|
|
Календарь событий
28 апреля 2025
28 апреля, 2025 - 16:00
Астрономхэр щыхьэт зэрытехъуэмкIэ, щыблэм и теплъэ зэхуэмыдэхэм, ди планетэм и мызакъуэу, Дыгъэм къедза адрей уафэщIхэми, псалъэм папщIэ, Ураным, Венерэм, Сатурным, Юпитерым, нэгъуэщIхэми уащрихьэлIэнущ.
28 апреля, 2025 - 15:30
Мэлыжьыхьым и 28, блыщхьэ
Лэжьыгъэр хъумэным и дунейпсо махуэщ
Къуэш зэрыщIа къалэхэм я дунейпсо махуэщ
«ДэIэпыкъуэгъу псынщIэм» и лэжьакIуэхэм я махуэщ
Химие шынагъуэншагъэм и махуэщ
1874 гъэм къалъхуащ Хэку зауэшхуэм быни 9, зы нысэ, къуэрылъху-пхъурылъхуу 3 зыгъэкIуа шапсыгъ анэ Щхьэлахъуэ Чэбэхъан.
1902 гъэм къалъхуащ шэрджэс тхакIуэ ДыщэкI Мухьэмэд.
28 апреля, 2025 - 15:30
Кавказ къафэхэмкIэ Урысейм и чемпион, Дункан Айседорэ и цIэр зезыхьэ саугъэтыр зыхуагъэфэща, «Страна талантов» теленэтыным и кIэух зэпеуэм пхыкIа «Шэрджэс» ансамблыр щытекIуащ цIыхубэ къафэхэм хухэхауэ Москва щекIуэкIа Лъэпкъ чемпионатым. Урысейм и къалэ 31-м щыщ къэфакIуэ гуп 31-рэ хэтащ а зэхьэзэхуэм.
Зэхыхьэм гупым щигъэлъэгъуащ «Лъапэрисэ» адыгэ къафэ лIэужьыгъуэр, «Хьэнцэгуащэ» пасэрей хабзэм къытращIыкIа къафэ теплъэгъуэр.
28 апреля, 2025 - 15:30
КIэщIу, гъэхуауэ, зы псалъэухам гупсысэ пыухыкIа къиIуатэу жыпIэн папщIэ, зэчий ббгъэдэлъын зэрыхуейм шэч хэлъкъым. Апхуэдэ тхыгъэм ахэр зи IэдакъэщIэкIхэр зэмылIэужьыгъуэу еджэми, къаIуатэр зэрызэщхьэщыкI щыIэкъым. Куэдым, есэжауэ, жыIэгъуэ зыхужаIэ псалъэуха жанхэм тхакIуэ цIэрыIуэ, IуэрыIуэтэдж Нало Заур псалъэ гъэпсакIэ еджэу щытащ. Апхуэдэу кIэщIу и гупсысэ къэзыIуэтэфхэм, жыIэгъуэхэм тхылъ щхьэхуэ хухэзыхахэм ящыщщ зи цIэ къисIуа Нало Заур, философ, тхыдэдж цIэрыIуэ Бейтыгъуэн Сэфарбий, журналист КIэрэф Хьэсэнбий, финансист ГубэщIыкI Владимир сымэ, нэгъуэщIхэри.
28 апреля, 2025 - 15:22
Налшык дэт Гимназие №I-м щекIуэкIащ илъэс къэс зэхаублэ «Рыцари закона» республикэ зэпеуэм и къалэ Iыхьэр. Iуэхум и мурад нэхъыщхьэр наркоманием пэщIэтынырщ, къытщIэхъуэ щIэблэр гъащIэ узыншэм хуэущиинырщ, щIалэгъуалэр хэкупсэу гъэсэнырщ, лей зехьэным, экстремизмэмрэ терроризмэмрэ пэIэщIэ щIынырщ.
Iуэхур къызэрагъэпэщащ Урысей МВД-м Налшык щиIэ управленэм, къалэм и щIыпIэ администрацэм ЕгъэджэныгъэмкIэ и департаментымрэ сабий, ныбжьыщIэ творчествэмкIэ центрымрэ. Абы хэтащ къалэ еджапIихым я класс нэхъыжьхэм щIэсхэм ящыщу 100-м нэблагъэ.
28 апреля, 2025 - 14:01
Тхыдэм уриплъэжмэ, цIыхум дежкIэ зэман тынш щыIауэ къыщIэкIынукъым. Пасэ зэманыжьми, абы къыкIэлъыкIуа лIэщIыгъуэхэми, ди зэманми, зауэ-банэ щымыIэу цIыхур мамыру, зыхуей игъуэту зы илъэсищэ дэнэ къэна, абы и ныкъуи екIуэкIакъым.
28 апреля, 2025 - 13:15
ИлъэсипщI зыбжанэ хъуауэ къадекIуэкI хабзэфIым Былымгъуэтхэ я лъэпкъыр ткIийуэ тетщ. Хэку зауэшхуэм жыджэру хэта Былымгъуэт Хъусен и бынхэм, и къуэрылъхухэм, абыхэм къатепщIыкIыжахэм илъэс къэс ТекIуэныгъэм и махуэм я къуажэ Хьэтуей дэт фэеплъым удз гъэгъахэр тралъхьэ.
28 апреля, 2025 - 13:09
Бахъсэн къалэм и администрацэм и унафэщI Мамхэгъ Хьэчим иджыблагъэ дыщигъэгъуэзащ иужьрей зэманым бахъсэндэсхэм спортымкIэ яIа ехъулIэныгъэхэм икIи абыхэм уариплъэу щытмэ, узыщыгуфIыкIыныр мащIэкъэм.
28 апреля, 2025 - 12:33
Алыхьым гу къабзэкIэ бгъэдэт цIыхуфI гуэрым блэшхуэ къепщылIэри къыжриIащ: «Алыхьым фIыгъуэр къыпхуищIэ! КхъыIэ, си бийр си ужьым итщи, сыгъэпщкIу». ЛIым и кIагуэ кIыхьыр зэIуихащ, блэр и гуфIакIэм дэпщхьэфын хуэдэу. АрщхьэкIэ блэм жиIащ:
- Абдежым сыкъыщалъагъунущ, уи жьэр зэтехи, уи кIуэцIым сигъапщхьэ.
ЛIым жеIэ:
- СыбукIынкIэ согузавэ.
- Алыхьым и цIэкIэ соIуэ, щIыми уафэми тетхэр си щыхьэтщ, сэ ар уэзмыщIэн!
ЛIым и жьэр зэтрихри, блэр жьэдэпщхьащ. Зэман дэкIри, ар къезыхужьа цIыхур къыIухьащ.
|
