Календарь событий

Къэбэрдей-Балъкъэрым и Iэтащхьэр лэжьы­гъэ IуэхукIэ хуэзащ республи­-кэм лъэпкъ Iуэхухэмрэ жылагъуэ проектхэмкIэ и министр КIурашын Анзор.

КIуэкIуэ Казбекрэ республикэм щIыуэпс хъу­гъуэфIыгъуэхэмрэ экологиемкIэ и министр Шаваев Ильясрэ тепсэлъыхьащ «Мэзхэр хъумэн», «Псы ­хъумапIэ телъыджэхэр ­хъумэн» къэрал проектыр щIыналъэм зэрыщагъэ­защIэм.

Аруан район ­ад­министрацэм и унафэщIым и къалэнхэр пIалъэкIэ зыгъэзащIэ ЛIыжьыкъуэ Хьэзритрэ КъБР-м и Iэтащхьэ КIуэкIуэ Казбекрэ лэжьыгъэ IуэхукIэ зэ­хуэзащ. Ахэр тепсэлъыхьащ щIыналъэм и социально-­экономикэ щытыкIэм адэкIэ иIэну зыужьыныгъэхэр ­зы­хуэдэм. Псалъэмакъыр къыщIадзащ псэукIэр егъэ­фIэкIуэнымкIэ ягъэзэщIа проектхэм кърикIуахэмкIэ.

Къэбэрдей-Балъкъэрым и Журналистхэм я зэгухьэныгъэм къызэригъэпэщри, Налшык Печатым и унэм щылэжьащ Журналист ныбжьыщIэм и еджапIэ. Егъэджэныгъэм хэтащ ди республикэм и щIыналъэ зэхуэмыдэхэм ­къикIа цIыху    20-м щIигъу - школа­кIуэ­хэри, студентхэри, IэнатIэ щхьэ­хуэхэм пэрытхэри. 

КъБР-м ПечатымкIэ и унэм щызэхэтащ Урысейм и Журналистхэм я зэгухьэныгъэм и Къэбэрдей-Балъкъэр къудамэм къызэригъэпэща «Жур­налист ныбжьыщIэм и еджапIэ» мазищым щIигъукIэ щрагъэджахэр щызэхуашэса зэIущIэ. 

КъБР-м и Iэтащхьэ КIуэкIуэ Казбек хуэзащ республикэм егъэджэныгъэмрэ щIэныгъэмкIэ и министр Езауэ Анзоррэ щIалэгъуалэм я IуэхухэмкIэ министр Лу Азэмэтрэ. 

Хэку зауэшхуэм ТекIуэныгъэ Иныр къызэ­ры­щытхьрэ илъэс 80 зэрырикъур мы гъэм къэралым игъэлъэпIэнущ. Абы ипкъ иткIэ, Урысей Федерацэм и Президент Путин Владимир 2025 гъэр Хэкум и хъумакIуэм и илъэсу игъэуващ. ЛIыхъужьхэм я фэеплъыр хъумэным, дзэ Iуэху хэхам хэтхэм хуэфащэ пщIэ яхуэщIыным гулъытэ хэха иIэнущ. А псоми, шэч хэмылъу, лъабжьэ яхуэхъунур ди цIыхубэр сыт щыгъуи зэкъуэту, Хэкум хуэпэжу къызэрыгъуэгурыкIуам нобэрей щIэблэр щIэпIыкIынырщ, ахэр хэкупсэу, я тхыдэр ящIэу къэгъэхъунырщ. 

Зэчий зыбгъэдэлъ цIыхум и лэжьыгъэр гъэщIэгъуэн куэду уи пащхьэ кърехьэф. Апхуэдэщ «Адыгэ псалъэ» газетым и сурэттех Къарей Элинэ.