|
|
Календарь событий
26 ноября 2024
26 ноября, 2024 - 14:42
Ди къуэш республикэм къэрал, политикэ, жылагъуэ лэжьакIуэ цIэрыIуэу, адыгэлI хэкупсэу, куэдым пщIэ хуащIу щыпсэу цIыху щыпкъэщ Дер Вячеслав. Абы и ныбжьыр мы гъэм илъэс 75-рэ ирикъуащ. ГъащIэ гъуэгуанэ кIыхь икIи купщIафIэ, Iуэхугъуэ зэмылIэужьыгъуэхэмкIэ гъэнщIа къызэринэкIащ, политикэ инымрэ хьэрычэт Iуэхушхуэхэмрэ я курыкупсэм хэтащ ар.
26 ноября, 2024 - 14:31
ЦIыхум ди гъащIэм щиIа мыхьэнэр, пщIэр, нэмысыр нэсу къыщыдгурыIуэр щыдимыIэжым дежщ, ди жагъуэ зэрыхъунщи. Апхуэдэ зы адыгэлIщ мы тхыгъэр зытеухуари, си гугъэщ ар зыцIыхуахэр акъылэгъу къыздэхъуну. Пэжщ, кIуэ пэтми абыхэм я бжыгъэм хощI. Апхуэдэу щымытамэ, куэд згъуэтынут нэхъыбэу зыцIыхуахэри псалъэ гуапэ мымащIэ жызыIэни. Творческэ лэжьыгъэ къулей, щIыхь лъагэ, Iущагъэ, цIыхугъэ ин зыхэлъа нэхъыжь Iумахуэм нэсу, гугъэзагъэу утетхыхьыныр зэрыгугъур зым и дежкIи щэхуу къыщIэкIынкъым.
26 ноября, 2024 - 13:11
ЕгъэджакIуэр сабийм и ущиякIуэ къудейкъым, ар абы сыт и лъэныкъуэкIи и щапхъэщ. Абы къыхэкIыу а IэщIагъэр къыхэзыхым къыгурыIуэн хуейщ щIэблэр щIэныгъэм дригъэхьэхыным и мызакъуэу, и гъэсэныгъэми зэрыхуэсакъыпхъэр.
26 ноября, 2024 - 12:26
Адыгэ литературэм и классик ЩоджэнцIыкIу Алий къызэралъхурэ илъэси 100 зэрырикъур гъэлъэпIэным теухуа тхыгъэ куэд «Адыгэ псалъэм» къытридзауэ щытащ 2000 гъэм. Газетым и лэжьакIуэхэм тлъэкI къэдгъэнатэкъым ди тхакIуэ щэджащэм и гъащIэм и къекIуэкIыкIар сыт хуэдэ лъэныкъуэкIи къэдгъэлъэгъуэжын папщIэ, ар зыцIыхуу щыта, пыщIэныгъэ хузиIа цIыхухэр къэтлъыхъуэжрэ къэдгъэпсалъэу, я гукъэкIыжхэмкIэ ди газетеджэхэм ядэдгъэгуашэу. Сэри згъэхьэзырат тхыгъэ зыбжанэ.
26 ноября, 2024 - 11:18
Ростов щIыналъэм хыхьэ Таганрог (Щэрау) къалэм иджыблагъэ щекIуэкIащ ЦIыху зэрымыс кхъухьлъатэ Iэмэпсымэхэр зэрагъэлажьэ программэхэр зэхэгъэувэнымкIэ «Аэробот–2024» V Урысейпсо зэхьэзэхуэхэр. Абы къыщыхэжаныкIа гупитхум ящыщщ Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым икIа ныбжьыщIэ гупри.
26 ноября, 2024 - 10:01
ЩэкIуэгъуэм и 26, гъубж
Информацэм и дунейпсо махуэщ
ВакъащIэм и дунейпсо махуэщ
1832 гъэм къызэрагъэпэщащ Урысейм IэщэкIэ ЗэщIэузэда и Къарухэм я Штаб Нэхъыщхьэм и Дзэ академиер.
1941 гъэм къалъхуащ физико-математикэ щIэныгъэхэмкIэ доктор, профессор, ЩIДАА-м и академик Къумахуэ Мурадин.
1952 гъэм къалъхуащ КъШР-м щIыхь зиIэ и художник Хьэгъундокъуэ Мухьэмэд.
26 ноября, 2024 - 09:00
Къэбэрдей литературэм и классик ЩоджэнцIыкIу Алий и творчествэр куууэ иджащ филологие щIэныгъэхэмкIэ доктор, профессор ХьэкIуащэ Андрей. Абы и къалэмыпэм къыщIэкIащ тхакIуэ щэджащэм и гъащIэ гъуэгуанэм техуа къэхутэныгъэ лэжьыгъэ купщIафIэ куэд.
|
