|
|
Календарь событий
24 апреля 2025
24 апреля, 2025 - 16:13
Тхылъ еджэн и хьэлу, Шекспир Уильям (1564 - 1616) и цIэр нэгъуэщI мыхъуми зэ зэхэзымыха щыIэ къыщIэкIынкъым. Инджылызыбзэм и къарури и пщIэри къэзылэжьа усакIуэр икIи драматургыр дунейм щытетар лIэщIыгъуэ щиплI ипэкIэщ, ауэ щыхъукIэ, дуней хъурейм театру тетым абы зэхилъхьа пьесэхэм нэхърэ нэхъыбэрэ щагъэув щымыIэу жаIэ.
24 апреля, 2025 - 16:08
Къэбэрдей-Балъкъэр Республикэм и Iэтащхьэм оркестр IэмэпсымэхэмкIэ Iэзагъ лъагэм лъэIэса, музыкант ныбжьыщIэхэм-гъэзэщIакIуэхэм папщIэ игъэува стипендиехэр 2025 гъэм яхуэгъэувыным и IуэхукIэ
Къэбэрдей-Балъкъэр Республикэм и Iэтащхьэм и Указ
24 апреля, 2025 - 15:12
Нэгъабэ Къэбэрдей-Балъкъэрым къыщрахьэлIэжащ мэракIуэ лIэужьыгъуэу тонн мини 6,8-м нэблагъэ икIи абы ипэ ита илъэсым яхузэфIэкIам нэхърэ проценти 4-м нэблагъэкIэ ар нэхъыбэщ, къитащ Росстатым иджыблагъэ.
Къыхэдгъэщынщи, мэракIуэ лIэужьыгъуэу къыпачыжам я нэхъыбэр къыщагъэкIар республикэм и унагъуэхэрщ – тонн мини 4,85-рэ. Фермерхэмрэ уней IуэхущIапIэхэмрэ зэгъусэу тонн мин 1,6-рэ нэгъабэ кърахьэлIэжащ, мэкъумэш IуэхущIапIэхэм яхузэфIэкIар тонн мин 0,3-рэщ.
24 апреля, 2025 - 14:44
Дунейм и къэрал пэрытхэм цIыхухъухэмрэ цIыхубзхэмрэ хуитыныгъэкIэ яку дэлъ зэхуэмыдэныгъэр зэрыщагъэкIуэдыжрэ зыкъом щIащ. Урысейм абы кIэ щритащ иджы ягъэулъий Октябрь революцэм. Абы и фIыгъэкIэ бзылъхугъэ куэд жьэгум къыдэкIри, жылагъуэ гъащIэм жыджэру хыхьащ, гъащIэм и IэнатIэ зэмылIэужьыгъуэхэм зыкъыщагъэлъэгъуащ. Дэ къэтхьыфынущ ахэр лъагапIэ инхэм зэрынэсыфам и щапхъэ мымащIэ. Ауэ, гъэщIэгъуэныракъэ, иужькIи дыщIэупщIэжынущ жэуапыр ди хьэзыру: атIэ абы къикIрэ ди къэралым (зэкIэ нэгъуэщIхэм я гугъу тщIынкъым) цIыхухъухэмрэ цIыхубзхэмрэ сыткIи щызэхуэдэу? КъикIыркъым.
24 апреля, 2025 - 13:11
Урысей Федерацэм бэнэкIэ хуитымкIэ пашэныгъэр къыщыхьыным хуэунэтIа зэхьэзэхуэ Грознэ къалэм махуиплIкIэ щекIуэкIащ. Ар и фэеплъу щытащ Олимп джэгухэм щэнейрэ я чемпион, зэуэзэпсэу дунейм ехыжа бэнакIуэ цIэрыIуэ Сайтиев Бувайсар.
Зэхьэзэхуэм щыIащ ди къэралым и щIыналъэхэм ящыщу 50-м (Луганск, Донецк республикэхэри, Херсон, Запорожье областхэри хэту) я бэнакIуэ 450-м нэблагъэ, я ныбжькIэ илъэс 21-м щIимыгъуахэу. Я хьэлъагъым елъытауэ ахэр гупи 10-у гуэшауэ щытащ икIи медалу комплект 40-м щIэбэнащ.
