Календарь событий

ЩIышылэм и 25-р студентхэм я махуэщ. Абы ирихьэлIэу илъэс къэс ирагъэкIуэкI «Студент десант» урысейпсо ак­-     цэр. КъБР-м щыIэ Урысей   МВД-м и къалэ, район къудамэхэм апхуэдэ Iуэхухэр школакIуэхэм, студентхэм папщIэ къызэрагъэпэщащ. 

Къэбэрдей-Балъкъэрым ЕгъэджэныгъэмкIэ и ми­нис­терст­вэм и нэIэ зытет, Налшык къалэ дэт ГъуазджэмкIэ сабийхэм я уардэунэм ныбжьыщIэхэм лъэныкъуэ зэ­хуэ­мыдэхэм нэхъ тегъэщIауэ пэщIэдзэ, курыт щIэныгъэ егъэгъуэтынымкIэ лэжьыгъэшхуэ щрагъэкIуэкI, я зэ­фIэкIыр щагъэлъагъуэ гупжьей щхьэхуэхэр къыщызэрагъэпэщ, зэпеуэ гъэщIэгъуэнхэр щызэхашэ. 

УФ-м щIыхь зиIэ и сурэтыщI, КъБР-м и цIыхубэ художник,  ХудожествэхэмкIэ Урысей Академием хэт, Санкт-Петербург щыпсэу икIи щылажьэ ди ­хэкуэгъу сурэтыщI цIэрыIуэ Сэв­кIуий Хьэмид и лэжьыгъэ­хэр щагъэлъагъуэ Художес­т­вэ­хэмкIэ Урысей Академием. «Гу» зыфIаща выставкэмкIэ зэхуа­щIыж художникыр илъэс 60 зэрырикъум и щIыхькIэ къызэ­ра­гъэпэща Iуэхухэр. Абы ехьэ­лIауэ зэхыхьэ гъэщIэгъуэнхэр Налшыки щекIуэкIауэ щытащ.

Къэбэрдей-Балъкъэрым боксымкIэ пашэныгъэр къы­щы­хьыным хуэунэтIа зэхьэзэхуэ Кэнжэ къуажэм щекIуэкIащ. Абы хэтащ республикэм и спортсмени 100, я ныбжькIэ илъэс 15 - 16-хэм щIимыгъуауэ.

ЩыIэщ лъэпкъылIхэр, я ­Iуэ­ху­щIафэкIэ, псэлъэкIэкIэ, дуней тетыкIэкIэ, хьэл-щэнкIэ «уей-уей адыгэ» жригъэIэу, ахэр къыбдалъагъуныр щIыхьу, уи пщIэр яIэту. Абыхэм ящыщщ Шурдым Борис. Зи ныбжьыр нобэ илъэс 80 ирикъу а лIы щыпкъэм и цIэр зэ­хэзымыха щIагъуэ ису къы­щIэ­кIынкъым Къэбэрдей-Балъ­къэ­рым. Зы­гуэ­рым хьэщIэ лъапIэ къы­хуеблэгъамэ, абыхэм бгъэ­да­гъэ­сыну япэу ираджэ нэхъы­жьыфI­хэм ящыщщ ар. Тхыдэ, медицинэ, щэнхабзэ, ­гъуазджэ жыпIэми, купщIафIэу къыбдэуэршэрыфыну щIэныгъэкIэ зэщIэузэдащ.