Календарь событий

Налшык къалэм и хэхыпIэ №158-м IэIэтыр щекIуэкIащ ветеранхэм я «Эстафета» хорым и макъамэм щIэту.

Профсоюзхэм я Федерацэм хэхыпIэр пщэдджыжьым къыщызэIуахащ. Избиркомым и унафэщI Бэгъуэт Хьэмидби зэрыжиIэмкIэ, япэу мы хэхыпIэм къекIуэлIар щIэблэм я гъуэгугъэлъагъуэхэрщ - лэжьыгъэм и ветеранхэрщ.

«Налшык» санаторэм къыщызэрагъэпэща хэхыпIэ №103-м хэхакIуэхэм концерткIэ щыIущIащ икIи ахэр лъэпкъ шхыныгъуэхэмкIэ ягъэхьэщIащ.

Налшык къалэ администрацэм и Iэтащхьэ Ахъуэхъу Теймураз хэтащ Къэбэрдей-Балъкъэрым и депутатхэм я хэхыныгъэм.

- Дэтхэнэ зым и дежкIи мыхьэнэшхуэ иIэу къызолъытэр хэхыпIэм кIуэуэ и еплъыкIэр къигъэлъэгъуэным. Къыхэтх кандидатхэм елъытащ ди къэкIуэнур, пщэдей дызэрылэжьэнур, дызэрыпсэунур, - жиIащ Ахъуэхъум.

КъБР-м и Парламентым и депутатхэм я хэхыныгъэхэр Налшык къалэм и курыт еджапIэ №10-м къыщызэрагъэпэща хэхыпIэ №134-м ныкъусаныгъэншэу щокIуэкI. 

Iуэхур ирагъэжьащ УФ-м и гимныр ягъэзащIэу. ЦIыхубэ кIэлъыплъакIуэхэм зэрыжаIэмкIэ, хэхыныгъэхэм цIыхушхуэ йокIуалIэ. ЩIыналъэм исхэр Iуэхум жыджэру зэрыхэтыр щыхьэт тохъуэ я пщэдейр я IэкIэ зэраухуэм. Нэхъыщхьэращи, ныкъусаныгъэншэу псори къызэрагъэпэщащ. 

Шэджэм щIыналъэм хэхыпIэ 20 къыщызэрагъэпэщащ. Абыхэм цIыху мин 41-м Iэ щаIэтыну Iэмал яIэщ.

 ЦIыхубэ кIэлъыплъакIуэ 57-м я нэIэ тетщ Iуэхур зэрекIуэкIым. Къэбгъэлъагъуэмэ, Шэджэм къалэм ЩэнхабзэмкIэ и унэм къыщызэрагъэпэщащ хэхыпIэ №307-р. Шэджэм щIыналъэм ФизкультурэмкIэ, спортымрэ щIалэгъуалэ политикэмкIэ и Управленэм Iуэхум ирихьэлIэу спорт зэхьэзэхуэхэр хэхыпIэхэм пэмыжыжьэу зэхиублащ. ХэхакIуэхэр IэIэтым хэтым и мызакъуэу, спорт унэтIыныгъэхэмкIэ зэпеуэхэми я зэфIэкI щеплъыж хъунущ. КъищынэмыщIауэ, щIыналъэм и школхэм футболымрэ волейболымкIэ зэхьэзэхуэхэр щокIуэкI. 

Налшык къалэм и хэхып1э № 144-м ц1ыхухэм 1эмал ща1ащ я узыншагъэм к1элъагъэплъыну.

Вольнэ Аул хьэблэм щы1э поликлиникэ №1-м и медицинэ лэжьак1уэхэм хэхак1уэхэм 1эмал иратащ КъБР-м и Парламентым хагъэхьэну депутатхэм папщ1э 1э я1эта нэужь, чэзум хэмыту я узыншагъэм к1элъагъэплъыну.  

Дзэ 1уэхухэм я ветеран, СВО-м хэт Капитанов Олег и унагъуэр и гъусэу щы1ащ КъБР-м и Парламентым и депутат хэхыныгъэхэм.

Къэбэрдей-Балкъэрым и Парламентым и депутатхэм я хэхыныгъэхэм Лэскэн щIыналъэм щыпсэухэри жыджэру хэтщ. 

Налшык къалэм и хэхып1э № 125-м, УФ-м и Федеральнэ налог 1энат1эм и инспекцэ №1-м и унэм къыщызэрагъэпэщам, и япэ хэхак1уэм саугъэтхэр хуагъэфэщащ.

Хэхып1эм и унафэщ1 Хочуев Валериан зэрыжи1амк1э, ар я хабзэ дахэщ: псалъэ гуапэхэмрэ тыгъэхэмк1э ягъэгушхуэ япэу 1э зы1этхэмрэ зи ныбжьыр илъэс 80-м щхьэдэхахэмрэ.

