|
|
Календарь событий
24 июня 2025
24 июня, 2025 - 18:39
Ныбжьэгъур ящыгъупщэркъым
Налшык къалэм и «Гладиатор» спорт комплексым щекIуэкIащ дзюдомкIэ дунейпсо классымкIэ спортым и мастер Занкишиев Казбек и фэеплъ зэхьэзэхуэ. Абы щызэпеуащ ди республикэм и щIыналъэхэм я бэнакIуэ 200-м щIигъу, 2014 - 2015 гъэхэм къалъхуауэ.
24 июня, 2025 - 16:00
Къэбэрдей-Балъкъэр Республикэм и Iэтащхьэм и деж тхыдэ Iуэхушхуэхэмрэ ехъулIэныгъэ ин дыдэхэр къэзыхьа икIи Къэбэрдей-Балъкъэр Республикэм и пащхьэм фIыщIэ щхьэхуэхэр щызиIэ цIыхухэмрэ я фэеплъыр мыкIуэдыжын щIыным пыщIа IуэхухэмкIэ щыIэ комиссэм, Къэбэрдей-Балъкъэр Республикэм и Iэтащхьэм 20I6 гъэм мазаем и 2-м къыдигъэкIа Указ №I2-УГ-м ипкъ иткIэ къызэрагъэпэщам хэтхэм зэхъуэкIыныгъэхэр хэлъхьэным теухуауэ Кэбэрдей-Балъкъэр Республикэм и Указ
24 июня, 2025 - 15:30
Кулэ Лацэ и унэм щыпсэурт. Ауэрэ Къэсей Лацэ и адэ-анэм я деж лъыхъу игъэкIуащ, зэгурыIуэмэ, фызышэу ишэн и гугъэу. Лъыхъухэм жэуапу къратащ: «Езы Лацэ арэзымэ, фыдот, дэ дыарэзыщ». Лацэ и зы дэлъху я гъусэу ахэр хъыджэбзым и пэшым щIыхьэри еупщIащ:
- Къэсей и адэ-анэм дыкъагъэкIуащ, удэкIуэну уарэзы? Сыт къыджепIэн?
24 июня, 2025 - 15:30
Бахъсэн щIыналъэ администрацэм и унафэщI Балъкъыз Артур иджыблагъэ щыIащ Бахъсэненкэ къуажэм икIи зригъэлъэгъуащ абы щащI спорт комплексым, сабий садым, къуажэдэсхэм я зыгъэпсэхупIэм я ухуэныгъэхэр здынэсахэр.
Лэжьыгъэхэр ирагъэкIуэкI «Къуажэхэм сыт и лъэныкъуэкIи зегъэужьын» къэрал программэм ипкъ иткIэ икIи ар хуэунэтIащ цIыхухэм зыщагъэпсэхун щIыпIэхэр къахузэгъэпэщыным, щIалэгъуалэр спортым дегъэхьэхыным, жылэм зегъэужьыным. 2026 гъэм и кIэм объектхэр ятынущ.
24 июня, 2025 - 14:37
«ЦIыхум къыбгъэдилъхьа зэчий лIэужьыгъуэхэм уахэплъэмэ, бзэ шэрыуагъым епхам и закъуэщ ныбжьым елъытауэ къыщIэкIыр, сыту жыпIэмэ, абы зезыгъэужьыр езы цIыхум и щхьэкIэ игъэунэхуахэрщ», - жиIэгъащ зи цIэр къытхуэмыгъуэтыжа губзыгъэ гуэрым. А гупсысэр Гугъуэт Заремэ дежи щызахуэщ.
24 июня, 2025 - 14:24
Мэкъуауэгъуэм и 24, гъубж
ТекIуэныгъэм и Парадыр щекIуэкIа махуэщ. I945 гъэм Москва и Утыку Плъыжьым ирикIуащ СССР-р Германием зэрытекIуам и щIыхькIэ къызэрагъэпэща парадыр.
