Малкэ къуажэм и курыт еджапIэ №3-м пэщIэдзэ классхэм илъэс куэд щIауэ щезыгъаджэ Журт Масирэт и цIэр къыщраIуэкIэ, цIыхухэм къыхагъэщ а цIыхубз щыпкъэр егъэджакIуэ IэщIагъэм  къызэрыхуигъэщIар. Езы Масирэти нэгъуэщI IэнатIэ пэрыту и нэгу къыщIигъэхьэххэркъым, и псэм фIэфIу мэлажьэри.

        Ди къэралым и зэблэкIыгъуэ лъэхъэнэ хьэлъэм щыгъуэ ди нэгу гъунэгъуу къыщIэдмыгъэхьэ, щхъуэфэцыр зыгъэтэдж  куэд дгъэвын хуей хъуат, дыхуей-дыхуэмейми хуэм-хуэмурэ зыри гъэщIэгъуэн тщымыхъужыным дыхуэкIуэу. Дауи, абы уимыгъэпIейтейуэ къанэртэкъым. Абыхэм ящыщ зыуэ кIэщI-кIэщIурэ цIыхухэм жаIэу зэхэпхырт щIэныгъэм мыхьэнэшхуэ имыIэжу. Ар, шэч хэмылъу, псом ящхьэу къызыхэкIар сату зэхущытыкIэм, хьэрычэт щIыным, сомым и мыхьэнэм пащтыхьыгъуэр ди къэралым 90 гъэхэм убгъуауэ зэрыщиубыдарт.

Адыгэ усакIуэ цIэрыIуэ, тхакIуэ, адыгэ литературэм и лъабжьэр зыгъэтIылъахэм ящыщ, КъБАССР-м гъуазджэхэмкIэ щIыхь зиIэ и лэжьакIуэ ЩоджэнцIыкIу Алий и фэеплъу абы и цIэр зезыхьэ Къэбэрдей къэрал театрым и гупэм деж щытым иджыблагъэ удз гъэгъахэр тралъхьащ. Лъэпкъ усыгъэм и классикыр къызэралъхурэ мы гъэм илъэси I24-рэ зэрырикъум теухуащ ар.

- Iилэ имылъэгъуа игъэIуу, къэмыхъуа иIуатэу жызыIэ щыIахэщ, иджыри щыIэу къыщIэкIынщ. Iилэ пцIыупсу, цIыху къигъапцIэу щытакъым, пцIыIуэпцIышэр абы и IуэрыIуатэр къызыгурымыIуэ акъыл пхэнжхэращ. Iилэ теухуа пэж фыхуеймэ, сэ ар нывжесIэну сыхьэзырщ: Щхьэгъэпсэу Машэ и къуэ Илэ и IуэрыIуатэр уэршэрэгъухэр тригъэун мурадкIэ езым акъылкIэ зэхилъхьа псысэщ, таурыхъщ - къыщIедзэ КъБР-м и цIыхубэ тхакIуэ, IэурыIуатэдж Нало Заур IуэрыIуэдз Iэзэу щыта Iилэ ехьэлIа и гукъэкIыжхэр зи лъабжьэ и тхыгъэр.

Тэн Iус Ростов къалэм Лышх узыфэхэмкIэ и щIэныгъэ-медицинэ IуэхущIапIэм къраIуэ куэтэн лышхыр къызэрыпцIыхуну щытыкIэхэр.

КIэтIий гъум, куэтэн лышх узыр нэхъыбэрэ цIыхум къефыкI лIэужьыгъуитхум хеубыдэ. Ар цIыхухъухэми бзылъхугъэхэми зэхуэдэу къеуэлIэнкIэ хъунущ, нэхъыбэу къыщыхъейри цIыхум и ныбжьыр илъэс 45-60-м щитым дежщ.

ЩIыуэпсыр апхуэдэу къигъэщIащи, дунейм псэущхьэу тетыр зым адрейм и шхыныгъуэу къогъуэгурыкIуэ. Апхуэдэу, токсоплазмэ жыхуэтIэу нэрымылъагъу фэшх-лышхыр (паразитыр) налъэм (клеткэм) щопсэу, нэхъыбэу зыпкърытыр джэдухэрщ, ауэ цIыхум къыщылъэIэси щыIэщ. Ди жагъуэ зэрыхъунщи, ар лъэужьыншэу кIуэдыжкъым.

КъБР-м и цIыхубэ усакIуэ, Социалист Лэжьыгъэм и ЛIыхъужь, РСФСР-м и Къэрал саугъэтым и лауреат, Горький Максим и цIэкIэ щыIэ Къэрал саугъэтыр зыхуагъэфэща КIыщокъуэ Алим къызэралъхурэ мы гъэм илъэси I00 ирикъуащ. Къыпхуэмылъытэным хуэдэщ абы лъэпкъ литературэм хуищIа хэлъхьэныгъэр, цIыху щыпкъэм хуэфэщэн гъащIэ гъуэгуанэ дахи къызэринэкIащ.

