|
|
Календарь событий
26 августа 2025
26 августа, 2025 - 16:22
Телефон зыIэщIэлъ дэтхэнэ зыри щыгъуазэщ абы узыхуейр къыщыбгъуэтын папщIэ, и IуплъапIэм ит къэлъыхъуапIэм псалъэ гуэр иптхэн зэрыхуейм. УФ-м и Къэрал Думэм а Iуэхугъуэм ухуэзыгъэсакъ хабзэщIэ бадзэуэгъуэм и кIэм къыхилъхьауэ щытащ: «экстремизмэм епха хъыбар интернетым къыщылъыхъуэн» - арат хабзэщIэм и проектым зэреджэр. УФ-м и Президент Путин Владимир бадзэуэгъуэм и 31-м абы Iэ щIидзакIэщ.
26 августа, 2025 - 14:44
КъБР-м и Лъэпкъ музейм щагъэлъагъуэ РСФСР-м щIыхь зиIэ и сурэтыщI, Хэку зауэшхуэм хэта Скориков Юрий (1924-1994) къыщIэна лэжьыгъэхэр. «Памяти мастера» фIащауэ ар къызэрагъэпэщащ сурэтыщIыр къызэралъхурэ илъэси 100, Хэкум и хъумакIуэхэм я илъэсым, Хэку зауэшхуэм ТекIуэныгъэ Иныр ди къэралым къызэрыщихьрэ илъэс 80 зэрырикъум я щIыхькIэ.
26 августа, 2025 - 14:20
«910-нэ лъагапIэ» фэеплъыр Бахъсэн районым мыхьэнэшхуэ зиIэ и щIыпIэщ. I942 гъэм и гъэмахуэм, Пятигорск (Псыхуабэ) къащта нэужь, зэрыпхъуакIуэхэр хэтащ Кавказ Ищхъэрэр адэкIи яубыдыну.
26 августа, 2025 - 14:16
«Къэбэрдей-Балъкъэрым терроризмэмрэ экстремизмэмрэ щымыгъэIэн» республикэ программэм ипкъ иткIэ, «Спортыр террорым и бийщ» къыхуеджэныгъэм щIэту Налшык къалэм иджыблагъэ щекIуэкIащ теннисышхуэмкIэ зэхьэзэхуэ. Сабийхэм я стадионым къыщызэрагъэпэща а зэпеуэм хэтащ республикэм СпортымкIэ и министерствэм Олимп джэгухэм хэтыфыну сабий зэчиифIэхэр щагъэхьэзыр и спорт еджапIэм и гъэсэнхэр.
Удэзыхьэхыу икIи гуащIэу екIуэкIа зэпеуэхэм щытекIуащ Хутэ Самирэрэ Ясмин Аммаррэ, етIуанэ хъуахэщ Къул Сафинэрэ Уэлджыр Аделинэрэ, Къурашэхэ Айшэрэ Алиярэ ещанэщ.
26 августа, 2025 - 13:15
«Ladies Endurance Cup» фIэщыгъэр зэрихьэу Бахъсэн къалэм и «Джэдыкъуэ Плъыжь» шы спорт комплексым щекIуэкIащ шыхэмкIэ гъуэгуанэ кIыхьхэр зэпычынымкIэ цIыхубзхэм я зэхьэзэхуэрэ Абхъазым и къыщхьэщыжакIуэм и махуэм теухуа щIыналъэ зэпеуэрэ. Абы хэтащ Къэбэрдей-Балъкъэрым, Къэрэшей-Шэрджэсым, Адыгейм, Ставрополь крайм, Мэзкуу къалэмрэ областымрэ, Санкт-Петербург къалэм, Абхъазым я шууей 44-рэ.
26 августа, 2025 - 12:26
Шэшэн республикэм и япэ Президент, УФ-м и ЛIыхъужь Кадыров Ахъмэт-Хьэжы и фэеплъ зэхьэзэхуэ атлетикэ хьэлъэмкIэ Грознэ къалэм иджыблагъэ щекIуэкIащ.
