Календарь событий

Къэбэрдей-Балъкъэр Республикэр къызэрыунэхурэ цIыху лъэрызехьэ куэд къыщIэхъуащ. Нобэ дэ дыщыпсэу лъахэ дахэр, махуэ къэс зызыужьыр зэфIэувэн, зэманым декIуу къэгъуэгурыкIуэн папщIэ куэдым я къару, щIэныгъэ, зэфIэкI ирахьэлIащ. Апхуэдэхэм ящыщу къэбгъэлъагъуэ хъунущ Къущхьэ КIыщыкъуэ.  Япэ дыдэу къуажэ школыр республикэм къыщызыуха цIыху 11-м ящыщащ КъБР-м и тхыдэ напэкIуэцIхэм зи цIэр фIыкIэ къыхэщыж Къущхьэ КIыщыкъуэ Сэхьид и къуэр. Абы «5» защIэкIэ еджэныр къызэрырихьэлIам щыхьэт техъуэ дэфтэрым щытхъу тхылъ и гъусэу къратыжат. А зэманым дыщэ медаль яту щытакъым.

«Къэрал къулыкъущIапIэхэмрэ щIыпIэ самоуправленэхэмрэ я лэжьыгъэр хэIущIыIуу щытын» УФ-м и къэрал унафэм ипкъ иткIэ, Къэбэрдей-Балъкъэр Республикэм Ветеринар IуэхухэмкIэ и управленэм цIыхубэр щыгъуазэ ещI социальнэ зэпыщIапIэхэм напэкIуэцI зэрыщаIэм.

 Герхожан-Су псым и псыхъуэм  дэлъэда ятIэпс къехахэм я Iэужьхэр гъэкIуэдыжыным теухуауэ гъэтIылъыпIэ зимыIэ зэфIэгъэувэжыныгъэ лэжьыгъэхэр зэрызэфIэкIам къыхэкIыу «ЦIыхухэмрэ щIыналъэхэмрэ щIыуэпс, техноген нэщэнэ зиIэ къызэрымыкIуэ щытыкIэхэм ящыхъумэным и IуэхукIэ Федеральнэ закон №68-ФЗ-уэ 1994 гъэм дыгъэгъазэм  и 21-м къыдэкIам, Урысей Федерацэм и Правительствэм «КъызэрымыкIуэ щытыкIэхэр къэмыгъэхъуным икIи апхуэдэхэм я лъэужьхэр гъэкIуэдыжыным хуэгъэзауэ щыIэ зыуэ щыт къэрал  лъабжьэм и IуэхукIэ» 2003 гъэм дыгъэгъазэм и 30-м къыдигъэкIа унафэ №794-м япкъ иткIэ:

ФокIадэм и 12 - 14-хэм Къэбэрдей-Балъкъэрым и щIыналъэхэм щекIуэкIынущ «Кавказ Ищхъэрэм ис лъэпкъхэм я зэныбжьэгъугъэ» фIэщыгъэр зезыхьэ, лъакъуэрыгъажэмкIэ 33-нэ зэхьэзэхуэм и 9 - 11-нэ Iыхьэхэр. Спортсменхэм махуэ зыбжанэм къриубыдэу ди республикэм щызэпачыну къапэщылъщ псори зэхэту километр 380-м щIигъу гъуэгуанэр.

Урысей Федерацэм и Президентым къыхилъхьауэ щыта, 2019 - 2024 гъэхэм щегъэжьауэ къэралым щылэжьа пэхуэщIэхэм къыпащэу, 2025 гъэм и щIышылэм къыхалъхьа пэхуэщIэхэр купщIафIэу къэралым и щIыналъэхэм щагъэзащIэ.

