|
|
Календарь событий
22 мая 2025
22 мая, 2025 - 16:00
Накъыгъэм и 22, махуэку
1914 гъэм къалъхуащ адыгэхэм къахэкIауэ Тыркум щыпсэухэм ящыщ спортсмен, Европэм бэнэкIэ хуитымкIэ и чемпион, 1948 гъэм екIуэкIа Олимп джэгухэм дыжьын медаль къыщызыхьа Джандемыр (Гугъэв) Адыл.
1946 гъэм къалъхуащ филологие щIэныгъэхэмкIэ доктор, ЩIДАА-м и академик Озбек (Едыдж) Батырай.
Дунейм и щытыкIэнур
22 мая, 2025 - 15:30
ЦIыхухэр, псэущхьэхэр, къэкIыгъэхэр зи хэщIапIэ ЩIы Хъурейм гулъытэ хэха хуэщIыным теухуауэ ООН–м хигъэунэхукIа пIалъэхэм ящыщщ «Биологие зэмылIэужьыгъуагъэм и махуэ» жыхуаIэр. Ар 200I гъэм къыщыщIэдзауэ накъыгъэм и 22-м дуней псом щагъэлъапIэ.
Махуэр зыхуэгъэзар цIыхухэм ди хуэмыхуагъкIэ щIыуэпсым етх лейр зыхуэдэр къыдгурыIуэныжырщ, щIыгум щызекIуэ псэущхьэхэм, уэгур зэпрызыгъэз бзухэм, гъудэ-бадзэхэм я зэмылIэужьыгъуагъэм кIэрыдгъэху зэрымыхъунур зыхэтщIэнырщ, дыкъэзыухъуреихь дунейм щысхьыным дыкъыхуриджэнырщ.
22 мая, 2025 - 15:30
Иджыпстурей щIалэгъуалэм нэхъ псынщIэу заужь, ехъулIэныгъэфIхэр зыIэрагъэхьэ. Абы и лъэныкъуэкIэ къэралри щIэгъэкъуэнышхуэ мэхъу. Тэрч къалэм Сабий творчествэмрэ щIалэгъуалэ жэрдэмхэмкIэ и центрым (ЦДТ) и лэжьакIуэ Балъкъэр Дайанэ илъэс 2I-рэ хъууэ аращ, ауэ ныбжьыщIэхэр гъэсэнымкIэ, иджырей къэфэкIэхэр егъэщIэнымкIэ зэфIэкI иIэщ.
22 мая, 2025 - 15:16
«Къэбэрдей-Балъкъэр Республикэм административнэ хабзэхэр къызэпызыудхэмкIэ и Кодексым и 8.5-нэ статьям зэхъуэкIыныгъэхэр хэлъхьэным и IуэхукIэ» Къэбэрдей-Балъкъэр Республикэм и Законым теухуауэ
Къэбэрдей-Балъкъэр Республикэм и Парламентым унафэ ещI:
1.«Къэбэрдей-Балъкъэр Республикэм административнэ хабзэхэр къызэпызыудхэмкIэ и Кодексым и 8.5-нэ статьям зэхъуэкIыныгъэхэр хэлъхьэным и IуэхукIэ» Къэбэрдей-Балъкъэр Республикэм и Законыр къэщтэн.
22 мая, 2025 - 14:55
Дагъыстэным и къалащхьэ Мэхъэчкъалэ Гайдарбеков Гайдарбек и цIэр зезыхьэ и спорт комплексым щекIуэкIащ УФ-м джутайдо - карате лIэужьыгъуэмкIэ и чемпионат. Абы щызэпеуащ къэралым и щIыналъэхэм ящыщу 18-м я спортсмен 500-м щIигъу.
22 мая, 2025 - 14:12
Налшык щыпсэу, Къаншыуей къуажэм щыщ Ахъсорэ (Унэж) Марят «Адыгэ псалъэм» и щыпэ къакIуэкъым. Нобэ ар къыщIытхуеблэгъар и адэ къуэш Унэж Аркадий Хьэмыщэ и къуэм и гугъу къытхуищIын папщIэщ.
Мы гъэм илъэс 75-рэ ирикъуа нэхъыжьыфIым Тэрч районым и щIыпIэ администрацэм щIэныгъэмкIэ и управленэм къыбгъэдэкIыу, ФIыщIэ тхылърэ ЩIыхь тхылърэ къыхуагъэфэщащ.
22 мая, 2025 - 13:22
Зауэм хэкIуэда и Iыхьлыхэмрэ унэкъуэщхэмрэ я хъыбар иджыблагъэ къытхуиIуэтэжащ Мэлбахъуэм и цIэр зезыхьэ лъэпкъ библиотекэм и лъахэхутэ къудамэм и библиотекарь нэхъыжь Безыр (Хъандэхъу) Ленэ.
22 мая, 2025 - 13:09
«Си хабзэубзыху жэрдэмыр» – аращ зэреджэр Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым щыщ гупыр иджыблагъэ зыхэта урысейпсо зэхьэзэхуэм. Илъэс зыбжанэ хъуауэ цIыхушхуэ зэхуэзышэс зэпеуэм мызыгъуэгум Урысейм и щIэныгъэ икIи егъэджэныгъэ IуэхущIапIэхэм щылажьэу цIыху 550-м щIигъу зэришэлIащ.
22 мая, 2025 - 12:51
ТекIуэныгъэ Иныр къызэрытхьрэ илъэс 80 зэрырикъумрэ дзэ Iуэху хэхам хэкIуэдахэм я щIыхькIэ картингымкIэ республикэ зэхьэзэхуэ Нарткъалэ щекIуэкIащ иджыблагъэ. Абы хэтащ Къэбэрдей-Балъкъэрым, Къэрэшей-Шэрджэсым, Ростов областым, Краснодар, Ставрополь крайхэм я лIыкIуэхэр, псори зэгъусэу спортсмен 60.
22 мая, 2025 - 12:33
Инжыдж Iуфэм, Ботэщей адэкIэ уехмэ, къыщысщ Бэвыкъуэ къуажэр (км 12 дэлъщ Черкесск нэс). Мыбдеж 1925 гъэм щыщIэдзауэ къэтIысащ Хъумарэрэ (Абыкъухьэблэжь) Алибэрдыкъуэрэ (Хьэгъундыкъуей) къикIа унагъуэхэр. ЦIыхуу дэсыр 500 хуэдизщ. Я унэцIэхэр къэтхьынщ: Абрэджыкъуэ, Астэжь, Булжат, Быж, Гуэгуш, Даур, Дыгъужь, ДыщэкI, Ешэр, Жантемыр, Иляс, КIэбышэ, КIэщт, КIыщокъуэ, Къардэн, Лий, ЛIымахуэ, Матэкхъуей, Мыжей, Нэлей, Нэхущ, Пщымахуэ, Сэкий, Туаршы, Тхьэкъуахъуэ, Уэгъурлы, Унэжь, ХьэкIырэ, Хъубий, Цэгъэ, Цей, Шорэ, Шурей, Шыбзыхъуэ, Iэпщынэ.
|
