|
|
Календарь событий
05 мая 2025
5 мая, 2025 - 17:17
Кавказ Ищхъэрэм СтатистикэмкIэ и управленэм къызэритамкIэ, дызэрыт илъэсым и щIышылэм - мазаем къриубыдэу Къэбэрдей-Балъкъэрым и цIыхухэм сом мелард 13,2-рэ и уасэ Iуэхутхьэбзэ хуащIащ. Нэгъабэ и апхуэдэ пIалъэм щыIа бжыгъэхэм нэхърэ ар проценти 117,1-кIэ нэхъыбэщ.
А пIалъэм къриубыдэу унагъуэ Iуэхухэм пыщIа, цIыхум хуащIэ Iуэхутхьэбзэхэм псори зэхэту сом меларди 2,2-рэ къыпэкIуащ икIи 2024 гъэм и апхуэдэ пIалъэм щыIа бжыгъэхэм нэхърэ ар процент 34,7-кIэ нэхъыбэщ.
5 мая, 2025 - 16:14
Ди блэкIар нэхъ жыжьэ хъухукIэ абы теухуауэ нэхъыбэ къыдощIэ. Хэбгъэзыхьмэ, ар нэгъуэщIу къаIуатэу. Псалъэм и хьэтыркIэ, 1917 гъэм и мазаемрэ жэпуэгъуэмрэ Урысейм щекIуэкIа революцэхэм ятеухуауэ иджы ятххэр хуабжьу къащхьэщокI нэхъапэм жаIэу щытам. Генерал Корнилов Лавр зэрызыкъиIэтами, зыкъыщIиIэтам и щхьэусыгъуэми тхыдэджхэр зэхэхауэ тепсэлъыхьыртэкъым. Ауэ ар ди къэралым и дежкIэ псэзэпылъхьэпIэу щытащ, абы зэрихъуэкI пэтащ и къэкIуэнури. Ауэ хэт хъуну ар езыр?
5 мая, 2025 - 16:13
Ди литературэм и фIыпIэм щыщ хъуа усыгъэ телъыджэхэр зи Iэдакъэ къыщIэкIа, тхылъеджэхэм фIыуэ ялъэгъуа усакIуэщ Бицу Анатолэ. Тхэным гу зэрыхуищIам, литературэм, бзэм теухуауэ иIэ гурыгъу-гурыщIэхэр къыщыгъэлъэгъуащ абы «Тхэ цIыхур игъащIэ псокIэ еджэн хуейщ» и тхыгъэм.
5 мая, 2025 - 15:55
Накъыгъэм и 5, блыщхьэ
Ныкъуэдыкъуэхэм я хуитыныгъэхэм щIэбэныным и дунейпсо махуэщ
1920 гъэм къалъхуащ Совет Союзым и ЛIыхъужь Мэсей Аслъэнджэрий.
1922 гъэм къалъхуащ 1960 – 1975 гъэхэм КъБАССР-м и прокурору лэжьа, юстицэмкIэ къэрал чэнджэщакIуэу щыта, юридическэ щIэныгъэхэмкIэ кандидат, генерал-майор Ансокъуэ Мухьэрбий.
5 мая, 2025 - 15:14
Россельхознадзорым и управленэу Кавказ Ищхъэрэм щыIэм къызэритамкIэ, 2025 гъэм и мэлыжьыхьым абы и IэщIагъэлIхэм къапщытащ Къэбэрдей-Балъкъэрым и хуабэщхэм къыщагъэхъуауэ Белоруссием хурагъэшэну ягъэхьэзыра бэдрэжанхэм я фIагъыр.
А хадэхэкIым щыщу тонн 24-рэ Минск, Брест къалэхэм иджыблагъэ яшащ. Бэдрэжанхэм ехьэлIауэ фитосанитар и лъэныкъуэкIэ Белоруссием къигъэув мардэхэм ахэр хуокIуэ икIи щыIэ хабзэхэр къызэпаудыркъым. Къыхэдгъэщынщи, ди республикэм и хуабэщхэм къыщагъэкIа бэдрэжанхэр ди къэралым япэу ирашауэ аращ.
5 мая, 2025 - 15:12
Къэбэрдей-Балъкъэрым и художникхэм я IэдакъэщIэкIхэр Москва ГъуазджэхэмкIэ и галереем, Церетели Зураб и цIэкIэ къыщызэIуахам, щагъэлъагъуэ. Ар теухуащ ХудожествэхэмкIэ Урысей Академием (РАХ-м) и Ипщэ щIыналъэ къудамэр илъэс 15 зэрырикъум.
