбек яхуэзащ. 

Къэбэрдей-Балъкъэр Республикэм и Iэтащхьэ КIуэкIуэ Казбек и пресс-конференцыр мызыгъуэгум щекIуэкIар «ТАСС Кавказ» щIыналъэ хъыбарегъащIэ центрырщ. Республикэ УнафэщIыр нэхъыбэу къытеувыIащ КъБР-м и социально-экономикэ зыужьыныгъэм, дзэ Iуэху хэхам хэтхэм зэрадэIэпыкъум, лъэпкъ проектхэр гъэзэщIа зэрыхъум, туризм IэнатIэр зэрефIакIуэм, нэгъуэщIхэми.