Календарь событий

Мэзкуу областым и Наро-Фоминск къалэм щекIуэкIащ грэпплингымкIэ Урысейм и Кубокыр къэхьыным хуэунэтIа зэхьэзэхуэ. Абы хэтащ къэралым и щIыналъэхэм ящыщу 37-м я бэнакIуэ 300-м нэблагъэ.

УФ-м Къэрал кIуэцI IуэхухэмкIэ и IэнатIэхэм я лэжьакIуэм и махуэм ирихьэлIэу, Урысей МВД-м и Прохладнэ къудамэм балигъ мыхъуахэм я IуэхухэмкIэ и инспекторхэр, районым Ветеранхэм я советым и лIы­кIуэхэу милицэм и подполковникхэу Савинов Александррэ Каджаев Джафаррэ ящIыгъуу, къызэрагъэпэщри ныбжьы­щIэ­хэм Прохладнэ къалэм дэт тхыдэ-лъахэдж музейм зыщрагъэплъыхьащ. 

Къэбэрдей-Балъкъэрым и Музыкэ театрым и щIыхьэпIэ пэшышхуэр сурэт дахэхэм ­яуфэбгъуат щэкIуэгъуэм и 1-м и пщыхьэщхьэм. Зэманыр хэкIуэтауэ къыпщигъэхъуу пшапэр зэрызэхэуами къы­зэтригъэувыIакъым цIыхухэр, къалэдэсхэмрэ хьэ­щIэхэмрэ къыщIыхьащ абджыпсым къыпхыщ сурэт ­телъыджэхэр зрагъэлъагъуну, абы щыжаIэм щIэдэIуну. «Остановись, мгновение…» зыфIаща гъэлъэгъуэныгъэр зейр Горький Максим и цIэр зезыхьэ Урыс драмэ театрым и сурэтыщI нэхъыщхьэ Дэ­цырхъуей Рузанэщ.