Календарь событий

Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым иджыблагъэ зэIущIэ щхьэпэ щекIуэкIащ «Хэкур дэращ» къэралпсо пэхуэщIэм ипкъ иткIэ.

«Родная игрушка» урысейпсо зэпеуэр къызэрагъэпэщащ «ЩIэныгъэ», «Пашэхэм я зэщIэхъееныгъэ» урысей зэгухьэныгъэхэм. Урысейм щыщу зэрыджэгу хьэпшыпхэр къыщIэзыгъэкIхэм я хьэрычэт Iуэхур ядэIыгъыным, нэхъыщхьэжращи, щIэблэм къэралым къыщыщIагъэкIа зэрыджэгу хьэпшыпхэр яIэным, дихьэхыным хухэха зэпеуэм и япэ Iыхьэм кърикIуахэр иджыблагъэ къапщытащ.

2024 гъэм Шэджэм щIыналъэм и бюджет зэхэтым ахъшэу ягъэкIуар сом меларди 2-м щIигъуащ икIи ар процент 25-кIэ нэхъыбэщ абы ипэ ита илъэсым яхузэфIэкIам нэхърэ. Апхуэдэу щыхъукIи, районым езым и хэхъуэр сом мелуан 816,7-рэ хъуащ.

2023 гъэм елъытауэ налогымрэ налогым хэмыхьэ ахъшэу къыхахыну илъэс блэкIам ятелъа къалэным хуэдищкIэ щIрагъэгъуащ нэгъабэ икIи ар сом мелуани 190-м щIигъуащ.

Къэбэрдей-Балъкъэрым хьэрычэт щIэн Iуэхум ехьэлIауэ щыIэ Iэмалхэр егъэфIэкIуэнымкIэ нэгъабэ зыхуагъэувэжа къалэнхэр ягъэзэщIащ.

Къэбэрдей-Балъкъэр Республикэм и Iэтащхьэм 2021 гъэм щэкIуэгъуэм и 29-м «Къэбэрдей-Балъкъэр Республикэм и Iэтащхьэм и деж ЩIалэгъуалэ политикэмкIэ щыIэ советым и IуэхукIэ» къыдигъэкIа Указ №129-УГ-м зэхъуэкIыныгъэ хэлъхьэным теухуауэ
Къэбэрдей-Балъкъэр Республикэм и Iэтащхьэм и Указ

2025 гъэм Къэбэрдей-Балъкъэр Республикэм мафIэсхэр къыщыхъунымкIэ шынагъуэ щыщыIэ лъэхъэнэм  жылэхэу, сабийхэм зыщагъэпсэху, я узыншагъэр къыщагъэрэщIэж щIыналъэхэу, жыг хадэхэмрэ хадэхэкIхэр щагъэкI щIыналъэхэу, мэзым къыщыхъу мафIэсхэр, нэгъуэщI щIыпIэ (щIыуэпс) мафIэсхэр къалъэIэсынымкIэ шынагъуэ здэщыIэхэр убзыхуным теухуауэ

Къэбэрдей-Балъкъэр Республикэм и Правительствэм и Унафэ
2025 гъэм гъатхэпэм и 18-м             Налшык къалэ           №30-ПП

Къэбэрдей-Балъкъэрым и школхэм гулъытэшхуэ щыхуащI щIалэгъуалэм ди блэкIар ирагъэщIэным, Хэкум хуэпэжу икIи фIыуэ ялъагъуу къагъэхъуным. Апхуэдэ лэжьыгъэм къытхутопсэлъыхь Налшык къалэм и курыт еджапIэ № 5-м и унафэщIым гъэсэныгъэ лэжьыгъэмкIэ и чэнджэщэгъу Гъут Iэсият:

Республикэм и хьэщIэ лъапIэхэ!

КъБР-м и Къэрал макъамэ театрым мэлыжьыхьым и 1-м къыщызэIуахынущ «Зэныбжьэгъухэр зэхуонэщхъыфIэ» комедие жанрым и джэгуакIуэхэр зыхэт, Урысей Федерацэм и цIыхубэ артистхэу ТIыхъужь Алийрэ ДыщэкI КIунэрэ я цIэхэр зезыхьэ Кавказ Ищхъэрэпсо театр фестиваль-зыкъэгъэлъэгъуэныгъэр.

Адыгэ тхыбзэм и махуэшхуэр ягъэлъапIэу ди республикэм тхьэмахуэ блэкIам къыщапщытэжащ екIуэкIа мазэ лэжьыгъэм кърикIуахэр. ДэнэкIи хуэдэу, Iуэхугъуэ дахэ куэд щрагъэкIуэкIащ Аруан щIыналъэми. Жылагъуэм мыхьэнэшхуэ щызиIэ а махуэщI лъапIэм щIыпIэ унафэщIхэми гулъытэ хэха хуащIащ. Аруан щIыналъэ администрацэм и Iэтащхьэм и къалэнхэр зыгъэзащIэ ЛIыжьыкъуэ Хьэзрит махуэшхуэм ирихьэлIэу яхуэзащ районым лъэпкъыбзэмрэ литературэмрэ щезыгъэдж лэжьакIуэ пэрытхэм.

Налшык къалэ дэт, Тхьэзэплъыж ТIулэ и цIэр зезыхьэ, Дзэ узыфэхэм щеIэзэ республикэ поликлиникэм иIэ мыхьэнэр къыпхуэмылъытэным хуэдизщ. Абы сыт щыгъуи цIыхушхуэ щызэблокI - хэти и дзэ узыр Iуригъэчыну, хэти иригъэдыжыну, хэти Iуригъэлъхьэну. Налшык и закъуэкъым - Къэбэрдей-Балъкъэрым и къалэхэм, къуажэхэм къикIыурэ Iэджэ къокIуэ, дохутыр Iэзэхэр, цIыху Iэпэ щабэхэр абы зэрыщыIэм и хъыбар зэхахауэ. Сэри мызэ-мытIэу щыхьэт сытехъуащ а хъыбарым лъабжьэ зэриIэм.

Мэлыжьыхьым и 1, гъубж

♦Къуалэбзухэм я дунейпсо махуэщ

♦Ауанымрэ дыхьэшхымрэ я махуэщ

♦1930 гъэм къалъхуащ уэрэджыIакIуэ, Адыгэ Республикэм и цIыхубэ артисткэ Щауэжь Розэ.

♦1937 гъэм къалъхуащ Социалист Лэжьыгъэм и ЛIыхъужь, РСФСР-м щIыхь зиIэ и механизатор Дадэ ХьэмытIэ.