|
|
Календарь событий
18 октября 2024
18 октября, 2024 - 17:08
1976 гъэм Уташ къуажэдэсхэм Анапэ и тхыдэ-археологие музейм и лэжьакIуэхэм хуаIуэтащ 1972 гъэм жызум хадэр ивэу губгъуэм ита тракторыр щIым кIуэцIрыщэтауэ зэрыщытар. Ар щхьэусыгъуэ ящIри, ЩIэныгъэхэмкIэ СССР-м и Академием Анапэ и Iэхэлъахэм къыщызэригъэпэщащ археологие къэхутэныгъэхэр.
18 октября, 2024 - 16:47
Жэпуэгъуэм и 18, мэрем
КIэнфетхэм я дунейпсо махуэщ
ЦIыхухъухэм я джанэхэм далъхьэ пщэдэлъым и дунейпсо махуэщ
1941 гъэм къалъхуащ КъБР-м и япэ Президенту щыта, къэрал лэжьакIуэ, политик Iэзэ КIуэкIуэ Валерэ.
1942 гъэм къалъхуащ медицинэ щIэныгъэхэмкIэ доктор, РАЕН-м и академик, КъБР-м и цIыхубэ дохутыр ХьэцIыкIу Борис.
18 октября, 2024 - 16:29
Хэгъэгухэм я щыIэкIэ-псэукIэр зэгъэкIуа хъуныр куэду елъытащ гъуэгухэм я щытыкIэм. Аращ абы зегъэужьыным ди къэралым гулъытэ ин щыхуищIыр.
18 октября, 2024 - 16:11
Къэбэрдей-Балъкъэрым щыпащэ «Кунацкая» Iуэхум. Ар теухуащ лъэпкъхэм яку дэлъ зэныбжьэгъугъэр гъэбыдэным, щэнхабзэ лъапIэныгъэхэмрэ хабзэхэмрэ хъумэным, ахэм иджырей щIэблэр щIэпIыкIыным.
КъБР-м и Iэтащхьэ КIуэкIуэ Казбек и унафэкIэ, «Регион для молодых» программэм хыхьэу ирагъэжьауэ лэжьыгъэр илъэс етIуанэ хъуауэ йокIуэкI, КъБР-м ЩIалэгъуалэм я IуэхухэмкIэ и министерствэр, щIыпIэ администрацэхэм я унафэщIхэр, «КъБР-Медиа» медиахолдингыр, «1 КъБР» щIыналъэ телеканалыр зэдэIэпыкъуу зэращIым и фIыгъэкIэ.
18 октября, 2024 - 16:03
КъБР-м и военкоматым щекIуэкIащ мы гъэ бжьыхьэм дзэм ираджэнухэм ятеухуа пресс-конференцэ. Абы къыщыпсэлъащ КъБР-м и дзэ комиссар Пахомов Дмитрий. Ар къытеувыIащ къулыкъу зыщIэнухэр шхын хуабэкIэ, щыгъынкIэ нэсу къызэрызэрагъэпэщынум. Дзэм ираджэхэр ВДВ-м, флотым, лъэсыдзэм, ВКС-м, Лъэпкъ гвардием трагуэшэнущ.
18 октября, 2024 - 15:44
Дызэрыт илъэсым жэпуэгъуэм 7 - 20-хэм къриубыдэу Къэбэрдей-Балъкъэрым щекIуэкIынущ «Ахъшэ жьгъейм и тхьэмахуэ» Iуэхур. А пIалъэм къриубыдэу республикэм щыпсэухэм Iэмал яIэнущ я унэ щахъумэ, щызэтрихьа ахъшэ жьгъейр зэкIэрыт ящIыну.
ЩIыналъэм щылажьэ коммерцэ банкхэм нэмыщI, Iуэхум къыхыхьащ тыкуэн инхэри. Абыхэм я хэщIапIэхэмрэ щылажьэ зэманхэмрэ теухуа хъыбархэр «монетная неделя.рф» сайтым къыщывгъуэтыфынущ.
