Календарь событий

Зи Хэку лъэщыгъэкIэ зрагъэбгынауэ щыта ди лъэп­къэгъухэм я псэр мы­бы­кIэ къоIэ, дыкъэкIуэжащэрэт жаIэу. ХьэщIэу Хэкужьым къакIуэри мащIэкъым. 

Адэжь лъапсэм къэзыгъэзэжахэм я махуэм гулъытэ хэха щыхуащI Кавказ Ищхъэрэм хыхьэ щIыналъэхэу Къэбэрдей-Балъкъэрым, Къэрэшей-Шэрджэсым, Адыгейм. 

Илъэс блэкIам дунейм къытехьа «Зэшыпхъуибл» псысэр зытеухуар Сирием къиIэпхъукIыжу, Къэбэрдей-Балъкъэрым лъабжьэ щызыгъэ­тIылъа Махуэ Къэрэгъул и унагъуэрт. Тхылъым и зэхэлъыкIэр нобэрей махуэм быдэу зэрепхам нэмыщI, абы и къыдэкIыкIэри тхыгъэм и зы Iыхьэ хъуа пэлъытэу, гукъинэжт. 

Тыркум къиIэпхъукIыжри, Хэкур зригъэгъуэтыжащ, унагъуи щыхъужащ Тэубичэ ­Сонер.  Фэм, пхъэм, гъущI зэмылIэужьыгъуэхэм елэжь IэпщIэлъапщIэ адыгэ щIалэм и IэрыкIхэр цIэрыIуэ хъуащ. Абы ещI къэлътмакъхэр, бгырыпххэр, ахъшалъэхэр, паспорттелъхьэхэр, шабзалъэхэр, ахъшалъэхэр, сампIэ­хэр, фочылъэхэр, тхьэгъу­хэр, Iэлъынхэр, пщэрылъхэр, Iэпщэхъухэр. IэпщIэлъапщIэм и IэрыкIхэр адыгэпсэкIэ епсыхь: лъэпкъ дамыгъэхэр, тхыпхъэ дахэхэр трещIыхь, псалъэ Iущхэмрэ псалъэжь­хэмрэ адыгэбзэкIэ третхэ.