|
|
Календарь событий
10 октября 2024
10 октября, 2024 - 16:43
Жэпуэгъуэм и 10, бэрэжьей
Психикэ узыншагъэр хъумэным и дунейпсо махуэщ
ЦIыхум и судыр укIкIэ ящIэу мыдэным и европэпсо махуэщ
1910 гъэм къалъхуащ КъБР-м и цIыхубэ усакIуэ Щомахуэ Амырхъан.
1925 гъэм къалъхуащ франджы балеринэ цIэрыIуэ, адыгэ лъэпкъым къыхэкIа Черинэ (Щамырзэ) Людмилэ.
10 октября, 2024 - 15:41
Иджыблагъэ къыщалъхуа махуэр игъэлъэпIащ адыгэ бзылъхугъэ телъыджэ СССР-м спортымкIэ щIыхь зиIэ и мастер Ахэмын Еленэ. 1978 – 1982 гъэхэм Свердловск (иджы Екатеринбург) и «Уралочка» командэм хэту ар СССР-м и чемпион тхуэнейрэ хъуащ, Европэм и чемпионхэм я кубокыр тIэунейрэ зыIэригъэхьащ. Къэралым и гуп къыхэхам 1979 – 1983 гъэхэм зэпыу имыIэу ираджащ икIи абы дэщIыгъуу Европэмрэ Олимп джэгухэмрэ дыщэ медалхэр къыщихьащ, дунейпсо чемпионатым зыкъыщигъэлъэгъуащ. Ахэмын Еленэ и закъуэщ ди лъэпкъэгъу цIыхубзхэм Олимп чемпиону къахэкIар.
10 октября, 2024 - 14:39
«ГъуэгуфI шынагъуэншэхэр» лъэпкъ пэхуэщIэм хыхьэу Тэрч щIыналъэм и Дей, Акъбащ Ипщэ, Терекскэ къуажэхэр зэпызыщIэ, Дей къуажэм пхрыкI, километриплIым щIигъу зи кIыхьагъ автомобиль гъуэгур къызыхуэтыншэу зэрагъэпэщыж.
Нэгъабэ, Къэбэрдей-Балъкъэрым и Iэтащхьэ КIуэкIуэ Казбек эфир занщIэм къыщыпсалъэу, Дей къуажэм дэсхэр елъэIуауэ щытащ ЩауэцIыкIум и цIэр зэзыхьэ уэрамыр зыхуей хуагъэзэну унафэ ищIыну. Абы къыхэкIыу 2024 гъэм гъуэгу лэжьыгъэу зэфIагъэкIыну къалэн зыхуащIыжахэм мы жылэри хагъэхьащ.
10 октября, 2024 - 14:36
Илъэс къэс жэпуэгъуэм и етIуанэ блыщхьэм ягъэлъапIэ архитекторым и махуэр. Архитектор IэщIагъэр пасэу къэунэхуахэм ящыщщ. Тхыдэм ещIэж Пасэрей Мысырым, Урымым щегъэжьауэ, архитекторхэм я цIэ куэд. Абыхэм я лэжьыгъэхэр лIэщIыгъуэхэм я фэеплъи хъуащ. Дэ датхьэкъур быдапIэ абрагъуэхэм, чэщанэхэм, нэгъуэщI ухуэныгъэ дахэхэм. Архитектурэр ар икIи гъуазджэщ икIи щIэныгъэщ. Урым архитектор Витрувий архитектурэм и зэхэлъыкIэу пкъыгъуищ къигъэлъэгъуауэ щытащ: быдагъыр, сэбэп зэрыхъур, дахагъэр. Абыхэм къыдэкIуэи, ухуэныгъэ къэс щаухуэ щыпIэм хэзагъэу щытыпхъэщ.
10 октября, 2024 - 13:37
Пщэрылъ къыщащI дэтхэнэ зы лэжьыгъэри нэгъэсауэ зэригъэзэщIэным хущIэкъуу IэнатIэ зэхуэмыдэхэм пэрытащ КъБР-м щIыхь зиIэ и дохутыр, республикэм и ЩIыхь тхылъыр зыхуагъэфэща Джыназ Руслан Пщыбий и къуэр. Мы зэманым Джыназыр щолажьэ Къэбэрдей-Балъкъэр къэрал университетым и медицинэ колледжым, ар къэзыух ныбжьыщIэхэр лэжьыгъэкIэ къызэгъэпэщын IуэхумкIэ еджапIэм и унафэщIым и къуэдзэу.
10 октября, 2024 - 12:26
Къэбэрдей-Балъкъэр Республикэр цIыхур щыпсэуну зэхъуапсэ щIыпIэхэм ящыщщ. ЩIыналъэм бгъэдэлъ щIыуэпс хъугъуэфIыгъуэхэм къищынэмыщIа, мыбдеж щызэтраухуа псэукIэм, къыщекIуэкI хабзэхэм, цIыху зэхущытыкIэхэм ар нэгъуэщIхэм къахегъэщ.
10 октября, 2024 - 11:18
Къэбэрдей-Балъкъэрым и япэ профессиональнэ балетмейстер Дэшу Хьэшыр ХьэкIашэ и къуэр 1928 гъэм Брамтэ къыщалъхуащ.
Илъэс 15 ныбжьым иту, Хьэшыр 1943 гъэм хыхьащ Къэбэрдей-Балъкъэрым уэрэдымрэ къафэмкIэ и «Кабардинка» къэрал ансамблым. Хэку зауэшхуэм и пэ къызэрагъэпэща ансамблыр адыгэ, балъкъэр лъэпкъхэм я макъамэ, лъэпкъ щэнхабзэм зегъэужьыным хуэунэтIат. Абы хэтт щIыналъэм зэфIэкI щызиIэ и къэфакIуэ нэхъыфIхэр.
10 октября, 2024 - 10:01
«Рейтинг» РИА-м иригъэкIуэкIа къэпщытэныгъэхэм къызэрагъэлъэгъуамкIэ, УФ-м и къалэ нэхъ инхэм щыпсэухэм я улахуэм и инагъымкIэ Налшык иужь дыдэ увыпIэм щытщ. Апхуэдэщ Грознэ, Элиста, Владикавказ, Черкесск, Мейкъуапэ къалэхэри.
Иджырей рейтингыр зэхагъэуващ муниципалитетхэм я статистикэмрэ Росстатым къигъэлъэгъуа хъыбархэмрэ ятещIыхьауэ икIи абы хыхьащ къэралым и къали I00, щIыналъэхэм я къалащхьэхэри яхэту.
10 октября, 2024 - 09:00
ЕтIуанэ Iыхьэ.
УпщIэхэр къызэротIэпIыкI, дауи. Абыхэм я жэуапым шумерхэм я мифологиемрэ къызэранэкIа тхыдэмрэ ущылъыхъуэмэ нэхъ щхьэпэщ, щIым къыщIаха хьэпшыпхэр бджы нэхърэ. Я насыпу, шумерхэм тхыбзэ яIати, я тхыдэмрэ пасэрей лъэхъэнэжьым хащIыкIымрэ ятхыжат.
|
