|
|
Календарь событий
23 июня 2025
23 июня, 2025 - 16:08
КъБКъУ-м АрхитектурэмкIэ, ухуэныгъэмрэ дизайнымкIэ и институтым къыщIигъэкIащ «Декоративно-прикладное искусство и народные промыслы» унэтIыныгъэм хыхьэ «Художественнэ хэдыкI» IэщIагъэр зэзыгъэгъуэтахэр.
IэпщIэлъапщIагъэм хуеджахэм я диплом лэжьыгъэхэр зытеухуамкIи къагъэсэбэпа IэмалхэмкIи куэду зэщхьэщыкIырт. Адыгэ цIыхухъу, цIыхубз фэилъхьэгъуэхэр зэрызэрагъэпэщыжыр, ахэр зэманым декIуу къызэрагъэщIэрэщIэжыр удихьэхыу къагъэлъэгъуащ, дыщэидэр, бзылъхугъэ хьэгъуэлIыгъуэ бостейр хьэпIацIэщыгъэкIэ гъэдэхэныр хыхьэу.
23 июня, 2025 - 15:30
КъБКъУ-м Отаровым и цIэкIэ щыIэ балъкъэр щэнхабзэ центрым иджы дыдэ къыщызэрагъэпэщащ «Хэку зауэшхуэр Отаров Керим и тхыгъэхэм къызэрыщыгъэлъэгъуэжар» зэпеуэр. Абы щытекIуахэмрэ къыщыхэжаныкIахэмрэ ягъэлъэпIащ, Хэку зауэшхуэм ТекIуэныгъэ Иныр ди къэралым къызэрыщихьрэ илъэс 80 зэрырикъумрэ Хэкум и хъумакIуэхэм я гъэу мы илъэсыр зэрагъэувамрэ я щIыхькIэ.
23 июня, 2025 - 15:30
Лышх узыфэхэмкIэ Ростов къалэм щыIэ щIэныгъэ IуэхущIапIэм и дохутырхэр Астрэхъэн онкодиспансерым кIуэри, IэмалыщIэхэм щагъэгъуэзащ абы щылажьэхэр.
Медицинэ щIэныгъэхэмкIэ кандидат, щIыфэ, къупщхьэ, бгъэ лышхымкIэ Ростов онкологием и дохутыр Аушевэ Татьянэ тепсэлъыхьащ икIи игъэлъэгъуащ лышхым иубыда бгъэр зэрыщIахымрэ эндопротез зэрыхагъэувэмрэ. Ар зы операцэкIэ зэфIэкI Iуэхугъуэщ, сымаджэм тригъэзэжу операцэ ящIын хуэмейуэ.
23 июня, 2025 - 15:17
Хуабжьу зихъуэжащ «ГущэхэпхэкIэ» дызэджэу щыта хабзэм. Фигу къэдгъэкIыжынщи, сабий къалъхуагъащIэр япэу гущэм щыхапхэкIэ хуащI дауэдапщэт ар.
Нэхъыжьхэм ящIэж: егъэлеяуэ зыри хэлъу щытакъым абы. ЦIыху куэд зэхуамышэсу гуапэу зэфIэкI Iуэхут, псори зытеухуэжар сабийм и тыншыгъуэр арати.
Иджы тлъагъур нэгъуэщIщ: цIыхубз лъхуагъащIэмрэ дзадзумрэ занщIэу шхапIэ ехьэжьам яшэ, куэду къызэхуэса благъэр, Iыхьлыр, ныбжьэгъухэр ягъэхъуэхъуэну.
23 июня, 2025 - 14:19
Накъыгъэ мазэр гуфIэгъуэ махуэхэмкIэ гъэнщIауэ щытащ. Абыхэм ящыщу, дауи, нэхъ лъапIэ дыдэр ТекIуэныгъэ Иныр илъэс 80 зэрырикъурт. Сыт щыгъуи хуэдэу, езым и увыпIэр иIыгъыжащ Накъыгъэм и 1-ми. Ауэ яхэтащ абыхэм ялъэмыIэсми, къэралым и дежкIэ мыхьэнэшхуэ зиIа нэгъуэщIхэри. Псалъэм и хьэтыркIэ, мы гъэм накъыгъэм и 15-м илъэс 90 ирикъуащ Москва и метрополитеныр къызэрызэIуахрэ. Щыхьэрым егъэщIылIами, ар а зэманым ныбжьыщIэ Совет Союзым и дежкIэ Iуэхушхуэу щытащ.
