Календарь событий

Дызэрыт илъэсым и гъэмахуэ мазищым къриубыдэу ­«Iуащхьэмахуэ» курортым щыIащ цIыху мин 225-м щIигъу. Мы гъэм лэжьэн щIэзыдза, Осетие Ищхъэрэ - Аланием и «Ма­мисон» курортым а пIалъэм ирихьэлIэу турист мин 19-м зы­щагъэпсэхуащ, къитащ иджыблагъэ Кавказ.РФ-м и пресс-IуэхущIапIэм. 

Шейм и хэкуу къалъытэ Китайр. Абы и пащтыхьу щыта Нуну Шень япэу игъэвауэ щытащ шей. Ар къыщыхъуар ди эрэм ипэкIэ 2700 гъэрщ. Пащтыхьым псы къигъэвэну мафIэм ­тригъэувэри, абы зэрымыщIэкIэ хэлъэлъащ жыгым къы­пыщэща тхьэмпэхэр. Ар пащтыхьым гъэщIэгъуэн щыхъуащ икIи тхьэмпэхэм псыр къыщIигъэвыкIащ. Ефэри хуабжьу гурыхь щыхъуащ. А Iуэхум и ужькIэ, Китайм зыщрагъэсащ шей удз ягъэкIыу, ар къагъэсэбэпу.

СурэтыщI гъуазджэхэмкIэ музейр, Ткаченкэ Андрей и цIэр зезыхьэр, къызэрызэIуахрэ мы гъэм илъэс 65-рэ, урысей, къухьэпIэ, къуэкIыпIэ къэ­ралхэм я гъуазджэ хьэпшыпхэр абы зэрыщахъумэрэ илъэси 100 ирокъу. 

Лъэпкъ зэкъуэтхэм я зэгухьэныгъэм   (ООН-м) и унафэкIэ ЩIэныгъэ зэгъэ­гъуэ­тыным и дунейпсо махуэр ягъэуващ  1966 гъэм фокIадэм и 8-м. А махуэм ­Тегеран къыщызэ­Iуахауэ щытащ егъэджэ­ныгъэмрэ щIэны­гъэмкIэ министрхэм я дунейпсо зэ­хуэсышхуэ. ЩIы хъурейм и къэрал куэдым я лIыкIуэхэр къызрихьэлIа а конференцым щытеп­сэ­лъы­хьат цIыхубэм щIэны­гъэ егъэ­гъуэтыным, ­къеджэкIэ, тхэкIэ, бжэкIэ ящIэу щIэблэр ­къэ­гъэтэджыным мыхьэ­нэш­хуэ зэриIэм.