|
|
Календарь событий
21 октября 2024
21 октября, 2024 - 18:26
Медицинские психологи помогут и поддержат при любых тревожных состояниях
21 октября, 2024 - 17:00
Нобэ и ныбжьыр илъэс 60 ирокъуа гъуащхьэтет цIэрыIуэ Хьэпэ Заур фIэкIа Къэбэрдей-Балъкъэрым нэгъуэщI зы футболисти къихъуакъым командэ зэмылIэужьыгъуэхэм яхэту къэралитIым я чемпион хъуауэ. Адыгэм и щIыхьыр дунейм и щIыпIэ куэдым абы щиIэтащ. Совет Союзым и чемпионатым Хьэпэ Заур зэIущIэ 36-рэ щригъэкIуэкIащ. Урысей Федерацэм и лигэ нэхъыщхьэм зыкъыщигъэлъэгъуащ джэгугъуэ 204-м икIи абыхэм ящыщу 65-м и гъуэм топ къыдагъэкIыфакъым. Иужь илъэсийм ар зэпымыууэ Мэзкуу и «Локомотив»-м и гъуащхьэтетхэм я тренерщ, тренер нэхъыщхьэ къулыкъур щрихьэкIаи щыIэу. Дохъуэхъу иджыри куэдрэ и цIэр фIыкIэ къраIуэу утыку итыну и щхьэгъусэ Терезэ узыншэу къыкъуэту я бынхэу Лаурэрэ Артуррэ я насып ялъэгъуну.
21 октября, 2024 - 15:02
Зы лIыжь, пщIантIэм здыдэсым, и пхъумрэ и нысэмрэ пщэфIапIэм пкIэлъей щIахьауэ илъэгъуащ. «ПкIэлъейм сыткIэ хуей хъуа?» – игъэщIэгъуащ лIыжьым, бжэр Iуихри пщэфIапIэм щIэплъащ. ПкIэлъейр дапхъэм ираупсейри, лIыжьым и пхъумрэ и нысэмрэ теувэжат.
21 октября, 2024 - 14:53
Адыгэбзэм хэт псалъэхэм я къэхъукIэм ехьэлIа тхыгъэ кIэщI цIыкIур и IэдакъэщIэкIщ филологие щIэныгъэхэм я кандидат КIуэкIуэ Лейла.
21 октября, 2024 - 11:53
Ди литературэмрэ щэнхабзэмрэ псэемыблэжу илъэс куэдкIэ хуэлэжьа КIурашын БетIал 1996 гъэм къыдигъэкIа «Гъуазэ» тхылъым итщ пшынауэ цIэрыIуэ Къашыргъэ КIурацэ теухуа тхыгъэшхуэ. А бзылъхугъэм и творческэ гъуэгуанэр абы лъэныкъуэ куэдкIэ къыщыгъэлъэгъуэжащ. А тхыгъэм къыщыхьащ КIурацэ фIыуэ зыцIыхуу щытахэм я гугъэкIыжхэри. Абыхэм ящыщ зыщ РСФСР-м щIыхь зиIэ и артисткэ Блэнауэ Быцэ:
21 октября, 2024 - 11:32
Республикэ сабий библиотекэ ПащIэ Бэчмырзэ и цIэр зезыхьэм щекIуэкIащ «Я путь воспеваю и трудный, и смелый…» литературэ зэхыхьэ гуапэр. Ар къызэрагъэпэщащ Социалист Лэжьыгъэм и ЛIыхъужь, РСФСР-м и Къэрал саугъэтым и лауреат, Къэбэрдей-Балъкъэрым и цIыхубэ усакIуэ, Горький Максим и цIэкIэ щыIэ Къэрал саугъэтыр зыхуагъэфэща КIыщокъуэ Алим къызэралъхурэ илъэси 110-рэ зэрырикъум и щIыхькIэ.
21 октября, 2024 - 11:31
Къэбэрдей-Балъкъэрым жэпуэгъуэм и 7-м щаублащ «ЦIыхубэ участковэ» Урысейпсо зэхьэзэхуэм и етIуанэ (щIыналъэ) Iыхьэр.
Япэ Iыхьэми хуэдэу, полицэм и участковэ уполномоченнэхэм ящыщу етIуанэ Iыхьэм щытекIуар наIуэ хъунущ КъБР-м щыIэ МВД-м и сайтым Iэ щаIэткIэрэ.
ЕтIуанэ Iыхьэм хэхуащ зэпеуэм хэтхэм ящыщу 11, республикэм къэрал кIуэцI IуэхухэмкIэ и щIыналъэ IэнатIэ псоми къабгъэдэкIхэр. Участковэхэр зэпеуэнущ Къэбэрдей-Балъкъэрым и лIыкIуэу кIэух Iыхьэм кIуэнымкIэ. ЕтIуанэ Iыхьэр републикэм щекIуэкIащ жэпуэгъуэм и 16 пщIондэ.
21 октября, 2024 - 11:29
Уэ умакъамэщ
Уэ умакъамэщ. Псалъэ хэмыту… си хьэуам щэхуу зыхэппхъэпауэ. Уэ умакъамэщ. ЩIыуэпсым щэхуу ухэтIысхьащи, сыпIейтеижкъым - сыпщIодэIу. Укъыстощащэ. Уэ умакъамэщ. Мы си Iэпкълъэпкъым лъынтхуэу ирикIуэм ухызогуашэ. Ухызогуашэри, хуиту собауэ. СыкъощIэращIэ, гъащIэм сыпохьэ, уи псэм сыIуощIэ. Зыри жомыIэу, си гум ущыIэу, уэ умакъамэщ.
21 октября, 2024 - 11:26
Илъэси 175-рэ ипэкIэ дунейм къытехьа инджылыз тхакIуэ Бёрнетт Фрэнсис «цIыхубз тхакIуэ» фIэпщыфынущ. Абы и тхыгъэхэм я нэхъыбэм лIыхъужь нэхъыщхьэу хэувэхэм я щэнри, абыхэм ядэтлъагъу гупсысэкIэри бзылъхугъэхэм я гъащIэ зэгъэзэхуэкIэр къыхощ.
21 октября, 2024 - 11:21
Жэпуэгъуэм и 21, блыщхьэ
♦1994 гъэм Къэрал Думэм УФ-м и Граждан кодексыр къищтащ.
♦1881 гъэм къалъхуащ адыгэ пшынауэ Iэзэ, къызыхэкIа лъэпкъым и макъамэ щэнхабзэ хъугъуэфIыгъуэхэр гъэбэгъуэным хэлъхьэныгъэшхуэ хуэзыщIа Хьэгъэудж Мухьэмэд.
♦1937 гъэм къалъхуащ экономикэ щIэныгъэхэмкIэ доктор, профессор ЛъэнкIэпIашэ Мусэ.
♦1963 гъэм къалъхуащ УФ-м щIыхь зиIэ и дохутыр КIуэкIуэ Аслъэн.
|