Къэбэрдей-Балкъэрым и Лъэпкъ музейм щокIуэкI ХудожествэхэмкIэ Урысей академием Кавказым щыщу хэтхэм я IэдакъэщIэкIхэм я гъэлъэгъуэныгъэ. Ар «Кавказ Ищхъэрэм и иджырей сурэтыщIхэм я лэжьыгъэхэм щIэщыгъуэу хэлъыр» Iуэхум и зы Iыхьэу къызэрагъэпэщащ РАХ-м, Урысейм и СурэтыщIхэм я зэгухьэныгъэм, КъБР-м ЩэнхабзэмкIэ и министерствэм. «Кавказ. Притяжение будущего» гъэлъэгъуэныгъэр музейм щыIэнущ щэкIуэгъуэм и 15 пщIондэ. 
КъБР-м щэнхабзэмкIэ и министр Къумахуэ Мухьэдин, гъэлъэгъуэныгъэр къыщызэIуихым жиIащ ар и гум зэрыдыхьар, абы гупсысэ щIэщыгъуэ куэд къыхэпх зэрыхъунур. 

2024 гъэм и мази 8-м къриубыдэу Къэбэрдей-Балъкъэрым гъэшхэкIым елэжь и IуэхущIапIэхэм шэ зэфэу къыщIагъэкIам проценти 3,5-кIэ, шатащхьэм - проценти 3-кIэ, кхъуеймрэ кхъуейлъалъэмрэ - проценти 3,8-кIэ хагъэхъуащ, зэпалъытэж пIалъэм къриубыдэу нэгъабэ яхузэфIэкIам нэхърэ.
Апхуэдэуи гъэшым елэжь IуэхущIапIэхэм хэхъуэ къагъэлъэгъуащ тхъуцIынэрэ тхъу гъэвэжауэ къыщIагъэкIам я куэдагъымкIэ. Нэгъабэ и апхуэдэ пIалъэм щыIэ бжыгъэхэм нэхърэ процент 13-кIэ нэхъыбэ къалэжьащ е псори зэхэту тонн мин 1,2-м нэблагъэ, абы щыщу тхъуцIынэу - тонн 290-рэ. 

 «Тесла Моторс» американ IуэхущIапIэм и унафэщI Маск Илон зэрыжиIэмкIэ, куэд дэмыкIыу машинэхэм я нэхъыбэм аккумуляторкIэ лэжьэн щIадзэнурэ, гъэсыныпхъэ хуэныкъуэ Iэмэпсымэхэм зэрагъакIуэхэр, шым хуэдэу, мащIэ хъунущ. ЦIыхур зэрызекIуэ транспортым и нэхъыбэр токым техьэнущ.

Япониер зи къежьапIэ дзюдор, адрей бэнэкIэ лIэужьыгъуэхэм елъытауэ, ди гъащIэм къыщыхыхьар нэхъ иужьыIуэкIэщ - ХХ лIэщIыгъуэм и кIэухращ. Апхуэдэу щыт пэтми, адыгэхэр абыи щехъулIащ.

КъБР-м ЩIалэгъуалэм я IуэхухэмкIэ и министерствэмрэ Кавказ Ищхъэрэм зегъэужьынымкIэ «Кавказ.РФ» институтымрэ Iуащхьэмахуэ лъапэ нэмыцэ зэрыпхъуакIуэхэм къыщыIэщIахыжамрэ Совет къэралыгъуэм и ныпыр бгы щыгум щытрагъэувамрэ илъэс 80 щрикъум ирихьэлIэу къыхилъхьауэ щыта «Кавказым папщIэ ди псэр ттащ» зи фIэщыгъэ пэхуэщIэ щIагъуэр жэрдэмщIакIуэхэм куэд щIатэкъым екIуу зэрызэфIахрэ.

Хы фIыцIэ Iуфэм Iус Головинкэ (Шахэпэ) къуажэм псыIумкIэ гъэза и гъунэм уардэу Iут, ныбжь ин дыдэ зиIэ «Жыгдахэ» здэщыт щIыпIэр абдежым зэгъунэгъуу щыпсэуа шапсыгъ адыгэхэмрэ убыххэмрэ ижь-ижьыж лъандэрэ я тхьэ елъэIупIэжьт.

Жэпуэгъуэм и 31, махуэку

Тенджыз ФIыцIэм и дунейпсо махуэщ

Къалэхэм я дунейпсо махуэщ

Экономием и дунейпсо махуэщ

Урысейм щыIэ СИЗО-хэмрэ тутнакъэщхэмрэ я лэжьакIуэхэм я махуэщ

Урысейм щылажьэ Iэпэтэрмэш зэдзэкIакIуэм и махуэщ

1952 гъэм къалъхуащ УФ-м и къэрал лэжьакIуэ, етIуанэ рангым и къэрал чэнджэщэгъуу щыта Хъупсырокъуэ Назир (Кърым-Джэрий).

Дунейм и щытыкIэнур