|
|
Календарь событий
16 июня 2025
16 июня, 2025 - 18:00
19-нэ лIэщIыгъуэм Тыркум къыщахута Хьэт къэралыгъуэм и къалащхьэ Хьэтуссэ (Аладжа-Хююк къалэм и Iэхэлъахэр) I835, I860, I88I, I893, I906 гъэхэм щрагъэкIуэкIа археологие къэпщытэныгъэхэм я фIыгъэкIэ дунейпсо щIэныгъэм игъэбелджылащ ди лъэхъэнэм ипэкIэ 2400-I800 гъэхэм нобэ Тыркуу тцIыху къэралыгъуэм щыпсэуа хьэтхэр.
16 июня, 2025 - 17:00
Тыркум и Бурсэ къалэм махуитIкIэ щекIуэкIащ зауэ Iэпщэрыбанэ спортымкIэ цIыхухъухэмрэ цIыхубзхэмрэ я дунейпсо чемпионат. Абы щызэпеуащ къэрал 32-м я спортсмен 300-м нэблагъэ. Урысей Федерацэм и командэ къыхэхам хэту зэхьэзэхуэм щыIащ Къэбэрдей-Балъкъэрым и гъэсэнхэри икIи медалиплI ди къэралым къыхуахьащ, щыр – дыщэу, зыр – домбеякъыу.
16 июня, 2025 - 17:00
СССР-м щащIахэм быдагъкIэ ядэбгъуэн щыIэтэкъым, ауэ я дахагъкIэ, яIэ тыншыгъуэхэмкIэ ахэр хужыпIэфынутэкъым. Абыхэмк1э къакIэрыхурт нэгъуэщI къэралхэм щагъэхьэзырхэм. АрщхьэкIэ щефIэкIи щыIащ, иджыпсту зи гугъу фхуэтщIынури абы и щапхъэхэм ящыщ зыщ.
16 июня, 2025 - 16:30
Бэрбэч ХьэтIутIэ и цIэр зезыхьэ Къэбэрдей-Балъкъэр университетым IэнатIэхэм зегъэужьынымкIэ и центрым иджыблагъэ щекIуэкIащ еджапIэ нэхъыщхьэр къэзыуха ныбжьыщIэхэр лэжьыгъэкIэ къызэгъэпэщыным хуэунэтIа зэIущIэ. Абы къекIуэлIащ КъБКъУ-м и егъэджакIуэхэр, студентхэр, лэжьакIуэ къэзылъыхъуэ хьэрычэтыщIэхэр, цIыхухэр лэжьыгъэкIэ къызэгъэпэщыным пыщIа IуэхущIапIэхэм я IэщIагъэлIхэр, къулыкъущIэхэр. Лэжьыгъэ IэнатIэ хуейхэм я зэхуэсым и жыпхъэм икIри, ахэр щызэпсалъэ, Iуэху еплъыкIэхэмкIэ щызэдэгуашэ утыкум хуэкIуащ.
16 июня, 2025 - 16:00
Совет Союзым и ЛIыхъужь Къуэныкъуей Назир и фэеплъу Шэджэм къалэм щекIуэкIащ зауэ Iэпщэрыбанэ спортымкIэ республикэ зэхьэзэхуэ. Абы щызэпеуащ КъБР-м и щIыналъэхэм я спортсмени 120-рэ, псори зэхэту командэ 13 хъууэ. Зэхьэзэхуэм я зэфIэкIхэр щагъэлъэгъуащ дунейпсо, урысейпсо зэхьэзэхуэхэм щытекIуахэмрэ къыщыхэжаныкIахэмрэ.
Илъэс 14 - 15 зи ныбжьхэм я зэпеуэхэм япэ увыпIэхэр къыщахьащ Бишорт Идар, Щэрдан Самир, Ульбашев Темырлан, Бекъан Руслан, Жыгун Темырлан, ШэрыIужь Уэлий, Iэрэмысэ Ахьмэд сымэ.
16 июня, 2025 - 15:00
Мэкъуауэгъуэм и 16, блыщхьэ
1931 гъэм къалъхуащ Социалист Лэжьыгъэм и ЛIыхъужь Хьэжмэт Хьэсэн.
1940 гъэм къалъхуащ мэкъумэш щIэныгъэхэмкIэ доктор, КъБКъМУ-м и профессор Къумахуэ Владимир.