24 апреля, 2025 - 13:10
- Адыгэм «ныбжьэгъур гъуджэщ» жиIащ. А псалъэжьым и купщIэм ноби зы пщIэ гуэр иIэжу щытмэ, сэ нэхъ гъуджэ къабзэ иплъэрей щыIэу къыщIэкIынкъым, ауэ а сэ сызэрыплъэ гъуджэм къищыр сэракъым… Бгъэжьнокъуэ Заурбэч и псэр щыхъуэпскI дунейм и дахагъэрщ, - жеIэ композитор ХьэIупэ ДжэбрэIил. - Заур сэрэ блыщI гъэхэм ныбжьэгъу дызэхуэхъуащ. Куэдми мащIэми абы лъандэрэ дызэгъусэщ. Дэ зэныбжьэгъухэм ди дунейм щекIуэкIари щекIуэкIри лъэпкъ тхыдэм, ди адэжьхэм къащIэна хабзэм, гупсысэ щыпкъэм епхауэ дыкъыздэгъуэгурыкIуащ нобэм къос. Бгъэжьнокъуэ Заур хуэдэ цIыхур зырызыххэщ.
24 апреля, 2025 - 12:26
Мэлыжьыхьым и 24, махуэку
ЩIалэгъуалэм я зэкъуэтыныгъэм и дунейпсо махуэщ
Лабораторэхэм къыщагъэсэбэп псэущхьэхэр хъумэным и дунейпсо махуэщ
1899 гъэм къалъхуащ адыгэхэм я къекIуэкIыкIар зыджа, тхыдэ щIэныгъэхэмкIэ доктор, профессор Кушевэ Екатеринэ.
1958 гъэм къалъхуащ уэрэджыIакIуэ, КъБР-ми Ингушми щIыхь зиIэ я артисткэ Даур Иринэ.
Дунейм и щытыкIэнур
24 апреля, 2025 - 12:26
Иужьрей илъэсхэм къэралым и щIыналъэхэм щылажьэ лъэпкъ пэхуэщIэхэм я фIыгъэкIэ Къэбэрдей-Балъкъэрым и къалэхэмрэ жылэхэмрэ я щыIэкIэ-псэукIэр нэрылъагъуу ефIакIуэ зэпытщ. Дэнэ щIыпIэкIэ умыунэтIми, щыплъагъур нэр зыгъэгуфIэ IуэхугъуэфI защIэщ: гъуэгухэмрэ уэрамхэмрэ зэрагъэпэщыж, цIыхухэр куэду щызэхуэс щIыпIэхэр зыхуей хуагъазэ, жыгыщIэхэр, удз щхъуантIэхэр щагъэтIыс, цIыхухэм тыншыпIэхэр, нэгузегъэужьыпIэхэр къыхузэрагъэпэщ. Апхуэдэ лэжьыгъэхэр мы гъэми дэнэ щIыпIэкIи щрагъэкIуэкIынущ.
24 апреля, 2025 - 10:01
КъБР-м щыIэ МВД-м Экономикэ шынагъуэншагъэмрэ коррупцэм пэщIэтынымкIэ и управленэм и лэжьакIуэхэм къыщIагъэщащ гъэпцIагъэкIэ кредит къыIахауэ. А щIэпхъаджагъэр илэжьауэ шэч хуащI илъэс 50 хъу, щIыпIэм щыпсэу цIыхубзым.
ЗэраубзыхуамкIэ, мэкъумэш IуэхущIапIэм и унафэщIу, 2020 гъэм и шыщхьэуIум абы финанс IэнатIэм зыхуигъэзащ къыщIигъэкI продукцэхэм зригъэубгъун папщIэ Iэмэпсымэхэр къэщэхуным, лэжьакIуэ къищтэнухэм хэгъэхъуэн папщIэ ахъшэ щIыхуэ мыин къратыну.
24 апреля, 2025 - 09:58
Урысей гвардием и управленэу КъБР-м щыIэм и лэжьакIуэхэм, ведомствэм и ветеранхэм я щIыналъэ советым и тхьэмадэ, полицэм и полковник Хужьокъуэ Руслан ящIыгъуу, ТекIуэныгъэ Иныр илъэс 80 зэрырикъум теухуа дерс зэIуха драгъэкIуэкIащ Кыщпэк къуажэм и школакIуэхэм.
24 апреля, 2025 - 09:00
Кавказыбзэхэр джыным и гуащIэшхуэ ирихьэлIащ филологие щIэныгъэхэмкIэ кандидат Абдокъуэ Iэуес. А унэтIыныгъэм теухуа къэхутэныгъэ лэжьыгъэ зыбжанэ абы и къалэмыпэм къыщIэкIащ. Дэтхэнэми гъэхуауэ щызэпэкърех ар къызэрежьар, лъабжьэ хуэхъуар, зэрызиужьар. Нобэрей тхыгъэр аба и IэдакъэщIэкIхэм ящыщ зы Iыхьэщ.
|