Мы хэхып1эм, адрейхэми хуэдэу, ц1ыхухэр махуэ псом жыджэру ек1уэл1ащ.

Къэбэрдей-Балкъэрым и Парламентым и депутатхэм я хэхыныгъэхэм пщэдджыжьым сыхьэти 8-м щыщIэдзауэ щыпащэ щIыналъэм и район, къалэ псоми. 

Республикэм и хэхыпIэ 355-ми Iуэхур жыджэру щокIуэкI. ЩIыналъэм и цIыхухэр хэхыпIэхэм екIуалIэурэ зыхуей кандидатхэм папщIэ Iэ щаIэт. Абыхэм я нэIэ тетщ цIыхубэ кIэлъыплъыныгъэ къалэныр зи пщэрылъ цIыху 1700-м. КъинэмыщIауэ, хэхыпIэ псоми видеокамерэхэр щагъэуващ.

Хэхып1э № 162-р къыщызэгъэпэщащ Налшык къалэм и Пощт 1уэхущ1ап1э нэхъыщхьэм. Сыхьэти 8-м къыщыщ1эдзауэ ц1ыхухэр хэхып1эм къок1уал1э. Шэджагъуэ нэужьми хэхак1уэхэм я бжыгъэр нэхъ  мащ1э хъуакъым.

1э1этыр зэрек1уэк1ым я нэ1э тетщ жылагъуэ к1элъыплъак1уэхэм. Мыбдеж видеок1элъыплъыныгъэри къыщызэгъэпэщащ. Хэхак1уэхэм папщ1э, пшыхь дахэ зэхагъэуващ, абы зыкъыщагъэлъэгъуащ «Псынэ» къэзакъ хорым.

Къэбэрдей-Балъкъэрым щыпсэухэм я зэхуэдитIыр хэхыныгъэхэм хэтыну хунэсащ. 

КъБР-м и Избиркомым и унафэщIым и къуэдзэ Джаппуев Мусса зэрыжиIамкIэ, фокIадэм и 8-м шэджагъуэ нэужьым ирихьэлIэу щIыналъэм исхэм ящыщу хэхыныгъэм хагъэхьахэм я зэхуэдитIыр хунэсащ Iэ яIэтыну. 

 ХэхыпIэхэм хабзэр къыщызэпамыуду, ныкъусаныгъэншэу Iуэхур йокIуэкI. Жылагъуэ кIэлъыплъакIуэхэр я къалэнхэм дагъуэншэу полъэщ.

Къэбэрдей-Балъкъэр Республикэм нобэ щыхах Хабзэубзыху органым и депутатхэр. КъБР-м и Къэрал киноконцерт гъэлъэгъуапIэм къыщызэрагъэпэща хэхыпIэ №163-м хэхыныгъэхэр щокIуэкI оркестрым и макъамэм щIэту.

Мы хэхыпIэм къекIуалIэхэм щаIуощIэ Налшык къалэм и паркым Щэнхабзэмрэ зыгъэпсэхупIэмкIэ и эстрадно-духовой оркестрым игъэзащIэ макъамэ цIэрыIуэхэмкIэ. 

ХэхыпIэм и къэпщытакIуэ гупым и секретарь Мэкъуауэ Алим зэрыжиIамкIэ, Iуэхур хабзэм тету, Iуэху мыщхьэпэ къэмыхъуу йокIуэкI.

Налшык къалэм дэт «Олимпийский» спорт 1уэхущ1ап1эм щолажьэ хэхып1э № 119-р. Абы къедзыл1ащ хэхак1уэ 1500-м нэблагъэ.

Хэхып1эм и унафэщ1 Сурженкэ Руслан къыхегъэщ хэхыныгъэхэр хабзэм тету зэрек1уэк1ыр.

«Ц1ыхухэр жыджэру къок1уал1э, ныкъусаныгъэ щы1экъым. Ди дежк1э аращ нэхъыщхьэр. Ди хэхак1уэхэм я нэгу зедгъэужьын папщ1э, Налшык къалэм и Музыкэ школ №1-мрэ Гъуазджэхэмк1э сабий школымрэ я гъэсэн ц1ык1ухэм зыкъагъэлъэгъуащ, уэрэдхэмрэ къафэхэмк1э я гукъыдэжыр къа1этащ», - же1э Сурженкэм.

Налшык къалэм и хэхып1э № 120-м (Кулиевым и ц1эр зезыхьэ къалэ библиотекэм) 1э1этыр ныкъусаныгъэншэу щок1уэк1. Хэхып1эм и унафэщ1 Логиевэ Эммэ къызэрыджи1амк1э, ц1ыхухэр пщэдджыжьым къыщыщ1эдзауэ хэхыныгъэхэм жыджэру къок1уал1э.

