Календарь событий

КъБР-м и Iэтащхьэ КIуэкIуэ Казбек лэжьыгъэ IуэхукIэ хуэзащ «ИдогъаджэДощIэ» - Къы­щыпхуэсакъ еджапIэ» («УчимЗнаем» - Заботливая шко­ла») пэхуэщIэм и къызэгъэ­пэщакIуэ Шариков Сергей. А пэхуэщIэм ди республикэм лэжьэн щыщIидзэнущ ды­зэрыт илъэсым и фокIадэ ­ма­зэм щегъэжьауэ. Iуэхум елэжь IэщIагъэлI гуп иджыпсту ди щIыналъэм щыIэщ.
 

КъБР-м и Iэтащхьэ КIуэкIуэ Казбек «муниципальнэ сыхьэт» жыпхъэм иту, район, къалэ администрацэхэм я унафэщIхэм зэIущIэ ядригъэкIуэ-кIащ.
 
ЗэIущIэм гулъытэ нэхъыбэ щыхуа­щIащ республикэм щызэхаублэ къэ- рал къэпщытэныгъэхэм. Мы гъэм Зыуэ щыт къэрал экзаменыр ятынущ ныбжьыщIэ мини 5-м. 

КъБР-м и Парламентым и УнафэщI Егоровэ Татьянэ зи чэзу зэIущIэр иригъэкIуэкIащ. Абы щытепсэлъыхьащ Къэбэрдей-Балъкъэрым и бюджетыр 2024 гъэмрэ дызэрыт илъэсым и япэ мазищымрэ зэрагъэзэщIам. Апхуэдэуи «Правительствэм хухах сыхьэтым» хыхьэу, дзэ Iуэху хэхам хэтхэмрэ абыхэм я унагъуэ­хэмрэ къэралым зэрызащIигъакъуэ Iэмалхэр къыщызэщIакъуэжащ. 

Сабийхэм я гъэмахуэ зыгъэпсэхугъуэр къызэгъэпэща зэрыхъуну щIыкIэм теухуауэ КъБР-м и Iэтащхьэ КIуэкIуэ Казбек епсэлъащ республикэм щIалэгъуалэм я IуэхухэмкIэ и министр Лу Азэмэт.

Нобэ, накъыгъэм и 24-м, ди къэралышхуэм, щIэуэ къыхыхьа щIыналъэхэри хэту, и курыт еджапIэ псоми иужьрей уэзджы­-        нэр къыщоуэ. Дэтхэнэ школакIуэм и дежкIи мыхьэнэшхуэ зиIэ а Iуэхугъуэр псом хуэмыдэжу зыхащIэ еджэныр зэфIэзыхауэ школым къыщIэкIхэм. Ди гуапэ зэрыхъущи, а ныбжьыщIэхэм я ­бжыгъэм хэхъуэурэ макIуэ иужьрей илъэсхэм. Къэбгъэлъа­гъуэмэ, нэгъабэрей бжыгъэхэм еплъытмэ, мы гъэм курыт школыр къэзыуххэр мин 45-кIэ (проценкIэ къапщтэмэ, 7,5-кIэ) нэхъыбэщ. Ди республикэми щымащIэкъым апхуэдэ ныбжьы­щIэхэр. Ахэр мини 5-м нызэрохьэс, 9-нэ классыр къэзыуххэр хэмыту.