|
|
Календарь событий
22 января 2025
22 января, 2025 - 16:31
Зи Iэужьыр мыкIуэдыжыну лъэпкъ литературэм къыхэнахэм ящыщщ Сокъур Мусэрбий. Ар зэрыусакIуэ гъуэзэджэм къищынэмыщIауэ, тхыгъэм и купщIэр, абы и зэхэлъыкIэр фIыуэ зыхэзыщIэ критик Iэзэт ар. Абы и лъэныкъуэкIэ иригъэкIуэкIа лэжьыгъэм теухуащ Къэжэр Хьэмид и тхыгъэр.
«Сокъурым и IэдакъэщIэкI дэтхэнэми хэплъагъуэрт абы нэщэнэ хуэхъуа хьэлыр: япэкIэ плъэныр, иджыри жамыIар, зыми гу зылъимытар къэхутэныр.
22 января, 2025 - 16:00
КъБР-м и Музыкэ театрым щIышылэм и 16-м щекIуэкIащ «СВОих не бросаем» концертыр, мамыр гъащIэм щIэбэн щIалэхэмрэ абыхэм я унагъуэхэм ядэIэпыкъун папщIэ къызэрагъэпэщар. КъБР-м и Iэтащхьэ КIуэкIуэ Казбек я дэIэпыкъуэгъуу, ар къызэрагъэпэщащ Хэкум и зауэлIхэм я унагъуэхэм я комитетыр къызэрыунэхурэ илъэситI зэрырикъум и щIыхькIэ. Концертыр ирагъэкIуэкIащ Берд Хьэмидрэ Лыкъуэжь Маринэрэ.
22 января, 2025 - 15:55
Алэрыбгъу щIыным цIыхур елэжьын щIидзауэ къалъытэ илъэс мини 4 нэблагъэ и пэкIэ. Цыпэ зытет алэрыбгъухэм Азие Курытым, Китайм, Персым, Щамым и ищхъэрэ лъэныкъуэм ди эрэм и пэкIэ II – III лIэщIыгъуэхэм зыщрагъэужьат. Къэбгъэлъагъуэмэ, алэрыбгъухэр лъэпкъ Iэпхъуэшапхъуэхэм япэу яIэ хъуащ. Абы щыхьэт техъуэ Iуэхугъуэ 1949 гъэм къаIэрыхьауэ щытащ. Урыс археолог Руденкэ Сергей Сыбыр бгыхэм къэхутэныгъэхэр щригъэкIуэкIыу къыщIигъэщыжат къыщыщIа щIагъуэ щымыIэу фIыуэ къызэтена алэрыбгъу. Абы и ныбжьыр, зэрыхуагъэфащэмкIэ, илъэс мини 2,5-рэ мэхъу.
22 января, 2025 - 15:27
Совет скульптор Вучетич Евгений илъэс щэ ныкъуэ хуэдиз тригъэкIуэдащ монумент гъуазджэм. СССР-м и цIыхубэ сурэтыщI, Сталиным и саугъэтым тхуэнейрэ и лауреат, Лениным и саугъэтыр зыхуагъэфэщауэ щыта сурэтыщIым скульптурэ 40 хуэдиз и Iэдакъэм къыщIэкIащ – Урысей империем и фельдмаршалхэм я теплъэр къэгъэщIыным щегъэжьауэ Совет армэм и дзэзешэхэм я деж щыщIэкIыжу. Вучетич и лэжьыгъэ нэхъ цIэрыIуэ дыдэхэм ящыщщ Мамай и Iуащхьэм тет фэеплъ зэхэтыр, ЗауэлI-хуитщIыжакIуэм и фэеплъу Берлин щагъэувар, «Джатэр лэжьыгъэм хуэдгъэпсыжу» зыфIищауэ Нью-Йорк дэтыр, ООН-м и IуэхущIапIэм деж.
22 января, 2025 - 14:55
ЩIышылэм и 22, бэрэжьей
УФ-м и ПВО-м и кхъухьлъатэдзэхэм я махуэщ
Нартыху гъэпIэнкIам и махуэщ
1517 гъэм мысыр шэрджэс мамлюкхэмрэ тыркудзэмрэ Каир пэмыжыжьэу зэзэуэн щыщIадзащ.