Шэру Заринэ илъэс куэд хъуауэ гъэсакIуэ IэнатIэм пэрытщ. Къэбэрдей-Балъкъэр къэрал университетым пэщIэдзэ классхэм я егъэджакIуэхэр щагъэхьэзыр къудамэр къыщиухащ. Иджыри еплIанэ курсым щIэсу гъэсакIуэу лэжьэн щIидзащ, сабийхэм яхэтыным, гъэсэным, я зыужьыкIэм кIэлъыплъыным хилъагъуэрти. Мы зэманым Щхьэлыкъуэ къуажэм дэт сабий сад етIуанэм и лэжьакIуэщ. ЗэрыжиIэмкIэ, сабийхэм я псэ къабзагъэм ехьэху. Сыт хуэдэ и ехъулIэныгъэхэр, и гъэсэнхэм заужьын папщIэ къигъэсэбэп Iэмалхэр? Абы теухуауэ упщIэ зыбжанэкIэ зыхуэдгъэзащ Заринэ.

Ди нэхъыжьыфIу фIыр зи Iэужьхэм лъэужь, Iэужь дахэ куэд къызэранэкIащ. Ахэр дэ зыщыдмыгъэгъупщэу, ипэкIэ дгъэкIуатэу дыпсэун хуейщ. Дэ дагъэлъэгъуа, зэхыдагъэха Iуэхугъуэ дахэхэм щыщхэр, хъыбар къаIуэтэжауэ ди гум къинэжахэр, гъэсэныгъэ зыхэлъ Iуэтэжхэр, хабзэмрэ нэмысымрэ тегъэпсыхьахэр, къытщIэхъуэ щIэблэм яхуэтIуэтэжыпхъэщ, щыдгъэгъуэзапхъэщ, ящIэу къэхъуным папщIэ.

Си анэшхуэм къысхуиIуэтэжауэ щыта мы хъыбар кIэщIыр, си гум къинэжахэм ящыщыр, си гуапэу фи пащхьэ изолъхьэ.

ФокIадэм и 12, мэрем

♦Япэ медицинэ дэIэпыкъуныгъэ хуэныкъуэм зыщIэгъэкъуэным и дунейпсо махуэщ

♦Программистым и махуэщ

♦1930 гъэм къалъхуащ КъШР-м и цIыхубэ тхакIуэ Брат Хьэбас.

♦1950 гъэм къалъхуащ КъБР-м и цIыхубэ артист ШэджыхьэщIэ Аслъэнбий.

Къэбэрдей-Балъкъэрым узыншагъэр хъумэнымкIэ и министр Къалэбатэ Рустамрэ Аруан щIыналъэ администрацэм и унафэщI ЛIыжьыкъуэ Хьэзритрэ зрагъэлъэгъуащ Шэрэдж Ищхъэмрэ Ипщэмрэ къыщызэIуаха амбулаторэщIэхэр. Ахэр щаухуащ абдежхэм щыта ухуэныгъэжьхэм я пIэкIэ.

Инновацэ технологиехэм елэжь е абыхэм пыщIа Iуэхутхьэбзэхэр зыщIэ технологиехэмкIэ IуэхущIапIэ цIыкIухэм (МТК) къэрал дэIэпыкъуныгъэхэм я фIыгъэкIэ хуэдитIкIэ нэхъ псынщIэу икIи жыджэру заужь. Псалъэм папщIэ, УФ-м Экономикэ зыужьыныгъэмкIэ и министерствэмрэ МСП Корпорацэмрэ я программэм ипкъ иткIэ, худэчых зыхэт кредит къэзыщта апхуэдэ компаниехэм, псоми зэхэту сом мелард 265-м нэблагъэ хэхъуэу яIащ илъэс блэкIам.

Адыгэ цей щыгъыу, Зельдин Владимир «Кхъуахъуэ хъыджэбзымрэ мэлыхъуэмрэ» фильмым зэрыщыджэгуар зылъэгъуахэм нобэми я фIэщ яхуэщIыркъым журт щIалэр Кавказым щымыщу. КъызэрыщIэкIымкIэ, ар Къэбэрдей-Балъкъэрым щытрахащ, актёр цIэрыIуэм и илъэси 110-рэ гъуэгуанэм дриплъэжыныр къызыхэтхари аращ.

ГъащIэ кIыхькIэ Тхьэр къызэрыхуэупсам нэмыщI, Зельдиныр жьыщхьэмахуи хъуащ.  Илъэси 101-рэ хъуа нэужьи, актёрым иджыри къару иIэт сценэм ихьэу, цIыхухэр къыдихьэхыфыну.