|
Календарь событий
16 января 2025
16 января, 2025 - 18:39
Да Винчи Леонардэ дуней псом и зэфIэкIыр къыщалъытэу, и пщIэр щылъагэу лIэщIыгъуэхэм къапхрыкIащ, дяпэкIи абы и вагъуэр зэрымыужьыхынур хьэкъщ. Сыту жыпIэмэ – генийщ, апхуэдэ цIыхум сыт хуэдэ зэманми гулъытэ хуащIу хабзэщи. Псом хуэмыдэу адыгэр дрогушхуэ а цIыху щэджащэм и зэфIэкIым, сыт щхьэкIэ жыпIэмэ ди лъэпкъми пыщIэныгъэ хуиIэу къыщIэкIащи. Италием и сурэтыщI цIэрыIуэм и анэр адыгэщ! Фи пащхьэ идолъхьэ Да Винчи Леонардэ фIы дыдэу къехъулIа Iуэтэж кIэщIхэм ящыщ зыбжанэ. Ахэр зэридзэкIащ тхакIуэ Хьэту Пётр.
ЖакIэупс жан
16 января, 2025 - 16:29
Адыгэм махъсымэр ижь-ижьыж лъандэрэ егъавэ. Ар хьэщIэ лъапIэхэм хуаIэт, хьэгъуэлIыгъуэр, гуфIэгъуэ дауэдапщэхэр зэрагъэбжьыфIэ фадэ лIэужьыгъуэщ.
16 января, 2025 - 16:20
ЩIэблэм я гъэсэныгъэмкIэ сэбэп мэхъу сабий джэгукIэхэр. Адыгэм и сабий джэгукIэхэм цIыкIухэр гупсысэу ирагъасэ, я Iэпкълъэпкъыр зэщIагъэкI, хэлъэтыми хуагъасэ. ДжэгукIэхэр къагупсысащ щIыуэпсым и «хьэлхэр» къегъэщIылIауэ, псэущхьэхэм я хьилагъэр, я псынщIагъэр, я жанагъыр къыщыгъэсэбэпауэ. Щапхъэу къэдгъэлъагъуэ сабий джэгукIэ зыбжанэр зытхыжар МАФIЭДЗ Сэрэбийщ.
Зу-зу, баринэ
16 января, 2025 - 15:55
Гугъуэт-Иуан Бэллэ IэпэIэсэщ. Бзылъхугъэр Къэбэрдей-Балъкъэр къэрал университетым географием щыхуеджащ, IэпэIэсэным езым зыхуигъэсэжауэ аращ. Университетым ехъулIэныгъэхэр къыщигъэлъагъуэу еджа пэтми, и IэщIагъэм зэи ирилэжьакъым. Эпоксид сагъызым къыхещIыкI хьэпшып цIыкIуфэкIу гъэщIэгъуэнхэр. Абы нэмыщI, къэлътмакъ зэрыхъахэр и IэдакъэщIэкIщ. Куэду сэбэп къыхуэхъуащ щыцIыкIум и анэшхуитIым зыхуагъэсауэ щытахэр.
16 января, 2025 - 14:54
Алхъо жылэкIэ зэджэу щыта къуажэшхуэм (иджы Курп Ищхъэрэ) къыщалъхуа КIэрашэ Михаил жылэм я псэукIэу, цIыхухэм я зэхущытыкIэу щытам теухуа куэд итхыжащ. Абыхэм ящыщщ мы зи гугъу фхуэтщI хъыбарыр.
16 января, 2025 - 14:23
УэрэджыIакIуэ, «Синдей» ансамблым и къызэгъэпэщакIуэ, тхакIуэ ПащIэ Ленэ илъэс бжыгъэ дахэ ирокъу.