Выставкэм хагъэхьащ а къудамэм и академикхэм, абы хэтхэм я сурэт, скульптурэ, графикэ, декоративно-прикладной гъуазджэм и хьэпшып жыпIэми, лэжьыгъи I00-м нэблагъэ. Къэбэрдей-Балъкъэрым и сурэтыщIхэм ящыщу я лэжьыгъэ абы хагъэхьащ ГъущIапщэ Арсен, КIыщ Мухьэдин, Црым Руслан, Мазло Руслан, Пащты Алим.
5 мая, 2025 - 14:33
Муса бегъымбар-лъапIэм и зэманым журтхэм ящыщ лIы гуэр яукIати, ар зыщIар къащIэн папщIэ, Алыхьталэм жэм гуэр къурмэн ящIу, абы щыщ зы IыхьэкIэ хьэдэм теIэбэну унафэ къахуищIат. Апхуэдэу ящIа нэужь, лIыр къэхъужри, зыукIам и цIэр къриIуащ.
Къурмэн ящIа жэмым и хъыбарыр къызэрыгуэкIыу зэрыщымытам и хъыбарым ущрохьэлIэ «Рухьул Бэян»-кIэ зэджэ КъурIэн лъапIэм и тэфсирым.
5 мая, 2025 - 14:30
Урысей Федерацэми хамэ къэралхэми я инвесторхэр Къэбэрдей-Балъкъэрым къешэлIэным ехьэлIауэ ди щIыналъэм IэмалыфIхэр къыщызэрагъэпэщ зэпытщ. Апхуэдэ Iуэху бгъэдыхьэкIэм ипкъ иткIэ инвестицэм щхьэкIэ щыIэ хабзэхэри ирагъэфIакIуэ.
5 мая, 2025 - 13:27
Дыщэидэмрэ тхыпхъэхэмрэ гулъытэшхуэ хуащIу щытащ адыгэ бзылъхугъэхэм фащэ щадкIэ. Апхуэдэуи уагъэ-щагъэ, дэнлэч хуэдэ хьэпшып зэмылIэужьыгъуэхэр щIыным хъыджэбз цIыкIухэр пасэ дыдэу хуагъасэрт. Къалъытэрт а IэщIагъэхэм цIыхубзым и хьэлыр ипсыхьу: щэныфIэ, Iущабэ-гущабэ, зэпIэзэрыт, лэжьыгъэм хуэIэижь ищIу. Дыщэидэр дахагъэ къудейтэкъым, абыкIэ къагъэщI дамыгъэхэм щIагъыбзэ ящIэлът.
Ди гуапэ зэрыхъущи, а хабзэ дахэр зыхъумэ, а IэщIагъэхэм хуэIэкIуэлъакIуэ хъыджэбзхэр иджыри щыIэщ. Апхуэдэ IэпщIэлъапщIэщ Мамбэт-КIыщ Анетэрэ Тхьэгъэлэдж Агнессэрэ.
5 мая, 2025 - 13:15
Гъэмахуэм Къэбэрдей-Балъкъэрым зыгъэпсэхуакIуэ къакIуэ туристхэм я бжыгъэм, нэгъабэ щыIахэм елъытауэ, процент 15 - 17-кIэ мы гъэм хагъэхъуэну я мурадщ, щыжаIащ КъБР-м Курортхэмрэ туризмэмкIэ и министерствэм.
Абы къызэритамкIэ, республикэм и хьэщIэщхэм я пэшхэм я процент 40-р зэпэубыдакIащ икIи абыхэм я нэхъыбэм мазищ ипэкIэ зыщрагъэтх хабзэщ.
5 мая, 2025 - 13:00
«ЛокоДзюдо» фIэщыгъэр зэрихьэу Новосибирск къалэм и «Локомотив-Арена» спорт комплексым щекIуэкIащ дзюдомкIэ сабийхэм я лигэм хэт командэхэм я зэхьэзэхуэ. Абы щызэпеуащ къэралым и щIыналъэхэм ящыщу 24-м я бэнакIуэ ныбжьыщIэу, щIалэхэри хъыджэбзхэри зэхэту, 600-м нэблагъэ, 2012 - 2013 гъэхэм къалъхуахэу.
5 мая, 2025 - 12:26
Фашистхэм НэщIэпыджэхэ я унэ-лъапсэр зэрапхъуауэ щыпсэурт, зыхуейр ящIэу, зыхуейр яшхыу. Зэгуэрым Муса и къуэ нэхъыжь Ибрэхьим и адэм и шыр фашистхэм къафIидыгъужыну иужь ихьащ. Жэщыбгым шэщым щIыхьэри, шыр къыщIихуащ, абы шэсри пщIантIэм щыдихум, зы нэмыцэр кIэлъыуэри и тхьэкIумэм техуауэ щытащ. Абы щхьэкIэ къэмыувыIэу Ибрэхьим шыр Шэрэдж псыжьым зэприхури, Псыгуэнсу дэс я благъэм, Мызхэ щигъэпщкIуауэ щытыгъащ.
|
