Календарь событий

Урысейм и судприставхэм я федеральнэ IэнатIэм и Къэ­бэрдей-Балъкъэр къудамэм Бахъсэн къалэмрэ Бахъсэн районымрэ щиIэ IуэхущIапIэм и унафэщI Истэпан Анзор Адэлбий и къуэм и лэжьыгъэм гулъытэ игъуэтащ - УФ-м и Президентым и Унафэ ­№225-м, 2025 гъэм мэлы­жьыхьым и 16-м къыдэкIам, ипкъ иткIэ, абы къыхуагъэфэщащ «Урысей Федерацэм щIыхь зиIэ и суд пристав» щIыхьыцIэр. 

Лъэпкъ литературэм и тхы­дэр зыфIэгъэщIэгъуэн куэдым зэхахащ икIи ялъэгъуащ Зеи­къуэ къуажэкум хуэзэу ит еджапIэм и щIыбагъымкIэ екIуэкI нэпкъым и щыгум гу лъумытэнкIэ Iэмал имыIэу телъ мы­вэ­шхуэр. «Алий и мывэ» - аращ абы зэреджэр. ЦIэ яIэу апхуэдэ мывэ Iэджи дэлъщ жылэм, ауэ мыр къуажэдэсхэм фIыуэ яцIыху.

Урыс тхакIуэ цIэрыIуэ Толстой Лев жиIэгъащ: «Сабийхэр фIыуэ зылъагъу егъэджакIуэр адэ-анэм ещхьщ - ар нэхъыфIщ щIэныгъэшхуэ зиIэ, ауэ цIыкIухэм яхуэгущIыIэ егъэджакIуэм нэхърэ. ЕгъэджакIуэм щIэныгъэфI бгъэдэлърэ сабийхэри фIыуэ илъагъумэ, апхуэдэращ егъэджакIуэ нэскIэ узэджэнур». А цIыху щэджащэм и псалъэхэр епхьэлIэ хъунущ егъэджэныгъэ-гъэсэныгъэ IэнатIэ мы­тыншым жэуаплыныгъэр зыхищIэу пэрыт Дидан Хьэрэбий Сэфарбий и къуэм.