10 сентября 2025
10 сентября, 2025 - 16:00
Шэшэным и къалащхьэ Грознэм щекIуэкIащ КИФЩI-м дзюдомкIэ пашэныгъэр къыщыхьыным хуэунэтIа зэхьэзэхуэ. Абы щызэпеуащ Кавказ Ищхъэрэм и щIыналъэхэм я бэнакIуэхэр, щIалэхэри хъыджэбзхэри зэхэту, 600-м нэблагъэ, я ныбжькIэ илъэс I8-м щIимыгъуауэ. Зэхьэзэхуэм щытекIуахэр хэтынущ УФ-м пашэныгъэр къыщыхьыным хуэунэтIауэ мы гъэм иригъэкIуэкIыну зэпеуэм.
Къэбэрдей-Балъкъэрым и командэм ехъулIэныгъэфIхэр Грознэм щызэIэригъэхьащ икIи псори зэхэту ди бэнакIуэхэм медали 8 абы къыщхьащ.
10 сентября, 2025 - 16:00
ФокIадэм и 10, бэрэжьей
ЦIыхум зиукIыжыныр къэмыгъэхъуным и дунейпсо махуэщ
Япэ медицинэ дэIэпыкъуныгъэ етыным и дунейпсо махуэщ
1916 гъэм къалъхуащ КъБР-м и цIыхубэ усакIуэ, тхакIуэ, драматург ЩоджэнцIыкIу Iэдэм.
1921 гъэм къалъхуащ Совет Союзым и ЛIыхъужь Хьэбэчыр Умар. 1930 гъэм къалъхуащ тхыдэ щIэныгъэхэмкIэ доктор, профессор, ЩIДАА-м и академик, УФ-м щэнхабзэмкIэ щIыхь зиIэ и лэжьакIуэ Бажэнэ Мурат.
10 сентября, 2025 - 15:51
«Multi European Games 2025» фIэщыгъэр зэрихьэу шыщхьэуIум и 28 - 31-хэм Сербием и Ниш къалэм щекIуэкIащ тхэквондомкIэ (ВТФ, Олимп джэгухэм хыхьэ лIэужьыгъуэмкIэ) рейтинг баллхэр щат дунейпсо зэхьэзэхуэ. Абы щызэпеуащ къэрал 35-м щыщ щIалэрэ хъыджэбзу 2000-м нэблагъэ.
Урысей Федерацэм и командэ къыхэхам хэту зэхьэзэхуэм щыIащ Къэбэрдей-Балъкъэрым и «Пять колец» спорт академием и гъэсэни 6. Ар и щыхьэтщ республикэм тхэквондом иужьрей илъэсхэм зыужьыныгъэфIхэр зэрыщигъуэтамрэ тхэквондистхэм я зэфIэкIхэр утыкушхуэхэм къыщалъытэ зэрыхъуамрэ.
10 сентября, 2025 - 15:30
Севастополь къалэм щекIуэкIащ Урысей Ипщэм щыпсэу лъэпкъхэм щэнхабзэмрэ спортымкIэ я I6-нэ щIыналъэ фестиваль. Ар теухуауэ щытащ ТекIуэныгъэ Иныр къызэрытхьрэ мы гъэм илъэс 80 зэрырикъум икIи абы хэтащ Кавказ Ищхъэрэмрэ Ипщэ федеральнэ округымрэ я щIыналъэ I6-м я командэхэр.
10 сентября, 2025 - 15:30
Къэбэрдей-Балъкъэр Республикэм Лэжьыгъэмрэ цIыхухэм социальнэ и лэныкъуэкIэ къащхьэщыжынымкIэ и министерствэм и унафэм щIэт къэрал кIэзонэ, бюджет, автоном IуэхущIапIэхэм я лэжьакIуэхэм улахуэ зэрырат щIыкIэм теухуа Положенэм и II Iыхьэм зэхъуэкIыныгъэ хэлъхьэным и IуэхукIэ
10 сентября, 2025 - 14:45
Адыгэбзэр лъэпкъым и щIэблэм щыIэщIэху ди лъэхъэнэм псы щIыIэ шынакъыу ущрохьэлIэ ар зыгъэбзэрабзэхэм, ирипсалъэ къудей мыхъуу, прозэ тхыгъэкIи усыгъэкIи фIы дыдэу зи гупсысэр къризыIуатэхэм. ЕтIуанэхэм ящыщщ егъэджакIуэ икIи усакIуэ Вэрокъуэ СэIимэт.
10 сентября, 2025 - 14:02
Тыркум и президентым и щхьэгъусэ Эрдоган Эминэ тхыгъэ зэIухакIэ зыхуигъэзащ США-м и президентым и щхьэгъусэ Трамп Мелание. Абы щхьэусыгъуэ хуэхъуар дунейм щекIуэкI зэрызехьэхэм сабийхэр гущIэгъуншэу зэрыхэкIуадэрщ.
10 сентября, 2025 - 14:00
ЦIыху зэчиифIэ гуп зэхыхьа нэужь, абыхэм я уэршэрым щхьэпагъ зыпылъ гупсысэ гъэщIэгъуэн куэд къыхыбоубыдыкI. КъБР-м, КъШР-м, АР-м къыщыдэкIа адыгэ газетхэм я журналистхэр щызэхыхьам къэпсэлъахэм жаIа хъыбархэм ящыщу мыхэр фи пащхьэ итлъхьэжынут.
«Адыгэ макъ» газетым и рекдатор нэхъыщхьэ МэшлIокъуэ Саидэ махуэ къэс къыдэкI «Адыгэ макъ» газетым гулъытэ нэхъ зыхуищIхэмрэ щIэджыкIакIуэхэм зэрапыщIамрэ убгъуауэ и гугъу ищIащ.
10 сентября, 2025 - 13:00
Налшык и дэшхуей хадэм щагъэува «Налшык Дзэ ЩIыхьым и къалэщ» фэеплъым деж щекIуэкIащ «ТекIуэныгъэ Иным и ныпым и марш» урысейпсо Iуэхум щыщ Iыхьэр. КъБР-м ЩIалэгъуалэм я IуэхухэмкIэ и министерствэм ар къызэригъэпэщащ Хэкум и хъумакIуэхэм я илъэсым, Хэку зауэшхуэм (1941-1945) ТекIуэныгъэ Иныр ди къэралым къызэрыщихьрэ илъэс 80 зэрырикъум и щIыхькIэ. Зэхыхьэр иригъэкIуэкIащ журналист Аттаев Азнор.
