Календарь событий

СССР-м атлетикэ хьэлъэмкIэ спортым и мастер Аракелов Сергей и фэеплъ зэхьэзэхуэ Краснодар къалэм щекIуэкIащ. Абы щызэпеуащ я ныбжькIэ илъэс 13 - 17-хэм щIимыгъуа спортсменхэр, щIалэхэри хъыджэбзхэри зэхэту 180-рэ хъууэ икIи ахэр гупипщIу гуэшауэ щытащ. 

Дагъыстэным и Каспийск къалэм «DAGGym-2024» фIэщыгъэр зэрихьэу спорт гимнастикэмкIэ щекIуэкIа дунейпсо зэхьэзэхуэм Къэбэрдей-Балъкъэрым икIа ныбжьыщIэхэр къыщыхэжаныкIащ. Абы хэтащ УФ-мрэ хамэ къэралхэмрэ я гимнасту 500-м нэблагъэ икIи ахэр зэпеуащ лIэужьыгъуэ зыбжанэкIэ.

Туристхэр къыщызэтеувыIэн хуэдэу, зэпкърыплъхьэ-зэпкърыпхыж, нэгъуэщI щIыпIэхэм бгъэIэпхъуэ хъууэ унэхэм (модульнэ) хуэдэхэр ухуэным сом мелуан 370-рэ Къэбэрдей-Балъкъэрым тригъэкIуэдащ. Апхуэдэ ухуэныгъэхэм яужь щIихьар ди къэралым и цIыхухэм я мызакъуэу, хамэ хэкухэми къикIыу ди республикэм къакIуэхэм я бжыгъэр илъэс къэс нэхъыбэ зэрыхъурщ.

ПцIыр къыпщIокIуэж

Налшык къалэм и полицэм и лэжьакIуэхэм къэпщытэныгъэ Iуэхухэр ирагъэкIуэкIыу яубзыхуащ Бахъсэн районым щыщ, илъэс 32-рэ зи ныбжь, пIалъэкIэ Мэзкуу щыпсэу цIыхубзым зэрихьа хьэгъэщагъэр.

 ЕджапIэ нэхъыщхьэм щIэтIысхьэн мурадкIэ абы къигъэсэбэпащ гъунэгъу щIыналъэм курыт медицинэ IэщIагъэ щызригъэгъуэта хуэдэу зэрыт дипломыр.

Шэч зыхуащIым зэрыжиIамкIэ, дипломыр абы къыщищэхуащ Интернет сайтхэм язым, адэкIэ еджапIэ нэхъыщхьэм щIэтIысхьэн мурад иIэу.

Урысей Федерацэм Мэкъумэш хозяйствэмкIэ и министерствэм мэкъумэшыщIэхэм худэчых хэлъу лизингкIэ ярит ахъшэм хуэдитIым нэблагъэкIэ яхухигъэхъуэнущ 2025 гъэм. Ар щыжиIащ министр Лут Оксанэ «Зыуэ щыт Урысей»-м Къэрал программэхэмкIэ и комиссэм и зэIущIэм.

Даур Жэхьфар журналистщ, тхакIуэщ, Урысей Федерацэм щэнхабзэмкIэ щIыхь зиIэ и лэжьакIуэщ, Къэрэшей-Шэрджэсым щIыхь зиIэ и журналистщ, Совет Союзым и ТхакIуэхэм, Журналистхэм я зэгухьэныгъэхэм хэтащ. Езыр илъэс 94-рэ хъу дадэ жыджэрщ, абы щыщу илъэс 52-м газетым щылэжьащ.

Жэмыхъуэ Мадинэ МуIэед и пхъур Дзэлыкъуэ суд районым и суд участкэ №3-м и зэзыгъэкIуж хеящIэм и къулыкъум гъэувыным и IуэхукIэ
Къэбэрдей-Балъкъэр Республикэм и Парламентым и Унафэ

2024 гъэм и мазипщIым къриубыдэу Россельхознадзорым и щIыналъэ управленэу Кавказ Ищхъэрэм щыIэм къипщытащ Къабэрдей-Балъкъэрым хамэ къэралхэм яхуригъашэ нартыху жылапхъэу тонн мини 2,6-м фIагъ яIэр зыхуэдэр. 

Санкт-Петербург илъэс къэс щекIуэкI ЭкономикэмкIэ зэхуэсышхуэм я зым газет-журналхэр къыдэзыгъэкI хьэрычэтыщIэхэр щылэжьа зэIущIи хэтауэ къыщIэкIащ. Печатым елэжь IуэхущIапIэхэм я зэгухьэныгъэм и вице-президент Абов Евгений утыку кърихьат 2030 гъэ пщIондэ газетхэмрэ журналхэмрэ я Iуэхур зэрыхъунумрэ зэманым абыхэм зэхъуэкIыныгъэ яхилъхьэнухэмрэ ятеухуа къэпсэлъэныгъэр. Дауи, экономикэм епха зэхуэсышхуэм мыхьэнэ нэхъ зратар газетхэм къытехуэ тхыгъэхэракъым, атIэ абыхэм къалэжьыф ахъшэрщ.

Къэбэрдей тхакIуэ гъуэзэджэ Къардэн Бубэ  лIыгъэкIэ гъэнщIа гъащIэ гъуэгуанэ гъэщIэгъуэн къикIуащ, и IэдакъэщIэкI гъуэзэджэхэмкIэ лъэпкъ литературэмрэ щIэныгъэмрэ увыпIэ пыухыкIахэр щиубыдыныр хузэфIэкIащ. Абы и творческэ гъуэгуанэм тетхыхьыжащ филологие щIэныгъэхэмкIэ доктор ХьэкIуащэ Андрей.

ЩэкIуэгъуэм и 19, гъубж

♦Гъуэгухэм къыщыхъу насыпыншагъэхэм хэкIуэдахэр ягу къыщагъэкIыж дунейпсо махуэщ

♦ЦIыхухъухэм я дунейпсо махуэщ

♦Урысей Федерацэм и Ракетэдзэхэмрэ артиллериемрэ я махуэщ

♦1941 гъэм Налшык къалэм ЗыхъумэжыныгъэмкIэ и комитетым Къэбэрдей-Балъкъэр шу дивизэр къызэгъэпэщыным теухуа унафэ къищтащ.