Календарь событий

Мы гъэр ди къэралым щагъэуващ Хэкум и хъумакIуэмрэ ТекIуэныгъэ Иныр илъэс 80 щрикъумрэ я илъэсу. Ар Iэтауэ гъэлъэпIэнымкIэ лэжьыгъэшхуэ щекIуэкIащ, ноби щокIуэкI ди Хэку иным и щIыналъэ псоми.

2025 гъэм и щIышылэм - мэлыжьыхьым къриубыдэу  УФ-м и хьэрычэт IэнатIэ мащIэмрэ курытым-рэ къэрал дэIэпы­къуныгъэу сом мелард 236-рэ иратащ. Ар сом мелард 70-кIэ нэхъыбэщ нэгъабэ и апхуэдэ лъэхъэнэм нэхърэ. 2024 гъэм МСП Корпо­рацэм а IэнатIэхэм къэрал дэIэпы­къуныгъэу яху­хихар псори зэхэту сом триллион 1,2-рэ хъуащ. УФ-м экономикэ зыужьыныгъэмкIэ и министр Решетни­ков Максим ар щыжиIащ МСП Корпорацэм и уна­фэщIхэм я советым иригъэкIуэкIа зэIущIэм. 

ДызыхуэкIуэ илъэситхум къриубыдэу Кавказ Ищхъэрэм и щIыналъэхэм лэжьэн щыщIадзэнущ пхъэщ­хьэмыщхьэрэ мэракIуэ лIэужьы­гъуэ­хэмрэ къэзыгъэкI, абыхэм елэжь Iуэху­щIапIи 10 - 11-м, иджырей жыг ха­дэхэр зыгъэтIысхэр яхэту. А пэхуэ­щIэхэм инвестицэ ахъшэу псори зэ­хэту сом мелард 20,5-рэ текIуэдэнущ.

КъБР-м и Правительствэм хэтхэм я зи чэзу зэхуэсыр ды­гъуасэ иригъэкIуэкIащ КъБР-м и Правительствэм и УнафэщI Мусуков Алий. Абы щыхэплъащ Iуэхугъуэ 13-м. 

КъБР-м и Iэтащхьэ КIуэкIуэ Казбек «Урысей зэкъуэт» партым и лIыкIуэу УФ-м и Къэрал Думэм щыIэ депутат Родинэ Викторие лэжьыгъэ IуэхукIэ хуэзащ.