23 июня, 2025 - 14:13
Къэбэрдей-Балъкъэрым и Прохладнэ, Май щIыналъэхэм я мэкъумэшыщIэхэр хьэцэпэцэ Iухыжыгъуэм псом япэу республикэм щыпэрыхьащ. ЖыпIэнурамэ, бжьыхьэсэ хьэр жыджэру нобэ кърахьэлIэж икIи гектар мини I00-м щIигъум ар къытрахыжащ зэкIэ. МэкъумэшыщIэхэм мыгувэу гуэдзым щIадзэнущ.
Мы гъэм кърахьэлIэжыну гъавэщIэр щагъэтIылъыну хъумапIэхэр, элеваторхэр ирикъуу щыIэщ икIи ахэр лэжьыгъэм хуэхьэзырщ.
23 июня, 2025 - 13:44
Аруан щIыналъэм и Шэрэдж Ищхъэрэ къуажэм Хьэмдэхъу Башир и цIэр зэрихьэу дэт Къэбэрдей-Балъкъэр мэкъумэш-промышленнэ колледжым и общежитыр къызыхуэтыншэу мы гъэм зэрагъэпэщыжынущ. КъатиплIу зэтет унэм пэши I0I-рэ иIэщ, щаухуар I980 гъэрщ икIи иужьрей илъэс 25-м апхуэдэ лэжьыгъэхэр абы щрагъэкIуэкIакъым.
23 июня, 2025 - 13:07
Адыгэбзэр къытщIэхъуэ щIэблэм яIурылъу, лъэпкъым и щэнхабзэм щыгъуазэу къэгъэхъунымкIэ лэжьыгъэшхуэ щрагъэкIуэкI «Адыгэ цIыкIу» егъэджэныгъэ IуэхущIапIэм. Нобэ ди псэлъэгъущ абы и къызэгъэпэщакIуэ, зи IэщIагъэкIэ логопед, психолог Къармэ Iэсият.
- Iэсият, «Адыгэ цIыкIур» къызэрыунэхуам утезгъэпсэлъыхьынут.
23 июня, 2025 - 12:33
Мэкъуауэгъуэм и 23, блыщхьэ
Дунейпсо Олимп махуэщ
ООН-м къэрал къулыкъу щыщIэным и дунейпсо махуэщ
1952 гъэм къалъхуащ КъБР-м щIыхь зиIэ и артист, КъБР-м и Къэрал саугъэтым и лауреат КIэмыргуей Валентин.
Дунейм и щытыкIэнур
«pogoda.yandex.ru» сайтым зэритымкIэ, республикэм уэшх къыщешхынущ. Хуабэр махуэм градус 22 - 24-рэ, жэщым градус I5 - I6 щыхъунущ.
Лъэпкъ Iущыгъэ:
23 июня, 2025 - 12:04
НэщIэпыджэ зэкъуэшищым я зауэ лъагъуэхэр къыщахутэжым зрихьэлIахэр къуэрылъхухэм къыщаIуэтэж мы тхыгъэм.
Къасым
Къасым иужьрейуэ 39-нэ гвардейскэ фочауэ дивизэм сэлэту хэтащ. Ар I944 гъэм гъатхэпэм и 22-м хэкIуэдащ икIи Украинэм хыхьэ Одесскэ областым и Каспаровкэ къуажэм дэт кхъэм щыщIалъхьащ. Абы и унэцIэр сайтым зэрилъу къэдгъуэтар Нашипиговщ. ИужькIэ псори зэдгъэзэхуэжащ.
23 июня, 2025 - 11:22
Мы таурыхъыжьыр къэзыIуэтэжа ХьэтIохъущыкъуей къуажэм дэса Щоджэн (Доткъул) Лауцэ ( и ахърэтыр нэху Тхьэм ищI) и бынхэр щIипIыкIащ адыгэ IуэрыIуатэм.
«Таурыхъ къэс пэж гуэр зэрилъабжьэр хьэкъщ», - жаIэ. Апхуэдэщ Лауцэ къиIуэтэжауэ щыта мы хъыбарри. Мыбы къыхощ цIыхухэм я зэхущытыкIэр.
«Кулэрэ Лацэрэ жари хъыджэбз дахитI псэуащ пасэ зэманым. ТIури мазэ нэгурэ набдзэ фIыцIэу, я щхьэц Iувышхуэхэр быдэу ухуэнауэ я плIэм дэлъу, хуабжьу хъыджэбз зэкIужхэт.
|
