Календарь событий

Алыдж-урым  бэнэкIэ

Тэрч районым хыхьэ Плановскэ къуажэм и физкультурэ-узыншагъэр щрагъэфIакIуэ комплексым ныбжьыщIэхэм щра­гъэ­кIуэкIащ алыдж-урым бэнэкIэмкIэ щIыналъэ зэIуха зэ­хьэзэхуэ. Ар фэеплъ хуащIащ мы куейм щыщу япэ дыдэу ­СССР-м спортымкIэ и мастер хъуа Къаир Руслан.

Тхьэкъуахъуэ  Мухьэмэд:

Хэкум и хъумакIуэм и махуэм и щIыхькIэ Бахъсэн къалэ округым Iуэху дахэ ще­кIуэкIащ. «Пэрытхэм я зэщIэхъееныгъэ» ­зэгухьэныгъэм районым щыIэ и къудамэм хэтхэм ящыщу зи ныбжьыр илъэс 14 ири­къуахэм иратыжащ къэралым и дэфтэр нэхъыщхьэр - УФ-м и паспортыр. Ар къызэрагъэпэщащ «Дэ Урысейм дрицIыхущ» къы­хуеджэныгъэм щIэту. БалигъыпIэ иувахэм пас­портхэр щратыжа зэIущIэм зыкърагъэхьэлIащ Бахъсэн къалэ округым и администрацэм, егъэджэныгъэмкIэ департаментым я лэжьакIуэхэм, егъэджакIуэхэм, адэ-анэхэм, журналистхэм. 

- Уэ ухьэрычэтыщIэ?
- Хьэуэ. Сэ сыанэщ, пенсэм сыщысщ.
Тырныауз къалэм щыщ ХьэвцIыкIу ФатIимэ дедгъэкIуэкI псалъэмакъыр гугъуу ежьащ япэщIыкIэ - ар хуейтэкъым илэжь псапэр хэIущIыIу ищIыну. ИкIи къыдэпсэлъэну арэзы щы­хъуар, езым дытемыпсэлъыхьу, дзэ Iуэху хэхам хэтхэмрэ СВО-р щекIуэкI щIыналъэхэм щыпсэухэмрэ ядэIэ­пыкъу гупхэм я гугъу нэхъыбэу тщIыну къэдгъэгугъа иужькIэщ. А гупхэм зэреджэри гъэ­щIэгъуэнщ - «IуэхуфI лэжь, Тыр­ныауз», «IуэхуфI лэжь, Зеикъуэ»… 

Урысейм и суд приставхэм я федеральнэ къулыкъум  и управленэу КъБР-м щыIэм и лэжьакIуэхэр Хэкум и ­хъумакIуэм и махуэм ипэ къихуэу щыIащ Налшык къалэм дэт жьы  хъуахэмрэ ныкъуэдыкъуэхэмрэ щакIэлъыплъ унэ-интернатым. Абы иджыпсту щопсэу зи ныбжь хэкIуэтауэ цIыхуи 140-м ­щIигъу. Ахэр гуапэу икIи къащыгуфIыкIыу къаIуощIэ хьэщIапIэ яхуэкIуэхэм.