16 января, 2025 - 13:52
6-нэ Iыхьэ
Зэманыр здынэсам сеплъынщ, жысIэри си нэр зэтесхащ. Зыкъэсплъыхьри, пэш нэху гуэрым си закъуэ фIэкI нэгъуэщI зыри щIэлътэкъым. Си ижьырабгъумкIэ щыт Iэнэм си Iэпщэ сыхьэт цIыкIур телъу, абы и кIуэ макъым симыгъэпсэууэ арат. Иорданым и сымаджэщым зигъафIэу щIэмылъам сытыр и махуэ?! Хьа! Сыту жыжьэ щыIэт си лъагъуныгъэм и гъунапкъэхэр! Сэ сымаджэщхэр зэщIэзгъэхьэну сыкъэкIуауэ аратэкъым, сыкъыщIэкIуари сIэщIэкIыпащ.
16 января, 2025 - 12:26
ЦIыхум зыщыпсэу ЩIыр зэрыхуримыкъужрэ куэд щIащ. Пэжщ, зэкIэ нэсыфыркъым, ауэ кIэи пэи зимыIэ хьэршым хуоIэ, и лъэр абы щигъэбыдэну мураду зыхуигъэувыжащ. Ауэ яку дэлъ зэгурымыIуэныгъэхэм я зэранкIэ къэрал нэхъ лъэщхэм я къарур мыбдеж щызэщIагъэуIуэркъым: дэтхэнэри хущIокъу езым нэхъыбэ щызригъэхъулIэну, апхуэдэу щыщыткIэ, нэхъ фейдэшхуэ щызыIэригъэхьэну. ЖытIам и щапхъэ закъуэщ I963 гъэм, США-м и президент Кеннеди Джон яукIыным куэд имыIэжу, СССР-м и Iэтащхьэ Хрущев Никитэ абы Мазэм цIыхухэр зэгъусэу ягъэлъэтэну хуигъэлъэгъуауэ зэрыщытар.
16 января, 2025 - 11:18
ЩIышылэм и 16, махуэку
1922 гъэм Балъкъэрыр Горскэ АССР-м къыхэкIащ икIи Къэбэрдей-Балъкъэр автоном областыр РСФСР-м хэту къэхъуащ.
1929 гъэм къалъхуащ УФ-м и ЛIыхъужь, СССР-м щIыхь зиIэ и кхъухьлъатэзехуэ-къэхутакIуэ Мэзэхъу Владимир.
1932 гъэм къалъхуащ биологие щIэныгъэхэмкIэ доктор, КъБКъУ-м и профессор, КъБР-м, УФ-м щIэныгъэхэмкIэ щIыхь зиIэ я лэжьакIуэ, Урысейм ЩIэныгъэхэмкIэ и Академием и член-корреспондент Тембот Аслъэнбий.
16 января, 2025 - 10:01
И хэкум, къыдалъхуахэм лъагъуныгъэ къабзэ хузи1а тхак1уэ пэрытхэм ящыщщ Къуэдзокъуэ Лэкъумэн. И адэжь хэкум и зыужьыныгъэм, и лъэпкъэгъухэм я къэкIуэным псэемыблэжу зэрытелэжьар наIуэ къыпщащI гъэпцIагъэкIэ бгырысхэр Тыркум изышхэм бэнэныгъэ ерыщ зэрадригъэкIуэкIами, а Iуэхум теухуауэ мызэрэ-мытIэу Кавказым и унафэщIхэм яхуитха и лъэIу тхыгъэхэми.
16 января, 2025 - 10:01
Республикэм узыншагъэр хъумэнымкIэ и IэнатIэм и IэщIагъэлI пашэхэм ящыщащ Жылэ Исмэхьил Хьэту и къуэр. Зыпэрыта дэтхэнэ лэжьыгъэри жэуаплыныгъэшхуэ пылъу ирихьэкIащ абы, и зэфIэкIми и цIэр фIыкIэ игъэIуащ. Iэзагъышхуэрэ цIыхугъэшхуэрэ зыхэлъа дохутырыр зэгуэр игъэхъужахэми зыхэта гупми, шэч хэмылъу, фIыкIэ ягу къинащ. ЦIыху гуапэт, гулъытэ иIэт, гущIэгъу хэлът, хузэфIэкIымкIэ псоми дэIэпыкъуэгъу яхуэхъунут. ПщIэрэ щIыхьрэ зыпылъ гъащIэ гъуэгуанэ купщIафIэ къызэринэкIащ Жылэм.
|