Календарь событий

Тренер цIэрыIуэ Къуэблэ Екъуб и цIэр зэрихьэу Мейкъуапэ къалэм дэт спорт уардэунэм щекIуэкIащ панкратионым­кIэ 21-нэ зэхьэзэхуэ зэIуха. Ар Совет Сою­зым и ЛIыхъужь Андырхъуей Хъусен и фэ­еплъуи щытащ. 

Соцфондым и къудамэу Къэ­бэрдей-Балъкъэрым щыIэм ды­зэрыт илъэсым зэрыщIи­дзэрэ адэ-анэ 2917-м сабий ­къазэрыхэхъуам щхьэкIэ зэуэ ират ахъшэ пособиеу псори зэхэту сом мелуан 76-м щIигъу яхуиутIыпщащ. 

Бахъсэн районым хыхьэ Хьэ­тIохъущыкъуей къуажэм дэт ЩэнхабзэмкIэ унэм щекIуэкIащ концерт дахэ. Дунейпсо арткомитетым лъэпкъ зэ­мы­лIэужьыгъуэхэм къахэкIа щIалэгъуалэ зэчиифIэхэм зы­щIэгъэкъуэнымкIэ и къудамэм хэт, ПщыхьэщIэ Мухьэжыр и цIэр зезыхьэ пшынауэ гупым утыку кърихьащ илъэсым ­къриубыдэу и Iэ къызыпекIуэ­кIа лэжьыгъэр, игъэзэщIа макъамэхэмрэ пшыналъэхэмрэ.

1945 гъэхэм екIуэкIа Хэку зауэшхуэм цIыхубэм къахуихьауэ щыта насыпыншагъэхэмрэ бэлыхьхэмрэ къыпхуэ­мы­Iуэтэжыным хуэдизщ. Абыхэм ятеухуа хъы­бархэм дыщыщIэдэIукIэ, фильмхэм дыщеплъкIэ, тхылъхэм дыщеджэкIэ, дэ, а зауэшхуэр IуэрыIуэтэжу фIэкIа зы­мылъэгъуахэм, дигури ди псэри мэуз а лъэхъэнэм хиубыда, апхуэдиз щыщIэ­ныгъэрэ гугъуехьрэ зытелъа цIыхухэм папщIэ. «Пхуэмышэчын къыптрилъ­хьэркъым», - жыхуиIэращ псалъэжьым, итIани, а псори, дауи, хьэлъэ дыдэт, балигъхэми сабийхэми я дежкIэ.

«Хэкум и зауэлIхэм я унагъуэхэм я комитет» жылагъуэ зэгухьэныгъэм и Къэбэрдей-Балъкъэр щIыналъэ къудамэм Нарткъалэ щригъэкIуэкIащ «Бжэ зэIухам и махуэ». ЗэIущIэм хэтащ республикэм и Дзэ комиссариатым и лIыкIуэхэр, комитетым и унафэщI Ореховэ ­Каринэ, абы и къуэдзэ Алимовэ Аллэ, юристхэу Къашыргъэ Арсенрэ Мкртчян Эдуардрэ.

Зи IуэхущIафэкIэ, цIыху де­кIуэкIыкIэкIэ, IэнатIэ зехьэ­кIэкIэ зыхэтхэм къахэщу псэуар зэи ящыгъупщэркъым. Зи гугъу фхуэтщIыну бзылъхугъэм гъащIэ купщIафIэ къикIуащ, лъэужь дахэ дунейм къытринащ, нобэми яIуэтэж Iэужь къызэринэкIащ. Псэужамэ, и ныбжьыр илъэс 90 ири­къунут Ерчэн ФатIимэ Хьэбыж и ­пхъум. Ар 1935 гъэм мэкъуауэгъуэм и 20-м Къардэнхэ я уна­гъуэм къыщалъхуащ.