Календарь событий

Ди щIыналъэм щыпащэ «Кунацкая» Iуэхум. Ар теухуащ лъэпкъхэм яку дэлъ зэныбжьэгъугъэр гъэбыдэным, щэнхабзэ лъапIэныгъэхэмрэ хабзэхэмрэ хъумэным, абыхэм иджырей щIэблэр щIэпIыкIыным. 
Iуэху щхьэпэр КъБР-м и Iэтащхьэ КIуэкIуэ Казбек и унафэкIэ, «Регион для молодых» программэм хыхьэу ирагъэжьауэ, илъэс етIуанэ хъуауэ йокIуэкI, КъБР-м ЩIалэгъуалэм я IуэхухэмкIэ и министерствэр, щIыпIэ администрацэхэм я унафэщIхэр, «КъБР-Медиа» медиахолдингыр, «1 КъБР» щIыналъэ телеканалыр зэдэIэпыкъуу зэращIым и фIыгъэкIэ.

Языныкъуэ лъэпкъхэр я макъамэкIэ лъэщщ, нэгъуэщIхэр - я къафэкIэ, адрейхэр - я уэрэдыжьхэмкIэ. КъБР-м и цIыхубэ артист, къэфакIуэ, гъэсакIуэ цIэрыIуэ Думэныщ Iэулэдин къызэрилъытэмкIэ, адыгэхэм я деж а щыри къызэрымыкIуэу щызэпхащ, зэхэухуэнащ… макъамэри, къафэри, уэрэдри ди утыкум щызэподжэж. 

Адыгэ пшынауэшхуэ Къашыргъэ КIурацэ и гъащIэмрэ и творчествэмрэ тхыгъэшхуэ триухуащ КIурашын БетIал. 

Лондон къыщыдэкI «Таймс» газетым и корресподент Лонгворт Джеймс 1837 гъэм Шэрджэсым къакIуэри зы илъэсым щIигъукIэ яхэсащ, и гукъэкIыжхэр зэрыт тхылъри («Год среди черкесов») зыбжанэрэ къыдэкIащ. 

«Европэм нэхъ лъагэ дыдэу щыIэ Iуащхьэм илъэс къэс фIокIуэд мылым и зы процент», - жеIэ КъБР-м и ВГИ-м и унафэщI Беккиев Мухътар.

Тенджыз абрагъуэхэм я щIагъхэм псыщIагъ бгыхэм ущрихьэлIэнкIэ хъунущ.

Археолог гупым нейтрон томографием щIагъэкIащ къэжэр джатэрэ къамэу 8-рэ. ИкIи къэхутэныгъэхэм къызэрагъэлъэгъуамкIэ, ахэр Iэзэ дыдэу щIа Iэщэ нэпцIщ, икIи хуагъэфащэ пасэрей къэжэр джатэщ жаIэу, дуней псом и музейхэм щахъумэхэри нэпцIу. 

Подполковник Лататуев Владимир и фэеплъ урысейпсо зэхьэзэхуэ алыдж-урым бэнэкIэмкIэ Ярославль къалэм иджыблагъэ щекIуэкIащ.

Жэпуэгъуэм и 28, блыщхьэ

Анимацэм и дунейпсо махуэщ
УФ-м и Дзэ-Хьэуа Къарухэм я дзэ авиацэм и махуэщ
Урысей Федерацэм щагъэлъапIэ анэшхуэхэмрэ адэшхуэхэмрэ я махуэр
1900 гъэм къалъхуащ къэбэрдей литературэм и лъабжьэр зыгъэтIылъа икIи и классик ЩоджэнцIыкIу Алий.
1952 гъэм къалъхуащ юридическэ щIэныгъэхэмкIэ доктор, ЩIДАА-м и академик Мысрокъуэ Замир.

Прохладнэ (КъалэкIыхь) щIыналъэм хыхьэ Алътуд (Йохъущыкъуей Ищхъэрэ) къуажэм дэт ЩэнхабзэмкIэ унэр щаухуар I974 гъэрщ.