- Зэрыхабзэти, Урысей Федерацэмрэ Къэбэрдей-Балъкъэрымрэ я къэрал гимнхэр къеуэу, нышэдибэ, сыхьэтыр 08:00-м ди хэхып1эр  къызэ1утхащ. Ди хэхып1эр 1эхуитлъэхуитщ, къабзэщ, ц1ыхухэр гукъыдэж я1эу къок1уэ. Мы зэманым ирихьэл1эу, щыщ1эныгъэ зыри ди1акъым, - къыджи1ащ Эммэ.

Хэхып1эм КПРФ-м къыбгъэдэк1ыу и жылагъуэ к1элъыплъак1уэщ Шэрхъ Галинэ.

Республикэм и хабзэубзыху 1уэхущ1ап1эм и Унафэщ1 Егоровэ Татьянэ и щхьэгъусэм щ1ыгъуу, КъБКъУ-м къыщызэрагъэпэща хэхып1э 147-м 1э щи1этащ КъБР-м и Парламентым и депутатхэм я хэхыныгъэхэм папщ1э. 
- Нобэ щ1ыналъэм и жылагъуэ-политикэ гъащ1эм дежк1э мыхьэнэшхуэ зи1э 1уэху йок1уэк1. Дызэрыт зэманыр къэплъытэмэ, КъБР-м и Парламентым и ебланэ зэхуэсыгъуэм къыпэщылъщ жэуаплыныгъэ запылъ 1уэхугъуэшхуэхэр игъэзэщ1эну. Абы къыхэк1ыу икъук1э мыхьэнэшхуэ и1эщ 1уэхум хэзыщ1ык1хэр хэхыным. Сыщогугъ ди хэхак1уэхэр абы жэуаплыныгъэ пылъу бгъэдыхьэну, - же1э Егоровэм.

Къэбэрдей-Балъкъэрым нобэ сыхьэтыр 08:00-м хэхып1эу 355-рэ къыщызэ1уахащ. Ц1ыхухэм 1э я1эт КъБР-м и Парламентым и депутатхэм я ебланэ зэхуэсыгъуэм хагъэхьэнухэм папщ1э. Республикэм и хабзэубзыху 1уэхущ1ап1эм и депутату 70 лэжьэнущ, зыкъэзыгъэлъэгъуахэр 300-м щ1егъу - "Урысей зэкъуэт", КПРФ, "Захуагъэ здэщы1э Урысей - Хэкупсэхэр - Пэжагъым и телъхьэу", ЛДПР, " Новые люди", "Зелёные" партхэм я л1ык1уэу.

Къэбэрдей-Балъкъэр Республикэм и Iэтащхьэ КIуэкIуэ Казбек нышэдибэ Iэ щиIэтащ Налшык къалэ дэт 1-нэ гимназием къыщызэрагъэпэща хэхыпIэ № 123-м. УнафэщIыр и щхьэгъусэм и гъусэу къыдэкIащ, я къалэныр зэфIагъэкIыну.
Журналистхэм я упщIэхэм жэуап щаритым КIуэкIуэ Казбек жиIащ гукъыдэж ин иIэу махуэшхуэм зэрыхэтыр, ди къэкIуэнум дежкIэ мы хэхыныгъэхэм мыхьэнэ зэраIэр.

Театрымрэ киномрэ я режис­сёр цIэрыIуэ, Адыгэ Республикэм гъуазджэхэмкIэ щIыхь зиIэ и лэжьакIуэ ЕмкIуж Андзор щэнхабзэ зэпыщIэныгъэхэмкIэ республикищым ис адыгэ ­лъэп­къыр зэшэлIэным гуащIэу хилъ­хьар мащIэкъым, ноби зи ужь итыр аращ.

Адыгэм ижь-ижьыж лъандэрэ къыдекIуэкI Iуэху щхьэ­пэхэм ящыщщ IэпщIэлъапщIагъэр. Абы дыщэм, дыжьыным, гъуаплъэм, жэзым, пхъэм, фэм, гъущIым зыхуеину хьэпшыпыр къыхищIыкIырт, унагъуэм къыщигъэсэбэпынухэмрэ унэлъащIэмрэ и IэкIэ зэригъэпэ­щы­жыфырт. Нобэ апхуэдэ Iэзагъ зыбгъэдэлъхэр адыгэ нэсу къэ­плъытэ хъунущ. Хьэбэз къуа­­жэр къулейщ апхуэдэ цIыхухэмкIэ. МызыгъуэгукIэ зэдгъэ­цIыхуахэм ящыщщ Ады­шэс Азэмэт. 

Ди къуэш республикэм къэ­рал, политикэ, жылагъуэ лэ­жьакIуэ цIэрыIуэу, адыгэлI хэкупсэу, куэдым пщIэ хуащIу щыпсэу цIыху щыпкъэщ Дер Вячеслав.