18 октября, 2024 - 15:02
«Кабардинка» къэфакIуэ гупыр къызэрызэрагъэпэщам теухуауэ дэфтэр пыухыкIахэр щIэлъкъым КъБР-м и архив IуэхущIапIэм. Зэрыхабзэщи, сыт хуэдэ художественнэ гупми гъащIэм лъэбакъуэ щичауэ къыщалъытэр ар цIыхухэм япэу щаIущIарщ. Абы тепщIыхьми, «Кабардинка»-р апхуэдэу хэхауэ утыку къихьауэ щытакъым. ТегъэщIапIэ пщIы хъуну дэфтэрхэм яхыболъагъуэ Налшык къалэ дэт Ленинскэ еджапIэ къалэ цIыкIум (ЛУГ-м) епхауэ 1933 гъэм жэпуэгъуэм и 1-м Лъэпкъ художественнэ студие къыщызэIуахауэ зэрыщытар, драмэ, къэфакIуэ, лъэпкъ макъамэ Iэмэпсымэхэм зыщыхуагъасэ, театр-декоративнэ къудамэхэр хэту.
18 октября, 2024 - 15:00
Мэкъумэш хозяйствэмрэ ерыскъыхэкIым елэжь промышленностымрэ я лэжьакIуэхэм я махуэр щагъэлъапIэм ирихьэлIэу Налшык къалэм дэт шыгъэжапIэм и гупэм деж иIэ утыкум иджыблагъэ мэкъумэш-промышленнэ гъэлъэгъуэныгъэ зэрыщрагъэкIуэкIам и гугъу фхуэтщIауэ щытащ. АтIэ абы ирихьэлIа цIыхухэм яфIэгъэщIэгъуэн хъуащ ялъэгъуа псори - республикэм имызакъуэу я цIэхэмкIэ (бренд жыхуаIэмкIэ), я фIагъхэмкIэ къэралым и нэгъуэщI щIыналъэхэми фIыуэ щацIыху, щэхуакIуэхэм ягу ирихьа ерыскъыхэкIхэмрэ псыхэкIхэмрэ.
18 октября, 2024 - 15:00
Адыгэ тхакIуэхэм ящыщу СССР-м и Къэрал саугъэтыр япэ дыдэу (1948 гъэм) зыхуагъэфэщауэ щытар Адыгейм хиубыдэ Куэшхьэблэ къуажэм 1902 гъэм къыщалъхуа КIэрашэ Темботщ. Зи ныбжьыр илъэс 46-рэ фIэкIа мыхъуа адыгэ тхакIуэ Iэзэм Къэрал саугъэтыр къыщIратыгъар КIэрашэр икъукIэ псынщIэу цIэрыIуэ зыщIа «Гъуэгу насыпыфIэ» роман гъуэзэджэрат. Ар адыгэбзэкIи (Мейкъуапэ), езым зэридзэкIыжауэ урысыбзэкIи (Мэзкуу) щытрадзат 1947 гъэм.
18 октября, 2024 - 14:00
КIэрыхубжьэрыхухэр щызэтратхъуэ Iуащхьэм къыщыщIынкIи хъунур къэпщIэн папщIэ, Дагъыстэным нэси кIуэн хуейкъым. Ауэ абы езыр-езыру мафIэ къыщIэна нэужьщ къыщытщIар гъунэгъу республикэм «Черкес-кутан» цIэр зэрихьэу къуажэ зэрыщыIэр.
18 октября, 2024 - 13:34
(Гъэсэпэтхыдэ)
Зыпщ зекIуэ ежьащ, шу гъусэ зыщIигъури. ЗекIуэ ежьэри кIуэдащ – и хъыбар къэIужакъым. Жылэр гузэвэнтэкъэ: лърагъэжьащ – дунейм яхутехакъым. Зыбжанэ дэкIауэ, зы шу къахуепсыхащ, жыжьэ къикIри.
– Фи пщыр ди гъэрщ, – къажриIащ шум. – ЩхьэщэхужыпщIэ къыдэвмытауэ фэттыжынукъым. Къыдэфтынур дыщэщ.
Ар къажриIэри, шур яхэкIыжащ. Пщыр ирагъэукIынт: щхьэщэхужыпщIэ зэхадзэри, зы гуп ирагъэжьащ. Гъуэгур кIыхьти, жэщ къащытехъуэм, гупыр епсыхащ. Дыщэр зыIыгъ щIалэм шыр хигъэпщ зищIри, дыщэр Iуащхьэ лъабжьэм щыщIитIащ.
|
