Календарь событий

КъБР-м и Iэтащхьэ КIуэкIуэ Казбек наб­дзэгубдзаплъэу кIэлъоплъ икIи езым и унафэ щхьэхуэм щIигъэтщ Тырныауз ­къалэм аргуэру къыщIэуа ятIэпсым ­къри­кIуа щытыкIэ гугъур. КъэхъукъащIэр зэрагъэзэкIуэжым телефонкIэ къы­щIэуп­щIащ УФ-м и Президентым и полномочнэ лIыкIуэу КИФЩI-м щыIэ Чайкэ Юрий. 

Хэкум къэзыгъэзэжа адыгэ­хэм я махуэм ирихьэлIэу къызэрагъэпэщри, КъБР-м и Лъэпкъ музейм зэхыхьэ дахэ дыгъуасэ ще­кIуэкIащ. Абы екIуэлIахэм зыщагъэгъуэзащ ди щэнхабзэм, IэщIагъэм трау­хуа гъэлъэгъуэныгъэм. 

Кавказ зауэм и Iэужьу хэкур зрагъэбгына, хамэщI къыщыхута адыгэхэм я нэгу щIэкIар зыхуэдэр, хуэгъэфэщауэ тщIэ мыхъумэ, ипэжыпIэ дыдэр ди нэгу къытхущIэмыгъэхьэну хьэлъэт. Тхыдэтххэм зэрыжаIэмкIэ, Тыркум зэрынэсу, асыхьэту зыкъагъазэу зыхэкIа мафIэм къыхыхьэжыну хьэзырт ахэр, апхуэдизкIэ хьэ­лъэт зыхэхуа гъащIэри. Дауи! Мыбдеж я хэку зэрыщIэбэныр ящIэу, дэнэкIэ ягъазэми - ягъуэт къуэгъэнапIэр я унэу щытамэ, мор хамэ щIыпIэт, цIыхухэри, бзэри, хабзэри мыцIыхут, къыхуа­гъэлъэгъуа псори пцIыт, пщIэи, нэмыси, цIэи, щхьэи щаIэжтэкъым.