1943 гъэм Къэрэшей-Шэрджэс Республикэм и щIыналъэр нэмыцэ зэрыпхъуакIуэхэм къыIэщIагъэкIыжащ.
1937 гъэм къалъхуащ КъБКъУ-м и библиотекэм и унафэщIу щыта, КъБР-м щэнхабзэмкIэ щIыхь зиIэ и лэжьакIуэ УнащIэ Розэ.
22 января, 2025 - 13:44
Къэбэрдей-Балъкъэрым и Перинатальнэ центрым иджыблагъэ къыщрагъэлащ мылъхуэсу дунейм къыщытехьа сабий цIыкIуитI. Ныбэм зэрилърэ тхьэмахуэ 25-рэ, 26-рэ фIэкIа мыхъуауэ дунейм къитехьат цIыкIуитI, грамм 480-рэ, 490-рэ фIэкIаи я мыхьэлъагъхэу. Ахэр езыхэр бэуэфыртэкъым, шхэфыртэкъым, я температурэхэри яхуэIыгъыжыртэкъым.
А псори зэтрагъэувэжу, дунейм къытехьа цIыкIуитIыр ди дохутырхэм кърагъэлыну къапэщылъащ икIи къалъхуагъащIэхэм мазитI нейкIэ я нэIэ трамыгъэкIыу ахэр якIэлъыплъащ икIи щытыкIэ гугъум тIури кърашащ.
22 января, 2025 - 13:18
Къэбэрдей-Балъкъэрымрэ Къэзахъстанымрэ кикбоксингымкIэ я спортсменхэм я еджэныгъэ-зыгъэсэныгъэ зэхуэс Налшык къалэм щекIуэкIащ. Ди республикэм щыщу абы хэтащ Налшык, Нарткъалэ, къалэхэм Щхьэлыкъуэ, Джэрмэншык, Анзорей къуажэхэм щыщ спортсмени I60-рэ, я ныбжькIэ илъэс I2-м щегъэжьауэ 20-м нэсыху къызэщIаубыдэу. Къэзахъстаным цIыху 20 къикIат, тренерищ я гъусэу.
22 января, 2025 - 13:06
Спорт хъыбархэр
Налшык къалэм и «Спартак» стадионым щекIуэкIащ Къэбэрдей-Балъкъэрым дзюдомкIэ пашэныгъэр къыщыхьыным хуэунэтIа зэхьэзэхуэ. Абы хэтащ республикэм и щIыналъэхэм я бэнакIуэхэр, я ныбжькIэ илъэс 23-м щIимыгъуауэ.
Зэхьэзэхуэр къызэрыхах зэIущIэу щытащ икIи абы къыщыхэжаныкIахэм Iэмал ягъуэтащ Кавказ Ищхъэрэм дзюдомкIэ пашэныгъэр къыщыхьыным хуэунэтIауэ мы гъэм мазаем Ставрополь къалэм щызэхэтыну зэпеуэм кIуэну.
22 января, 2025 - 12:26
Къаныкъуэ Анфисэ и журналист лэжьыгъэм газетымкIи телевидениемкIи цIыхухэр щигъэгъуэзэну хунэсащ илъэс I7-м къриубыдэу. Иджы ар романхэр зытх тхакIуэ балигъщ. НыбжькIэ жыжьэ нэмысами, акъыл балигъкIэ гупсысэ, щIэныгъэм хуэнэхъуеиншэ цIыху зэчиифIэщ. Къаныкъуэр тхакIуэ къудейуэ пхужыIэнукъым, атIэ къэхутакIуэщ. Зытетхыхьри, иджырей зэманкъым, атIэ лIэщIыгъуэ бжыгъэкIэ зэIэбэкIыжурэ къызыхэкIа лъэпкъым и тхыдэр къэзытIэщыж, и шыфэлIыфэр набдзэгубдзаплъэу зэфIэзыгъэувэж цIыху акъылыфIэщ.
22 января, 2025 - 12:00
1815 гъэм Сыбырым къыщалъхуа Ершов Пётр мазаем и 22-м илъэс 2I0-рэ ирикъунущ. Литературэм ар зэрыщыцIэрыIуэр усэкIэ тха «Конёк-горбунок» псысэмкIэщ.
|