Къэбэрдей-Балъкъэрым и щIыхьыр иIэту абы щыIащ Бахъсэн къалэм и спорт еджапIэм и гъэсэн Щоджэн Ислъам икIи килограмм 89-рэ зи хьэлъагъхэм я деж домбеякъ медаль къыщихьащ. БгъэдыхьэгъуитIым (рывокрэ жимрэ) къриубыдэу ди щIалэм къиIэтащ килограмм 285-рэ.
Ислъам и тренерыр Хьэщпакъ Мусащ.
26 августа, 2025 - 11:59
Адыгэм иригъэкIуэкI дэтхэнэ зы Iуэхугъуэри дауэдапщэри лъэпкъ хабзэ дахэм тету къызэрегъэпэщ. Сабийр дунейм къыщытехьам деж щрагъажьэри, абы епхауэ къыдах сыт хуэдэ Iуэхури Iэтауэ ирагъэкIуэкI. Апхуэдэ хабзэ дахэрщ лъэпкъым и цIэр фIыкIэ зыгъэIуар, и пщIэр зыIэтар. Нэхъыжь-нэхъыщIэ зэхущытыкIэ, гуащэрэ-нысэрэ я зэбгъэдэтыкIэ, гуп хэтыкIэ… куэд мэхъу хабзэм къызэщIиубыдэр. Ахэр псори къыщызэщIэкъуэжащ МафIэдз Сэрэбий и «Адыгэ хабзэ» тхылъым. Абы щыщ зы теплъэгъуэ фыщыдогъэгъуазэ.
26 августа, 2025 - 11:18
2025 гъэм шыщхьэуIум и 21- 23-хэм Къэрэшей-Шэрджэсым и «Архъыз» турист-рекреацэ комплексым щекIуэкIащ «Си хьэрычэт IэнатIэ» фIэщыгъэр зезыхьэ 4-нэ урысейпсо хьэрычэтыщIэ-инфраструктурэ зэхуэс. Ар къызэригъэпэщащ УФ-м Экономикэ зыужьыныгъэмкIэ и министерствэм, «Зэхьэзэхуэр зи лъабжьэ экономикэ лъэщ» лъэпкъ пэхуэщIэм хыхьэ «Хьэрычэт IэнатIэ мащIэмрэ курытымрэ хьэрычэт щIэн жэрдэмыр ядэIыгъын» къэрал пэхуэщIэм ипкъ иткIэ. ЗэIущIэм хэтащ Къэбэрдей-Балъкъэрым Экономикэ зыужьыныгъэмкIэ и министерствэмрэ КъБР-м «Си хьэрычэт IэнатIэ» центрымрэ я лIыкIуэхэр.
26 августа, 2025 - 10:01
ШыщхьэуIум и 26, гъубж
Абхъазым и щхьэхуитыныгъэм и махуэщ
1908 гъэм Тыркум япэ Адыгэ Хасэ къыщызэрагъэпэщащ.
1947 гъэм къалъхуащ педагогикэ щIэныгъэхэмкIэ доктор, Педагогикэ егъэджэныгъэмкIэ дунейпсо академием и член-корреспондент Зэгъэщтокъуэ Хьисэ.
1952 гъэм къалъхуащ «Тетраграф» ООО-м и унафэщI, ДАХ-м и саугъэтыр зыхуагъэфэща Шакъ Елбэрд.
26 августа, 2025 - 09:58
Къэбэрдей-Балъкъэрым, Адыгейм, Къэрэшей-Шэрджэсым щыщу адыгэ лъэпкъ цIыхубэ IэщIагъэхэр зыхъумэ цIыхухъухэм Хьэбэз къажэм зэхуэс щрагъэкIуэкIащ.
Абыхэм къапежьащ Дыгъужь Барисбийрэ Хьэкъун Назиррэ.
- Адыгэм и цIыхухъу IэпэIэсэхэр япэрейуэ мыпхуэдэу зэхыхьауэ аращ. Къуэш хэгъэгухэм къикIа ди щIалэ IэпщIэлъапщIэхэм ди гум къыбгъэдэкIыу дадогуфIэ икIи я жэрдэмыфIхэр ядыдоIыгъ. Мыр ди зэпыщIэныгъэм и къару лъэщу къэплъытэ хъунущ, - жиIащ Дыгъужь Барисбий.
|