Дунейм и щытыкIэнур
«pogoda.yandex.ru» сайтым зэритымкIэ, республикэм уэшх къыщешхынущ. Хуабэр махуэм градус 20 - 2I-рэ, жэщым градус 15 – 16 щыхъунущ.
Лъэпкъ Iущыгъэ:
16 июня, 2025 - 14:55
«Спортыр наркотикхэм я бийщ» къыхуеджэныгъэм щIэту КъБР-м и Кубокыр шахмат «псынщIэмкIэ» къэхьыным хуэунэтIа зэхьэзэхуэ Налшык къалэм и «Каисса» уардэунэм щекIуэкIащ. Абы хэтащ ди республикэмрэ Осетие Ищхъэрэ – Аланиемрэ я спортсмен 55-рэ.
Япэ увыпIэр иубыдащ налшыкдэс Елъкъан Давид, къыхуэхьыну щыта очкои 9-м щыщу 8 иIэу. Очко ныкъуэкIэ абы къыкIэрыхуащ Зеикъуэ къуажэм щыщ Щомахуэ Резуан. Ещанэ увыпIэр къихьащ Нартокъуэ Вячеслав (Налшык къалэ).
16 июня, 2025 - 14:17
Лъышэу (кислород) хьэуам хыхьэм и зэхуэдитIым щIигъур къызыхэкIри, псыIэгъэу уафэм къехынур зэлъытари, углекислотам и лейр зыщIэзышэри Дунейпсо хырщ. Мыбы илъэс къэс къыщаубыд бдзэжьейуэ тонн мелуан бжыгъэхэр. Ахэр къыщыхъу псы Iыхьэр - «шельфкIэ» зэджэр- хым и Iыхьэ нэхъыщхьэрщ.
16 июня, 2025 - 14:00
Октябрь Революцэ Иным иужькIэ, 1918 гъэм, Москва и Сокольники хьэблэм къыщыунэхуат «ЩIыуэпсыр фIыуэ зылъагъу ныбжьыщIэхэм я станц» зыфIаща IуэхущIапIэ.
А гъэ дыдэм мэкъуауэгъуэм и 15-м абдежым щрагъэжьащ лэжьыгъэщIэм пэрыува гъэсакIуэхэм къызэрагъэпэща я япэ нэгузегъэужь зекIуэр. Гъэсэнхэр щIыуэпсым нэхъ гъунэгъу хуэзыщI, гъэщIэгъуэну икIи гукъинэжу ирагъэкIуэкIа а Iуэхур иужьым Натуралист ныбжьыщIэхэм я махуэу ди къэралым къыщалъытащ.
16 июня, 2025 - 13:22
КъухьэпIэ Кавказым щежэх псы нэхъ инхэм хабжэ Щхьэгуащэрэ Лабэ ЦIыкIурэ я псы къуэпсхэр зэхэзыгуэшыкI джабащхьэ екIуэкIым Бабыгу (Бабук) цIэр зэрехьэ. Шытхыщхьэр ТхьэщIы (Тхач) бгым и ижьырабгъу лъэныкъуэмкIэ щыIэщ.
Бабыгу шытхым ижькIэрэ щыпхаша лъагъуэм ухуешэ Ажэжьбэкъу бгыжь дыкъуакъуэу зи зэхуакур щхьэдэхыпIэ папщIэу къагъэсэбэпым. Къыхэгъэщыпхъэщ, иужьрейм и аранэ папцIэхэр щIыпIаплъэхэм куэд щIауэ къызэрагъэунэхуари, нэгузегъэужьыпIэ телъыджэу ар абыхэм къызэралъытэри.
16 июня, 2025 - 13:00
Къэбэрдей-Балъкъэрым лъэпкъ щэнхабзэм зыщезыгъэужьахэм я гугъу щытщIкIэ, Атэлыкъ унэцIэр абы гуэхыпIэ иIэкъым.
Псом хуэмыдэу зи гугъу тщIыр Атэлыкъ Аслъэнджэрийрэ Жанусэрэщ. Мы зэщхьэгъусэхэм я фэеплъхэрщ, къафэм и зы теплъэгъуэ къагъэувыIами ярейуэ, Налшык дэт «Победа» кинотеатрым и IуплъапIэм тетыр. Скульптурэр махуэ къэс дызыIуплъэу дызэрыпагэ хъуну ди хъугъуэфIыгъуэщи, тIорысэ хъуа фэеплъхэр хэмыкIуэдэж щIыкIэ хуэфащэ гулъытэ ягъуэтамэ арат.
|