1923 гъэм къалъхуащ филологие щIэныгъэхэмкIэ доктор, профессор, ЩIДАА-м и академик, УФ-ми АР-ми щIэныгъэхэмкIэ щIыхь зиIэ я лэжьакIуэ КIэрашэ Зейнаб.
1936 гъэм къалъхуащ медицинэ щIэныгъэхэмкIэ доктор, АКъУ-м и профессор, УФ-м щIыхь зиIэ и дохутыр АфIэунэ Алий.
24 июня, 2025 - 11:18
Илъэс блэкIам Къэбэрдей-Балъкъэрым и хьэрычэт IэнатIэ мащIэмрэ цIыкIумрэ (микро) пэрытхэм щыщ IуэхущIапIэу 73-м я мыхьэнэм хагъэхъуащ икIи я лэжьыгъэхэмкIэ зэфIэкI нэхъ лъагэ зиIэхэм яхыхьащ. ЖыпIэнурамэ, IуэхущIапIэ 67-р хьэрычэт IэнатIэ цIыкIум (микро) хэкIри, хьэрычэт IэнатIэ мащIэм кIуащ. Абы нэмыщI, хьэрычэт IэнатIэ цIыкIумрэ мащIэмрэ я IуэхущIапIэ щырыщ хьэрычэт IэнатIэ курытым хыхьащ.
24 июня, 2025 - 11:00
Дызэрыт илъэсым и щIышылэм – накъыгъэм къриубыдэу Къэбэрдей-Балъкъэрым и щIыпIэ дахэхэр зрагъэлъэгъуащ цIыху мин 700-м нэблагъэм. КъБР-м Курортхэмрэ туризмэмкIэ и министерствэм зэрыщыжаIамкIэ, нэгъабэ и апхуэдэ пIалъэм щыIа бжыгъэхэм нэхърэ ар процент I4-кIэ нэхъыбэщ. Иужьрей илъэситхур къатщтэмэ – ди деж къакIуэ туристхэм я куэдагъым хуэдищкIэ хэхъуащ.
24 июня, 2025 - 10:21
Нобэрей дуней хуитыр къызыпэкIуа зауаем хэкIуэдащ зи щIалэгъуэ, зи псэугъуэ куэд. НэщIэпыджэхэ я щIалэ зыбжанэ I942 гъэм фронтым Iухьащ я хэку яхъумэжыну, ауэ, ди жагъуэ зэрыхъунщи, къэзыгъэзэжар зы закъуэщ - НэщIэпыджэ Яхья и къуэ Атхьэмщ. Жылэдэсым пщIэ къыхуащIрэ жьыми щIэми я чэнджэщэгъуу илъэс 90-кIэ псэуа Атхьэм Iуэхугъуэ купщIафIэхэмкIэ гъэнщIа гъащIэ зэпэщ къигъэщIащ. Коллективизацэр, Хэку зауэшхуэр, зауэ нэужь лъэхъэнэ гугъур пщIэрэ щIыхьрэ пылъу къызэринэкIащ Атхьэм икIи къэралым къыщрахьэжьэ сыт хуэдэ Iуэхуми и гуащIэ хилъхьэу къэпсэуащ.
24 июня, 2025 - 09:20
И нэгу щIэкIа е жаIэжу зэхиха хъыбар кIэщI цIыкIу зыбжанэ итхыжащ журналист Мыз Ахьмэд. «Дунейм ущытеткIэ цIыху куэдым уахуозэ, гуп зэхуэмыдэхэм уахохьэ, ар гуфIэгъуэ е гузэвэгъуэ ирехъу, лэжьыгъэ IуэхукIи узыIууэр мащIэкъым, - же1э абы. - БгъэщIагъуэу, уигъэгупсысэу Iэджэ болъагъу, яIуэтэжу зэхыбох. Апхуэдэ хъыбархэм хэтщ дыхьэгъ зыкъоми. Абыхэм ящыщу нэхъ гукъинэж сщыхъуахэр стхыжащ».
КъыщIигъэлъащ
|
