|
|
Календарь событий
09 октября 2025
9 октября, 2025 - 17:36
Къыпхуэмылъытэнщ МафIэдз Сэрэбий лъэпкъ щэнхабзэм хуищIа хэлъхьэныгъэр. Лъэпкъым и тхыдэ гъуэгуанэр, абы и хабзэ дахэр екIуу къэзыгъэлъэгъуа тхакIуэшхуэщ икIи щIэныгъэлIщ. Абы и зэфIэкIым теухуащ Къэжэр Хьэмид и тхыгъэр.
9 октября, 2025 - 16:12
Урысеймрэ дунеймрэ я зэхущытыкIэм, къекIуэкI политикэмрэ шынагъуэншагъэмрэ, щIалэгъуалэр экстремизм, терроризм гупсысэхэм пэIэщIэ щIыным ди зэманым гулъытэ ин яIэщ. А Iуэхухэм теухуауэ къэралым лэжьыгъэшхуэ щокIуэкI, абыхэм я хэкIыпIэхэм щIэх-щIэхыурэ щытопсэлъыхь. Къэрал лэжьакIуэ зыбжанэм я Iуэху еплъыкIэхэм фыщыдгъэгъуэзэнщ.
9 октября, 2025 - 15:22
Урысей гвардием и управленэу КъБР-м щыIэм и лэжьакIуэхэр, «ДыгъафIэ къалэ» сабий академием и лIыкIуэхэм ящIыгъуу щыIащ Жьы хъуахэмрэ ныкъуэдыкъуэхэмрэ я Налшык унэ-интернатым. Ар трагъэхуат Зи ныбжь хэкIуэтам я дунейпсо махуэм.
Урысей гвардием и дзэ часту Звёзднэ поселкэм щыIэм и оркестрымрэ щIэныгъэ гуэдзэ щрагъэгъуэт центрым щеджэхэмрэ концерт ятащ, зи узыншагъэм сэкъат иIэхэм я гукъыдэжыр къаIэту.
Интернатым щыпсэухэм концерт нэужьым ерыскъыхэкIхэр иратащ.
9 октября, 2025 - 14:21
Жэпуэгъуэм и 9, махуэку
Пощтым и и дунейпсо махуэщ
1909 гъэм къалъхуащ убых тхакIуэ, журналист Щхьэплъы Зубейдэ.
1955 гъэм къалъхуащ ухуакIуэ, хьэрычэтыщIэ, «ААА» фирмэм и унафэщI Къурашэ Валерэ.
1966 гъэм къалъхуащ актрисэ, КъБР-м и Къэрал саугъэтым и лауреат, КъБР-м щIыхь зиIэ и журналист Мысостышхуэ Маринэ.
Дунейм и щытыкIэнур
9 октября, 2025 - 12:26
Газетхэм, телевиденэм, радиом я фIыгъэкIэ щIыпIэм щызэлъэщIыса мэхъу къэхъукъащIэхэм ятеухуа хъыбар зэмылIэужьыгъуэхэр, цIыхухэр щыгъуазэ мэхъу IэщIагъэлI цIэрыIуэхэм, лъэпкъыр зэрыгушхуэхэм я гъащIэмрэ я лэжьыгъэмрэ. КъинэмыщIауэ, абыхэм яунэтIыф жылагъуэ гупсысэр, цIыхухэм я дуней еплъыкIэр, бэр Iуэхугъуэшхуэхэм къыхузэщIагъэуIуэфу. Апхуэдэ къалэнышхуэхэр игъэзащIэу илъэс 80 лъандэрэ Тэрч щIыналъэм къыщыдокI «Терек-1» район газетыр.
9 октября, 2025 - 12:26
Жэпуэгъуэм и 3-5-хэм Абхъазым и утым щекIуэкIащ шхыныгъуэхэр щащэ «Яблочный джем» фестивалыр. Налшык къалэ администрацэмрэ Налшык къалэм зегъэужьынымкIэ «Платформа» институтымрэ, «Туризм и индустрия гостеприимства» лъэпкъ Iуэхум хыхьэу къызэрагъэпэщар.
20I9 гъэм ирагъэжьа фестивалыр гъэ къэс ирагъэфIакIуэр, щIэ куэд халъхьэу. Иджырейм хыхьэу ягъэлъэгъуащ шхыныгъуэ, ерыскъыпхъэ зэмылIэужьыгъуэхэмрэ IэпщIэлъапщIэхэм я IэрыкIхэмрэ.
9 октября, 2025 - 11:18
КъБР-м и Май щIыналъэм и мэкъумэшыщIэхэм нартыхур Iуахыжын щIадзащ. Мы гъэм ар тращIащ гектар 5077-м е нэгъабэ щыIа бжыгъэхэм проценти 105-кIэ хуэкIуэу.
НобэкIэ нартыхур къытрахыжащ гектар 400-м щIигъум, зы гектарым ику иту центнер 60-70 хуэзэу. МэкъумэшыщIэхэм и чазукIэрэ ирагъэкIуэкIа мэкъумэш-техникэ лэжьыгъэхэмрэ дунейм и щытыкIамрэ я фIыгъэкIа мы гъэм кърахьэлIэжыну гъавэм и куэдагъыр нэгъэбэрейм хуэдиз хъун хуейщ.
9 октября, 2025 - 10:01
Дызэрыт илъэсым фокIадэм и 1-м ирихьэлIэу Къэбэрдей-Балъкъэрым я щхьэ хуэлэжьэжыну налог хэзых IэнатIэхэм зыщезыгъэтхахэм я бжыгъэр мин 90-м щIигъуащ икIи зыпэрыт IэнатIхэм жыджэру ахэр щолажьэ. 2024 гъэм и апхуэдэ пIалъэм щыIа бжыгъэхэм нэхърэ проценти 116,8-кIэ нэхъыбэщ ар.
9 октября, 2025 - 09:58
Дыгъэгъазэм и 4 - 7-хэм «Iуащхьэмахуэ» курортым къыщызэIуахынущ мыгъэрей бгы-лыжэ къэжыхьыгъуэр. ЩIымахуэ спорт лIэужьыгъуэхэм дихьэххэмрэ туристхэмрэ мин бжыгъэкIэ абы къэкIуэнущ.
«ЩIымахуэм дыпежьэу, «Iуащхьэмахуэ» курортым Iуэхугъуэшхуэ щызэхэтшэнущ: 2025 - 2026 гъэхэм Урысейм и бгы-лыжэ къэжыхьыгъуэр гуфIэгъуэ зэхыхьэкIэ къызэIутхынущ. Урысей Федерацэм и бгы нэхъ лъагэ дыдэм дыгъэгъазэм и 4 - 7-хэм турист куэд щызэхуэсынущ», - къитащ «Урысейм и къуршхэр» бжыгъэ лъабжьэ зиIэ платформэм и пресс-IуэхущIапIэм.
9 октября, 2025 - 09:00
Ибрэхьим Бегъымбарым къыдэкIуа, Тхьэр зыгъэзакъуэ динищым зэтехуэу хэтщ Яхья лъапIэм и цIэр. Ар нэхъ гъунэгъуу зэдгъэцIыхунымкIэ сэбэп къытхуохъу Ибн Кэсир и тафсир цIэрыIуэр. ЗэрытщIэщи, Яхья къызыхуэхъуар бын къыщIэмыхъуэу жьы хъужа Зэчрей бегъымбарырщ. Ар зэрыхъуар КъурIэн лъапIэм и Iэят зыбжанэм къыщокIуэ.
|
