Календарь событий

«ЩIэблэ узыншэ-2024» ведомствэхэм зэдай Iуэхум и ­етIуанэ Iыхьэм хыхьэу Урысей МВД-м Лэскэн районым щиIэ къудамэм и лэжьакIуэхэр, «Пэ­рыт­хэм я зэщIэхъееныгъэ» ­район жы­лагъуэ IэнатIэм и уна­фэщI Хьэмгъуокъу Тамарэрэ доху­тыр-нарколог Iэщнокъуэ ФатIимэрэ ягъусэу, Анзорей къуа­­жэм дэт еджапIитIым кIуэ­ри, школакIуэхэм яхуэзащ. 

Къэбэрдей-Балъкъэрым и Лъэпкъ музейм щагъэлъагъуэ КъБР-м и цIыхубэ художник, ХудожествэхэмкIэ Урысей Академием щIыхь зиIэ и академик, Урысейм и Абстракционистхэм (САБРОС), «Урысейм и сурэтыщIхэм я зэгухьэныгъэ» творческэ жылагъуэ ­союзхэм хэт Къанокъуэ Руслан и лэжьыгъэщIэхэр. «Творю от сердца и души» выставкэр траухуащ сурэтыщIыр къызэ­ралъхурэ илъэс 75-рэ зэры­рикъум. 

Урысей гвардием и управленэу КъБР-м щыIэм и пресс-IуэхущIапIэм и унафэщIым и къалэнхэр пIалъэкIэ зыгъэзащIэ, полицэм и майор Лыкъуэжь Маринэ «КъБР 1», «Къэбэрдей-Балъкъэр» республикэ телеканалхэм я журналистхэм ехъуэхъуащ Телевиденэм и дунейпсо махуэмкIэ.

Модельер-дизайнер цIэрыIуэ, «Институт культурного наследия и развития» лъэпкъ щэнхабзэ центрым и къызэгъэпэщакIуэ икIи и унафэщI Сэралъп Мадинэ ящыщщ лъэпкъыр зэ­рыгушхуэ, адыгэ гъуазджэмрэ щэнхабзэмрэ хэлъэ­хьэныгъэфI хуэзыщI ди цIыху цIэ­рыIуэхэм.

Бахъсэн къалэ администрацэм и унафэщI Мамхэгъ Хьэчим иджыблагъэ и деж щыIущIащ КъБР-м и Парламентым и депутат, УФ-м тхэквондомкIэ щIыхь зиIэ и тренер Ахъмэт Амир икIи ахэр тепсэлъыхьащ Олимп джэгухэм хыхьэ тхэквондо спорт лIэужьыгъуэм (ВТФ) щIыналъэм зыщегъэужьыным ехьэлIа Iуэхугъуэхэм.